حلول البطالة Unemployment Solutions - عساكر الأمن العام واللي في الدورة( أرجو الدخول)

انشا الله اقدر افيدك ؟

متى التسجيل ؟
التسجيل والله اعلم احسب له من 20/4
كم مدة الدورة ووكم يعطونك وأنت بدورة ؟؟
مدة الدوره المعروف 9 شهور بس لازم تكمل لك 10 شهور وتتخرج
طبعا زي ماقال الامن العام ان من هذي السنه الدورات راح تكون بدون ارقام عسكريه يعني راح تاخذ 900 ريال << سابقا كان ينزل رقم عسكري وتاخذ لك راتب اساسي وهو مطبق في مدينة تدريب الرياض ومكه بس وناخذ 2695 ريال

وكم الراتب وهل بعدين يزود ؟؟
طبعا اذا تخرجت ورحت مكان تعيينك يزيد الراتب ينزل بدلات مثل الارهاب والخطر واعاشه والميدان ومدري ايش يعني يوصل 5500 والله اعلم واقل راتب في الامن العام 5000
وكم مدة الدوام في المكتبي؟؟
الدوام المكتبي معروف من 8 الصباح لحد 2 الظهر .. من السبت للربوع << طبعا ماهو من هب ودب يخش العمل المكتبي
والميداني وطريقة الميداني كيف دومه وهل فيه دوام الخميس والجمعة
الميداني على حسب القطاع الي انت فيه اذا انت في الدوريات يعني تستلم 6 وتسلم 24 يعني الله واعلم يوم يجيك المن الصباح الى الظهر وبعد 24 ساعه يجيك من الظهر الى المغرب وعلى ذا الموال << المرور تستلم 8 ساعات وتسلم 32 ساعه وعلى كذ1
واكيد فيه دوام خميس وجمعه وعلى حسب نظام الاستلام
وأيهما أفضل وهل فيه فرق بالراتب؟
والله على حسب مزااجك في ناس تفضل العمل المكتبي وفي ناس تبي الميدان
والفرق في الراتب الميداني فيه زياده لانه ينزل له بدل ميدان والمكتبي يسحب منه البدل
وهل صحيح إنه العسكري ممنوع من السفر خارج المملكة ؟؟
لا بامكانك تطلب اجازه خارجيه وتسافر وطبعا < اجازة العسكري في السنه شهر
وفيه اجازه تقدر تطلبها 15 يوم

وأنت يالي متخرجين من الدورة هل أنت مرتاحين بالوظيفة ؟
طبعا في الدوره ما في راحه <<< بس اما بعد الدوره ما معاك الا الدجه :d

وأيهم أفظل المرور أم الدوريات أم الشرطة
الشرطه افضل < المرور < الدوريات
الدوريات مشكلتها كثرة الاستلامات يعني تخيل تستلم 6 ساعات وتسلم يوم واحد وترجع تستلم << يوم واحد ما يمديك تنام ولا تتمشى

وهل القطاعات الثانية أفظل مثل الجوزات أو الدفاع المدني
شي اكيد الراحه ي الجوازات والدفاع المدني افضل من الامن العام < بس حتى الامن العام فيه راحه

والسلام عليكم