حلول البطالة Unemployment Solutions - مانـي متابع للسيـاسة والأخبــار * ولا همـني أوباما ولافوز ماكـــيـ

حلول البطالة Unemployment Solutions (https://www.btalah.com/index.php)

- الشعر والنثر (https://www.btalah.com/f28.html)

- - مانـي متابع للسيـاسة والأخبــار * ولا همـني أوباما ولافوز ماكـــيـ (https://www.btalah.com/t89592.html)

آلوآقع وآلحيآد

28-02-2009 02:47 PM

مانـي متابع للسيـاسة والأخبــار * ولا همـني أوباما ولافوز ماكـــيـ

مانـي متابع للسيـاسة والأخبــار
ولا همـني أوباما ولافوز ماكـــيـن
ولا همني وش قال حسني وبشار
وما همني لو زادوا الهند والصين
وما همني لو سوق الأموال منهار
وماهمني لو كان خسروا ملايـين
ماهمني الا راتبي ذا الشهر طــار
كله صرفته يوم خمسة وعشرين
بعثرت مدخولي على يمين ويسـار
وقعدت وعيالـي نصفّـق بـكفــين
1300 عـلـى طـــول فــ إيــجــــار
و400 مصروف جوال في زين
و 1150 في شــركـــة إعـــمــار
قرض ٍ أخذته وشفطـوه الشياطين
و1100 تجديد وأتعـاب سـمــسار
عندي استمارة مطوفة حول عامين
و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن
لا شـمـة الراتـب يجـيها كـما الزار
تنـفض مكيـنتها كما نـفض بوكليـــن
وام العيال تـصـيح يا زوجي البار
هذا الشهر عندي في القصر عرسين
احتاج انا فستان من عشرة امتـار
وأفصـله يا فـالح الـراي بـألفــــيـــن
وأخر مئة بتروح في جيب كومار
الحارس الهندي عسى فـاله الشـيـن
ويقـول ما تـكفـيـه للفـلفـل الحــار
زعلان يبغى فوقها زود خـمســـيــن
وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن
أزمة مسـويها مــداهن وتــجـــــار
وراحوا ضحيتها الضعوف المساكين
منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن
وإن الجمل صابر على الضيم صبّار
وان طاح تكثر في جنوبه سكاكـين
أبديت ما في الصدر من هم واسرار
بأقولها واخلي الخافي يــبـيــــن
يا شيوخنا لا لا تغضون الأبصار
صار المواطن يشكي العسر والدين
وانتم به ادرى ياطويلين الأعمار
بالله عليكم شوفوا الوضع بالعين

عليكم بالصلاة

28-02-2009 03:08 PM

حياك الله اخوي محمد .. قصيدة رااااااااااائعة جدا وتحكي الواقع بكل حذافيره ...صح لسااااااااااانك وفالك راتب قدره خمسة عشر الف ريال .. بس اهم شي احسب المصروفات صح

سؤال القصيدة منقولة ام من نظمك؟

يعطيك ربي الف عااافية

آلوآقع وآلحيآد

28-02-2009 03:55 PM

البقىآ .. وصح بدنـك . لالالا القصيـدهـ منقولــــه عجبتني ونقلتهـاا
شكرىآ لك على المرور

المصير المجهول

28-02-2009 04:26 PM

مشكور على النقل الرائع

اخصائية 2007

28-02-2009 04:40 PM

صج ابداع يطلع منكم مشاء الله لو انت الا كاتب وضعك كان قلت لك شكلك اغنى واحد بالمنتدى سلفني الشهر الجاي بس للاسف خيرها في غيرها

الساعة الآن 07:42 AM