أعلنت قيادة القوات البرية الملكية السعودية اللجنة المركزية لقبول طلبة القوات البرية عن فتح باب القبول والتسجيل في سلاح المدفعية للحاصلين على شهادة الثانوية العامة او ما يعادلها .

وسيتم استقبال طلبات المتقدمين يوم السبت القادم ولمدة ثلاثة أيام في مركز ومدرسة سلاح المدفعية في المنطقة الجنوبية (خميس مشيط) حسب الأيام التالية:

يوم السبت 10 / 3 / 1430هـ الحاصلين على تقدير ممتاز وجيد جدا من حملة الثانوية العامة او ما يعادلها .

ويوم الاحد 11 / 3 / 1430هـ الحاصلين على تقدير جيد من حملة الثانوية العامة او ما يعادلها .

ويم الاثنين 12 / 3 / 1430هـ آخر فرصة لمن يرغب في التسجيل من حملة الثانوية العامة او ما يعادلها.

جزاك الله خيرا

جزاك الله خيرا

مايقبلون الجامعيين المظلومين .........خاصة اهل لغة القراااااااااااااان

يالليل والله حاله والي مهوب من الجنوب وش يسوي صعبه اسافر من الشرقيه لهناك والله حرام

السلام عليكم

انا متخرج من سلاح المدفعيه بخميس مشيط عام 1423هـ

سجلت بالكفاءه واعطوني عريف وكان اللى معه ثانويه يعطونه وكيل رقيب

حاليا الدوره اللى متخرجه العام

يعطونه جندي اول على رقم عريف اما الان لا اعلم

مدة الدوره على حسب الاختصاص اللى راح تختاره بعد التخرج من الفرد الاساسي

مكان العمل المتوقع في ثلاث مدن

1- خميس مشيط
2- تبوك
3- حفر الباطن

هذي اماكن المدفعيه فقط

الاختصاصات المتوفره بالمدفعيه

سواق _ مساحه _ توجيه نيران - ذخيره - رادار

انا اختصاصي مساحه تعينت بحفر الباطن ثم بالواسطات نقلت للمساحه العسكريه بالرياض

اكثر صنف هو السواق بس الترقيه توقف على رتبة وكيل رقيب كل الاختصاصات توقف على وكيل رقيب

صنف المساحه بالبدايه 550 ريال وكل ماتخذ دورات مستقبلاً يزيد راتبك 150 على كل ثلاث شهور دوره بعد التخرج

صنف الرادار يوجد به بدل خطر 450 ريال

ان شاء الله اني افدتكم بشي

لا البريه ماتنبقى الله يبعدنا عنها

لا راتب زين ولا فيها شيا زين مدري ليش ماحد مدحها من هالناس هالبريه اللي هي الجيش لانها الظاهر اذا قامت الحرب اول مايدخلون هم البريه اللي هي الجيش اتوقع

خل ننتظر بس ابرك لنا متى مايفتح تقديم الامن العام والا الحرس الوطنـي والا
الدفآع الجوي والقاعده الجويه وانت رايح في هالقطاعات الزينه

ونقدم وياهم وامرنا لله بنشغل الواسط من يمين وشمال مالنا الا هالطريقه خخخ

وجزاك الله الخير اخوي على الخبر وماقصرت وبيض الله وجهك يالغالي

تقبل مروري

بسم الله الرحمن الرحيم

أخواني طبعآ سلاح المدفعية تابع للجيش....وعلى حسب علمي ان الرتب جندي
وجندي اول واذا كان على راتب الفردي الاساسي 2900 طبعآ غير البدلات يعني الجندي حيستلم بعد البدلات 4000 ريال.
واذا كان الفرد الاساسي فني يستلم مع البدلات 4600.

والله أعلم يااخوان..ولاكن بالتوفيق وني اتمنى لكل عاطل وضيفة...

كم الراتب تكفووووووووووووووون يقولون 2500 اول راتب

رحم الله والديك وجزاك الله كل خير ويسر الله امرك وامركل واحد محتاج