حلول البطالة Unemployment Solutions - هنا نستقبل قصائد !!!!

قصيده عاطل عن العمل ( فكاهيه )

الا يالله عفـوك لا معي بيـجــر ولا جــــوال *** ولا عنـدي وضيـفه والتجــاره فاشـلٍ فيـها

ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها

مخابي الثوب تومي مادخلها من زمان ريال *** بها فاتورة الكهـرب ولا يمديني اقضيـها

علىذيك العراوي تتعب الحادي مع الجمّال ** ثلاث اشهـور فالورشه وشهـرينٍ مغطيها

ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها

نصيت العسكريّه يوم قالوا للنظـام رجــال *** وقـدّمـت الملـف وصـورةٍ متشخـصٍ فيـها

خذا الاوراق مني واحدٍ ما عند ابوه دلال ** سلوم الناس واهل المعرفه والطيب مخطيها

قراها في دقيـقه والتفـت عـجلٍ علي وقـال *** شهادتك العظيمه يا ولد وين انت مخفـيها

هزّيت الراس ماعندي تقول اني من البنقال *** وقمت احـب خشمه واطلبه بالله تمشّـيها

حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها

تناوشته من الكرسي وعفت الحل والترحال ** وضربته بالبياله عقب ما بيّحت شاهـيها

خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها

ويوم اني خرجت اقفيت لارض الله وسيع الجال ** عـلى برٍ هواه يداوي العـلّه ويـبريها

ادوّر قصعة الجربوع والظـب الفتي يختال ** والارنب يا شفاة الروح ما احلاها وطاريها

بـلا كهــرب ولا بيجــر ولا غـازٍ ولا نقّــال *** قوانين الحضــاره لا تبي شـوفي ولا ابيـها

منقوله