هذه قصتي..................
بسم الله الرحمن الرحيم السلام عليكم ورحمة الله وبركاته انا شاب سعودي مع الاسف (طمووووح) كنت في احد الشركات الخاصه لا اريد ذكر الاسماء عشان ما يزعلو علينا الرَبع :o المهم اشتغلت في هذه الشركه قرابة 7 اشهر ميكانيكي سيارات والحمد لله من احسن مايكون يعني ما علي ملاحضات ولى غيابات افتكر كل الي غبته 4 ايام بأذن من المدير يعني اذن شفهي وانا والله ما قلت هذا الكلام الى وانا سوف احاسب عليه اذا كنت اكذب في شي المهم بعد السبع الاشهر لاحضت ان المدير ماهو على طبيعته وطلب مني ان احضر في مكتبه فحضرت حاول يفاتحني في موضوع وما قدر المهم بالعافيعه فاتحني في الموضوع وهو وشوي قرب يبكي من القهر (المدير سعودي) المهم اعطاني خطاب أنهاء خدمات وقال لي الخطاب له ثلاث ايام حاولت اخليهم يلغونه وما فيه فايده والخطاب جاي من الرياض اي الشركة الرئيسيه ولي قاهره اكثر واكثر انه يوم استدعاني كنت يالَ سخرية القدر رايح أعبي هوا كفرات في المحطه الي قريبه منا ولي قاهره موووت ان الي انها خدماتي اجنبي المهم بعد كثرت الأسيله عن سبب أنهاء الخدمات لأحضنا ان الرد ( عماله زائده ) مع العلم ان الموظفين ثلاثة ارباعهم اجانب وربعهم سعوديين والي قاهرني اننا يالسعوديين مانجرجرهم مثل الاجانب من السكن و الائقامات والله لو ننضر نضرتهم لوجدنا ان الاجنبي يخسرهم اكثر من السعودي لكن وش نقول الحمد لله على كل حال المهم وعدني المدير انه يرجعني وبعدها اخذت بعضي وتركت الشركة وبعد مرور اسبوعين سمعت ان المدير فصلوه ليه لانه يطالب في قضيتي وقضايا بعض الوظفين ويدعون ان المدير لا ينصاع لقرارات الادارة الكبرى وهذه القصه بالمختصر يعني في وفي, والله والله ان الي خلى مصيبتي تهون يوم شفت المدير بعد ما فصلوه الرجل عنده 4 اطفال بالله هذا ما هو ظلم حسبي الله ونعم الوكيل الله على الضالم وشكراً |
اخوي اتصل على المدير وارفعوا فيهم شكوى لمكتب العمل وارسلوا على الكتور غازي حتى لو ما سوى شيء المهم انكم تقلقوا الشركة وتخلوا عليها ملاحظات حتى يفكروا 100 مرة فبل يفصلوا اي موظف كان الله في عونكم
|
حسبنا الله ونعم الوكيل .... والله يكون في عونك أخوي .. |
اقتباس:
يا أخت طالبه بالله كيف بلقى رقم حضرت جناب غازي ارجو الافاده وشكراً عالمرور |
عالعموم المدير ما خلاهم رفع في ابوهم شكوه في مكتب العمل وقالوله ان الموضوع بيطول لكن المدير ما عنده اي مشكله ادعوله انه ياخذ بحقه من الظلمه قولو أمين
|
هذا حال السعوديين والسعوديات صاروا عبىء مادي
والاجانب فيهم البركة انا انفصلت من احد المجمعات الطبية انا وزميلاتي من المدير المصري ولما سالنا مالسبب؟ قال ان السعوديي يقول اننا عبء مادي وماتمينا ثلاث شهور لاحول ولا قوة الا بالله |
لا حول ولا قوة الا بالله
الله يعوضك خير ... |
الله يكون في عونك
والله يرزقك |
اقتباس:
اذكر في المنتدى اسم الشركه للفايدة ولو ارقامهم والله يعينك |
الساعة الآن 12:36 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين