|
تجربتي في مركز عزام للتوحد
مراحب:)
مدري وين احط الموضوع باي قسم:confused: لذالك قررت انزله هون عموما حبيت اقولكم تجربتي انا رحت للمركز ومعاي اوراقي وفرحانه:d طاروا فيني ورحبوا فيني واستقبلوني احسن استقبال:yaa: وسولفنا شوي المهم قالو من بكره تداومين قلت حلو حلو:rolleyes: وداومت من بكره بدري بكل نشاط طبعا نظامهم ان الوحده تمسك حالة طفل وتكون مسؤله عنه تعليم وتربيه وكل شي.. طبعا انا تخصصي خدمـه اجتماعيه يعني اخصائيه اجتماعيه او مرشده طلابيه طبعا هم يبوني اتدرب شهرين وبعدها اوقع العقد:Looking: طبعا انا استمريت يووم ودي اكمل بس تعب لو فيه محفزات استمريت لكن هم بكل اسف لا تحفيز ولا شي يعين اكرفي شهرين وبعدين وقعي العقد طيب الي قاهرني بالشهرين الي راح اكون متدربه بحتاج اسوي فصلي واجيب وسائل يعني يبي صرفيه من وين اصرف لهم .. يبوني اصرف من جيبي واخرتها يقولون ماعجبتينا:mad: اذا مواصلات شايفه الهم بالروحه والجيه :( يعني كرف وتعب وفووق هذا ملـلل وفوق هذا مافي تحفيز ولا دافع للأستمراريه وقال ايـش بيعطوني شهاده وانا مليت من كثر ما اجمـع بالشهادات وش راايكم بهذي التجربه تراي تعبانه مره ناس تقولي كملي وناس تقول اتركيهم وربي بيعووضك وش رايكم طبعا تراهم نمحتاجين الي عنده طولة بال يرووح بيقبولنه على طول حتى لو ثانوي:cry: |
عشر مشاهدات محد رد
شكرا |
الله يعينكـ اختي بس مضمون يوقعون العقد معاكي واذا عندهم شهادات خبره هل هي معتمده ويفاضلون عليها بااي تقديم اذا ماوراها غير التعب بس النوم ابركـ
تحياتي.... |
حتى الشهاده الي ممكن يعطوني مو مهمه ولا ضروريه الا اذا بتوظف بنفس المجال
وانا مابي هذا المجال يعني النوم ابرك على قولتك |
ههههههههههههههههههههههههههههههههههههه
|
القسم المنآسب , وربي يكتب لك الخير في الأمر
موفقه :) |
اذا ما ارتحتي للعمل ما انصحك فيه اهم شيء تكونيين مرتاحه للعمل
وغير كذا راح تدفعين من جيبك وبعد الوظيفة مو آكيده بصراحه انا صارت معي بس تدريب اسبوع وفترة تجربة ثلاث اشهر بس فيه راتب ولكن اقل من الراتب الاساسي بألف ريال يعني ينزلون لي راتب مو شغال بلاش ما لهم حق يشغلونك شهرين بدون راتب شكلهم مسوينها على ناس قبلك وراضين عشان كذا قاموا يستغلون الوضع لان ما ظنتي احد راح يصبر بدون راتب شهرين ما اقول الا الله يعينك ويصبرك ويرزقك الوظيفة اللي تتمنينها |
نصيحة اعطيكي هي عن خلاصة تجربة : لا تضحي في عملك ((القطاع الخاص))، ولا تسوي فوق المطلوب .
|
الـله يسعدكم يارب على رووعة المرور وشاكره لك سيرياليه على نقل الموضوع للمكان المناسب
ويارب يرزقني وياكم الوظيـفه المناسبه |
أختي ليالي نجد ( مايلفظ من قول إلا لديه رقيب عتيد ) بالنسبة لمركز عزام للتوحد أنا موظفة فيه وأجد أنه مكان مريح نفسيا والإدارة تحتوينا بكل تقدير واحترام لاأجد ذلك في مراكز أخرى وبالنسبة لمسألة أن تدفعين من جيبك هذا كلام خاطئ أنتي محاسبه عليه يوم القيامة أرجوا أن تتأكدي من أي قول قبل أن تلفظينه فالمركز يوفر جميع الخامات والألعاب ولست مطالبه بدفع شئ من جيبك وتستطيعين تقديم طلب خامات أو ألعاب معينه للإدارة حتى توفرها لكم إلا أشياء بسيطه جدا كلزاق مثلا أو قلم سبور لا تكلفك سوى 10 ريالات فقط ونصيحيتي لك أن تكملي وظيفتك في المركز صحيح سوف تعملين لمدة شهرين بدون مرتب وهذا النظام ماشي على كثير من المراكز ولكن العبره في النهايه ياسرع ماتمر أنا مجربتها صدقيني فله ماتمسكين إلا طفل واحد بس لا أكثر ووناسه وحفلات ومناسبات ورحلات وملاهي وبعدين الوظايف نادره لا تفوتينها إلحقي بتروح عليك .
|
| الساعة الآن 12:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين