السلام عليكم ورحمة الله وبركاته
اخواني اخواتي
انا في مشكله وابي حل وانشالله تفيدوني
انا تخرجت من الجامعه قسم محاسبه وبتقدير مقبول جداً يعني 2.07 (قولوا ماشاء الله)
ههههههههههههههههههه
المهم كل مارحت اقدم على الشركات مسكوني الباب قالو ما تقيدنا نبي جيد وفوق قل الله كريم
توظفت على بند الاجور في احد الوزارت الحكوميه على امل الترسيم لانه ما فيه وظايف رسميه
واخذت سنه بعدها جاني واحد وقالي في وظيفه عسكريه وكيل رقيب في احد القطاعات العسكريه الي اشوفه افضل قطاع عسكري المهم قابلت مدير التجنيد وقالي بالحرف الواحد حنا نبيك محاسب عندنا في ادارة الشؤون الماليه والادرايه ومالك شغل بالعسكريه بس رقم الوظيفه ورقمك عسكري حتى البدله لاتلبسها
بصراحه اعجبني كلامه وشجعني لانه راتب العسكريه حول 7500 وبند الاجور 3000
فرق كبير بس صرنا في مشكله بسيطه على الرتبه ما اكد لي ميه في الميه قال الي تطلع ارقامك وانشالله وكيل رقيب وانا خفت انها عريف تمسكت بوظفتي الحكوميه ووقعت اقرار قبل ما ادخل ما ني موظف حكومي وما كنت ادري وش عواقبه عواقبه حسب النظام فصل من الخدمه العسكريه دخلت الدوره وخليت زميلي في العمل يداوم عني دومنا شفتات ويستلم راتبي
بعد ما دخلت الدوره بشهر ونص شؤون الموظفين عندي غيرو وظيفتي من بند الاجور الي مستخدم
مسخدم يعتبر موظف رسمي وعلى نظام مصلحة التقاعد والحين رقمي العسكري طلع واكيد على مصلحة التقاعد واكيد راح يعرفون
الحين اخاف اقدم استقالتي في الوظيفه المدنيه ويجي خبر للوظيفه العسكريه اني موظف حكومي قبل ما ادخل الدوره ويفصلوي وكذا يكون ظيعت وظيفتين
والا اقول للظباط الي عندي مشكلتي ويحلونها لي والا امسك الوظيفه العسكريه واذا درو عني وفصلوني يكون عندي المدنيه والله اني محتار
هل الوظيفه العسكريه على نظام الخدمه المدنيه
الي متاكد منه انه الوظفيتين كلها تتبع نظام مصلحة التقاعد والي شجعني ان اوقع على الاقرار اني لست موظف حكومي ان بند الاجور تتبع نظام التامينات والوظيفه العسكريه تتبع نظام التقاعد
اذا تعرفون احد في الخدمه المدنيه او مصلحة التقاعد اعرضو مشكلتي عليه وابي رايكم ولو انك بمكاني وش تسوي
اسف طولت عليكم وبس والله اني محتار الحين وابي شوركم وابي فزعتكم
وانا متزوج والظروف ما يعلم بها الله
وبالتوفيق للجميع@

روح اقرب فرع لمؤسسة التقاعد وراح يفيدونك

بالتووفيق