|
بخصوص الخطوط الجويه السعوديه الله يخليكم
السلام عليكم
صبحكم الله بالخير كيفكم ان شاءالله بخير حبآآيب قلبي انا قدمت من فتره طويله على الخطوط الجويه السعوديه وارسلو لي مسج ان نسبه الثانويه جيد ومؤهلاتي لاتناسبهم وفتحووا التقديم وحدثت بياناتي وقدمت والحمدالله والشكر بعد الله تم قبولي مبدئي وارسلو لي مسج على الموقع نتيجة التقديم تحديد موعد إختبار اللغة الإنجليزية بالرياض وهل انا انتظرهم او اني اذهب للآداره الخطوط ممكن تفيدوني الله يخليكم ويطول بعمركم يارب :o |
انا نفس السوال تكفووووووووووووون مدري وش السالفة
|
نفس السوال <<<<<
|
ولا احد عبرنا مليون عضو ولا احد تكرم ورد علينا الله المستعان
|
يااخوان مابدها سؤال اتصرفوا انتم اتصلوا
دق سلف وروحوا للادارة الشغلة ماتتكرر يالله اتلحلحوا |
نفس الأستفسار ياعزيزي بس أنا اختلف عنكم طلع لي > لتحديد الأختبار فقط ما ذكر لي لغة إنجليزية مثلك يمكن هذي أختبراتهم لجميع المتقدمين بس كيف ما ذكرو عندي نوع الأختبار:Looking: |
طيب نتاءج الرياض بس وجده مافي احد منكم فيها
|
حــــتى انا يــقول اختــبارات الرياض :(
لكن ما جاني بريد اكتروني منهم دخلت على حسابي لقيت الى اختبارات الرياض ..!! للي من اهل الرياض بليــز يروح للمقر حقهم ويشوف ايش الهررجه ... انا مو من الرياض ومرتبط بالجامعه مقدر ادق مشـوار ...:eek: |
هلاوالله
انا رحت اليوم لمقر فرع الرياض حي المروج وقلت له اني قدمت وجاني مسج اختبارات الرياض انقلش وليس محدد تاريخ او يوم رد علي وقالي ان شاءالله بيجيك مسج على الموقع بتحديد اختبارك بس الآن يبدون بالامتياز ثم جيدجدا ثم جيد ويقولي ان التقديم ((منتهي)) والله يوفقكم يارب ويوفقني معكم وادعولي ياشباب |
طيب الشباب كيف طريقة اختبار ياليت الا يقدر كيف نماذج يدلنا لاني سمعت انه كله اختيارات وقواعد بعدين الا انقبلوا 20000 ويبون بس 100 شخص من جد ماساة
الله يوفق الجميع |
| الساعة الآن 12:27 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين