مشروع صيدليه صغيره ساعدوني
 

[align=center]
السلام عليكم ورحمة الله وبركاته
ياخوان وخوات ابغا ارئيكم في مشروعي هذا
وهو ابغا افتح صيدليه طبعا صغيره وابغا منكم
دراسه الجدوى وتدولوني على شركات الدعم او
المؤساسات
[/align]

وعليكم السلام ورحمة الله وبركاته

حياك الله يالغالي

بصراحه ماابي احطمك حيث يكفيك انك عاطل:eek:

لكن صيدلية الدواء حقت الامير محمد بن فهد منتشره في كل مكان بالمدينه الوحده تلقى فيها عشره


عشان كذا اممممممم ماادري وش اقولك لكن انت وش رايك!!!!!!!!

اتمنى لك التوفيق يالغاللي

موووووووووووفق
ماعندي خبره

وعليكم السلام ورحمة الله وبركاته
اخوي احب افيدك عن الصيدليات

الصيدليه هي الوحيده التي يتغير يزود ربحك
والسعر واحد تقولي كيف
كل مانزلت ادوية اكثر كلما تضاعف الربح اكبر واكبر
تسمى عندهم بونص
لذلك تجد الصيدليات الكبيره مثل النهدي واطلس وغيره والتي لها فروع كثيره
تجد ارباحها في بعض الاحيان وبدون مبالغه الضعف واكثر
لكن الصيدليات الصغيره ربحها جيد وممتاز
لكن ليس مثل الاخرى

الي كتبت بالاعلى
لايعني ان الصيدليه الصغيره ليس لها دخل بالعكس الصديليات تنافس البقالات
تجد بالشارع الواحد اكثر من صيدليه
فكرتك رائعه وتوكل على الله
وحاول تاخذ دعمك من صندوق المئوية


الله يوفقك يارب
هذا مااعرفه عن الصيدليات اما الادوية وغيرها
لااعلم اين توريدها

بالتوفيق انا مع اخوي (احبك يازوجتي )لن الصيدليات الكبيره منتشره بقوه في كل زاويه تلقى صيدليه
وبعد الزباين يدورون الصيدليات الكبار منها الديكورات ومنها يتمشي هو وام العيال براحتهم وبعد كل شي متوفر عندهم ماروح ادور متطلباتي من صيدلية الى صيدلية هذا رائي وشد حيلك الله يوفقك ولاكن شف الموقع المناسب وحطها في بالك لازم يكون معكم صيديلي مساعد اذا انت تبي تشتغل فيها لن الوقت عليك طويل
وادرس وضعك
واللة يرزقك ولك مني الدعاء
بالتوفيق

مششكورين ع الردود والمشاركه

لو قالكم بفتح بقاله بتقولون منتشره البقالات في كل مدينه
وش هالكلام
الواحد يسعا ورزقه على الله
خاصه انو ميوله الصيدله
يعني فاهم بالشغله
انا رايي ياخوي شد حيك قبل تقدم على صندوق المئويه او اي جهه مموله اخرى
تشتغل لفتره بصيدله
لين تفهم الشغله وتعرف موردينها ومداخلها ومخارجها
هذا اللي عندي والله يوفقك يارب

المكان المناسب
بعدها الديكور
ثم تتفق مع شركة تقوم بتعبئة الصيدلية
بعد ذلك إن شاء نشاهدك صاحب سلسة صيدليات
والله يوفقك