|
مشاكلنا مع شركه زيــــــــــــن
السلام عليكم ورحمة الله وبركاته
طبعا في البدايه ترددت في طرح الموضوع بس قلت نفضفض شوي طبعا انا اشتغل مع شركه زين كونتركت طبعاا في الكول سنتر المهم طبعا قبل بدايه الشركه كان الوضع شبه ممتاز او فوق الممتاز يعني ماكان ناقصنا شي مبسوطين والأداره طيبين معانا وناخذ من الوعود الشئ الكثير طبعا من وقت الدوام الى الزيادات الى الترقيات والشركه بتكرمكم وبتزيدكم وبتعطيكم حنا قلنا بدايه حلوه وشئ جيد من الشركه انها تعامل الكونتركت هذي المعامله المهم بدت الشركه وكانت بدايه حلوه المهم في رمضان الأداره سوت حركه ما ادري وش المقصود منها بس ماكان لها داعي قالت لحاجه العمل شلنا منكم اوف يوم واحد يعني نداوم 6 ايام وناخذ اجازه يوم طبعا دوام شيفتات ويوم واحد تعدل فيه نومك على الشفت الجديد كيف شلون ما تدري مو مسؤولين عنك اهم شي تداوم بوقتك قلنا مو مشكله بعدها جات الأداره قالت حنا نعتمد في توزيع الشفتات على برنامج وهو الي يوزع الشفتات طبعا اسبوع يجيك 5 ايام تداوم بعدين يومين اوف واحيانا 6 ايام واحيانا 7 ويجيك يومين اوف رضينا وقلنا مو مشكله طبعا شهر رمضان كان اوف يوم واحد يعني نداوم احيانا 7 وناخذ يوم واحد قلنا معليش ان شاء الله الشركه بتكرمنا بعدين وصدق اكرمتنا بدوام 9 ساعات في اليوم ...!!!!! من دوام 8 ساعات زادت ساعه بدون اوفر تايم ...!!! طبعا دوامنا على سماعه رحنا تكلمنا وقلنا بس ما حد معطينا وجه ولا احد معبرنا طبعا هذا غير جوده المكالمه الي ملزومين فيها والنسبه الي يعطونا اياها كانت بس على تقييم المكالمه وعمل الفريق الحين لا كل شوي يدخلون فيها شي يخلونك تحس ان مالك امل تحصل النسبه ابد طبعا هذا غير العملاء الي يتصلون فيك العسل من مشاكل وحنا كخدمه عملاء نتحمل اخطاء الأقسام الثانيه والعميل ما ألومه حنا واجهه الشركه ما يلاقي غيرك يسفل فيه طبعا الحاله النفسيه نهايه الدوام 0 - صفر تطلع ما يمديك تريح الا فتره بسيطه وتنام على شان تروح الدوام اليوم الي بعده ونفس الشي طبعا للأسف الشركه تهتم بموظفينها الأساسيين والكونتركت اقل اهتمام لهم المميزات وحنا لا التعريف بالراتب تجلس 4 ايام على ما تاخذه قرض تروح كل البنوك يمسكونك الباب يقولون ما فيه اتفاقيه تدق على الكول سنتر حق البنك تقوله شركه زين يقولك فيه اتفاقيه تروح انت يالكونتركت يقولك لا غير ان النسبه الي معطينها لزين 3% في السيارات وحنا ههههههههههههههه 6 وشوي غير تأخير الرواتب يعني شهر ينزل لك 27 وشهر ينزل 29 وشهر ينزل لك 1 وشهر 2 وعلى هالحال تتكلم ما فيه فايده والي تفهمه من كلامهم تبي زين ما تبي توكل على الله نجيب غيرك مع انهم خسرانين علينا مبالغ وتدريب 6 شهور او اكثر بس بعد ما صارو يوظفون خلاص استغنو مهما تشتغل انت مقصر غير ان المسؤولين مخلط واذا حاولت تنقل لقسم ثاني ادارتك ترفـــــــــــــــــــض تقول لا |
الله يوفقك
ويرزقك ويريحك دنيا واخره |
يعني الشركة توها ماكملت ستة شهوور
اصبر وربك يفرجهااا |
اغلب الشركات كذا..
احمد ربك انت في الارحم شركتي من اسوء الشركات في التعامل مع الموظف واذا اشتكيت قالولك مو عاجبك امشي يعني طرده على طول انا قدمت استقالتي لان كرامتي كإنسان فوق كل شيء.. العمل عباده نعم واحترم العمل الجاد بس بدون مساس بالانسان وكرامته.. |
اقتباس:
الله يرزقك الجنه قوولي امين |
اقتباس:
وصحيح الشركه ما كملت 6 شهور بس للأسف من هويه الى دحديره الله المستعان والمفروض من الشركات الي تبي افضل انتاجيه وتطلع افضل ما عند الموضف تريح موظفها على شان يبدع في شغله اما يكون همها الشغل وبس اكيد الموظف بيدور فرص ثانيه معدل الموظفين الي طلعو من بدايه الشركه الى اليوم عدد كبير بالنسبه لـ 6 شهور فقط لكن ربك ييسرها ويخلف لنا ابرك منها |
اقتباس:
صدقت والله كل شي ولا الكرامه الله يخلف لك ابرك منها وان شاء الله مع الصبر الفرج بس تدري ان حنا عندنا في الشركه نتعرض لنفس الشي من جهتين الأولى :الأداره تذكرني بأيام المتوسطه مهما تكون صح انت غلطان الثانيه :العملاء يدق يطلع حرته فيك يتكلم ويقول ويكون على غلط ما تقدر تقوله شي تضطر انك تستحمله على شان تحافظ على لقمه عيشك وتعيش اهلك |
ياشيخ انا صاحب الشركة طردني بطريقة غير مباشرة
رجال يهينوني وانا بنت تخيل قول الحمدلله بس والصبر زين |
اقتباس:
بس صعبه تكون ادارتك تدور عليك الزله وتكتشف في النهايه ان تقارير ترفع فيك يوميا لاهم يرحمون ولا يخلون رحمه ربك تنزل اذا انتي رجال اهانوك حنى ننهان من جميع الفئات العمريه من الجنسين وجميع الجنسيات بلا استثناء حتى ابوي اليوم انلعن وهو بالبيت نايم ليش على شان قلت لعميل صوتك مو واضح استاذي وش نقول ..بس ربك يعين |
يالغالي اعرف ان شغلتك صعبه
بس الصبر مفتاح الفرج وانا عارف ان فيه ناس يدقون عليكم ويحتفلون فيكم انت كل اللي عليك خليك بااااااااااارد معاهم ولا تشيل همهم اذا كان اسلوبه 0 اللي داق عليكـ والله يصبرك ويقويك على الوظيفه ويوفق الجميع يارب . . |
| الساعة الآن 11:37 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين