|
احتاج مشورتكم ورأيكم.....
السلام عليكم ورحم الله وبركاته
انا طالبه جامعيه باقي على تخرجي سنه باذن الله ومن زماااااااان وانا افكر بمشروع اسويه في الجامعه وفكرت اسوي مشروع حلويات يعني اسوي نوع واحد حلى وابدع فيه واسوي اعلانات في الجامعه واحط رقمي وش تنصحوني فيه بالضبط وش انواع الحلويات المرغوبه وكيف اتميز عن غيري وايش هي الطريقه اللي باذن الله ممكن انجح فيها وماتاثر على دراستي وهل اركز على الجامعه فقط والا ممكن اشوف اماكن ثانيه مع ان واحد من اخواني رافض مبدا اني ابتدي اي مشروع بالبيت وبرضه احس بخوف من البدايه وهل في اسواق للجمله ممكن تفيدني لمشروعي واسواق او محلات فيها تجهيزات الحلويات ابي رايكم ونصيحتكم لي وعسى ربي يوفق الجميع لما يحبه ويرضاه |
هلابك يالغلا...انتي من اي بلد وشو تخصصك(تدبير ولاشي لو علاقه بالطباخ؟)
؟ولاحتاخدمني اذن من الاداره؟واذااخدتي اذن حتفتحي محل (كشك)صغير هناك ولامن البيت؟:) اذاجاوبتي نكمل<<<مسويه فاهمه خخخخخخ |
الله يوفقك
|
حياك الله أختي الغاليه :)
أولا أتمنى لك النجاح بامتياز والتعيين المبكر مشروع الحلويات من البيت باعتقادي هو مشروع غير مكلف فقط جهزي الادوات وهي ايضا سهله بالنسبه لسؤالك هل يوجد بالسوق تجهيزات الحلا؟؟؟ نعم أختي الغاليه السوق مليء بالتجهيزات الخاصه بالحلا من ادوات وغيره اما بخصوص اختلاف وجهات النظر مع أخيك . الاختلاف وارد عزيزتي ولكني أعتقد انه يجب عليك ان تقنعي أخيك بالفكره بالهداوه والاسلوب الحلو(لاتخالفي راي اخيك ) خصوصا ان كان يكبرك سنا. أتمنى لك التوفيق والتخرج والتعيين تحياتي |
توكلي على الله
وابدئي مشروعك ولا تهملي دراستك |
بالتوفيق لك
|
اقتباس:
انا من الرياض وتخصصي ادارة اعمال انا لاقصد اني اسوي كشك بسوق الجامعه لا هذا الشي يبيله التزام ولكن اللي اقصده اني اسوي مشروع منزلي استفيد منه في الجامعه والبي طلبيات لبنات الجامعه بس لاني زي ماقلت مااااقدر اوسعه واخلي ربات البيوت يستفيدون لانه يبغى توصيل واخوي رافض تماما فقلت استفيد منه بالجامعه بس لان البنات دايما يحبون يتقهوون وياكلون حلا مع القهوه وانا احب اسوي حلويات كثييييرفقلت ليش مااستفيد من هالشي فهمتي علي ياقمر واسفه عالتاخير بالرد لان الصباح جاء الباص ولاجيت الا متاخره ونمت وتوي صحيت:) فلاتزعلي مني تقبلي تحيتي |
اقتباس:
وياك اخوي تسلم |
اقتباس:
وبالنسبع لتجهيزات الحلى هل تعرف مكان معين يبع تجهيزات وتغليف لاني بصراحه مااعرف وابالنسبه لاخوي مستحيل اخالف رايه بس هوما يرفض لما يكون الشي تبع الجامعه يعني نسائي 100% ومشكوووووور اخوي على مرورك يعطيك الف عافيه |
اقتباس:
ان شاءالله ببداب س لازال الخوف متملكني تشكرات اخوي |
| الساعة الآن 09:18 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين