|
رديـــه بين خلـــف بن هذال وياســـر التويجري ,,,,,
احب ان انقل لكم رديه بين عمالقه من عمالقه الشعر الشعبي خلف بن هذال((رائد ))الشعر الشعبي و النجم ياسر التويجري وطبعا جرت الرديه في باريس حيث التقيا هناك .. ياراع الطير خل الطيـر فـي وكـره لاتقشـع البرقـع اللـي للهدد باقـي فـي هـدة الطيرلاتفـرح ولاتـكـره وانا لحب أشقر الجنحـان مشتاقـي اعلم عن اليوم ماأعلم مايجي بكـره والله يفرج ويبهج صدر مـن ضاقـي الوقت ماكـر وكـل ذاق مـن مكـره ياكثر ماذقت مـن لوعـات عشاقـي الرجل يشكر ليا طال وضفـى شكـره يربح به السوق عند إفلاس الأسواقي للعشق نشوه غـرام وللهوى سكـره والله ماادري متى جمعـاي وفراقـي يطوي بي البعد طوي الخيط بالمكـره اليا متى تطوي البيـدا علـى ساقـي ياسر ... ترى للكرم واهل الكرم حكره يفوح فيها الدسم وتفـوح الأرزاقـي وهنا ياسر الابداع يرد على زميله الشاعر :خلف بن هذال الشعر فكره ياراعي الشعر والفكره يالشاعر اللي مع الشعار عملاقـي سوق المعاني تملكتـه ومحتكـره بالفعل ماهي شهايد بيض الأوراقي أوّله ماجيب قبلك وانـت مبتكـره واشوف كنك على تاليـه توّاقـي ياعاشق الطير حب الطير من ذكره لاصار كفه شطير وريشـه دقاقـي ماكره في نجد ما مارابـه الهكـره ولاشراه الـردّي وباعـه عراقـي على غزال الشداد اللي على البكره اورّد نياقهـم واصــدّر نيـاقـي احب راس الظفر وآطى على العكره والأمة أخلاق وأنا هـذي أخلاقـي للوقت وقفه حساب وللزمن نكـره والله يصبر من أفارق على فراقـي ولكم مني اطيب التحايا |
مشكور ة يالعاطلات الثلاث على النقل الحلو...
لاتحرمينا من النقل الرائع وخاصه مايخص الشاعر العملاق ياسر التويجري |
اقتباس:
مرورك اسعدني وشرفني ,,,, |
صح لسان من قالها وبدن من نقلها
تقبلي مروري |
اقتباس:
مرورك اسعدني وشرفني يالغالية |
صح لسانك ....... ولا عدمناك .... وبصراحه انا اميل لشاعر ياسر التويجري .
مشكوووووووووووووره سلمتي على النقل |
الله الله جميل
من اجمل ماقرات اليوم على الصباح لك ودي ........... |
شعراء كبار
صحت قلوبهم والف شكر على النقل ياذوق\ تحياتي لك |
>> العاطلات الثلاث <<
شاعره وذائقه لشعر يا العاطله احلى تحيه مني يا عاطله والله يعطيك العافيه على اقتباسك لي اجمل الشعراء وصح الله لسان خلف وياسر وتقبلي >> تحياتي << |
صح لسان قايلها وناقلها
|
| الساعة الآن 01:08 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين