لا لميس ولا مهنـــد...
 

لا لميس ولا مهند فيهـم الحسـن الفريـد
شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد
من مواطيها لخصلة جيدهـا قمـة نعيـم
وانت هرجك اقصره وانصحـك لا لا تعيـد
دام شينك مبتليـك مـن اصولـك يافهيـم
ياخساره ضاع فعلك وانت في حكيك بليـد
من برامـج واطيـه حدهـم فعـلٍِ هزيـم
لاتعمـم دام عينـك ماتشـوف الا البعيـد
والقريب بمحزمك شيـن بوصافـه عديـم
منبطح يومك وليلك عند شاشه مـن حديـد
صرت مثل البنت تحكي عن مسلسل يالرخيم
راحت ايام النشامـا فعلهـم نـار وبريـد
لاحكو حكي بمجالس رعدهم يبـرق بغيـم
اعقل وخلك رزين وبالحكـي خلـك زهيـد
لاتوضح للي حولك إن مـن جنبـك هريـم
فكر بهرجك قبل يظهر ومـن فمـك يزيـد
تحتقرك الناس تهرب تبتلش تصبح غريـم
وإنتي يالبنت الدنيه صرتي تتسمـي جديـد
لعنبو قلبك رخيصه تغيّري المبداء القديـم
لو تغيري ماتغيري رسمك بوجهـك عتيـد
الملاغه في للسانك شينه من بـد الحريـم
دام شينك محتويك اسكتي ولا مـن جديـد
وش مهند وش حلاتـه لاتعيـدي يـا(...)
لا مهند ينفعـك لا طقـك الشـوق العنيـد
ولا لميس بتنفعك لا ثار شوقـك يالحليـم
ديرتي فيها الملامح حور ذا علمي الاكيـد
لا لميس ولامهنـد جعلهـم نـار الجحيـم

وسلامــــــــتكم

لا لميس ولا مهند فيهـم الحسـن الفريـد
شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد
من مواطيها لخصلة جيدهـا قمـة نعيـم
ابو نايف
معليش لميس احلا من بنات السعوديه
يعطيك العافيه

اولا الله يعطيك العافيه على المرور ,,,, وبالنسبه لموضوع لميس لو تبغى وجهة نظري بصراحه والله يشهد عليها انه البنت السعوديه المحجبه المحافظه على دينها اقسم بالله انه لا لميس ولاغيرها تسوى خصله منها ,,,,,, هذي وجهة نظري وشكرا لك على المرور

وجهة نظرك وحترمها
انا اقصد الجمال
تقبل تحياتي

الف شكرلك على المرور