محتاج نصيحتكم بالافتتاح مشروع صغير ياليت الجميع يدخل ويشارك
 

[align=center]
بسم الله الرحمن الرحيم

السلام عليكم ورحمه الله وبركاته


الاخواني خواتي

بعد محاورات طالت بيني وبين الوالد (ربي يطول بعمره ) تم صرف مبلغ 8000 ريال

ودي سوي فيها مشروع صغير كون نفسي فيه فكرت فتح كشـــك جولات (صيانه,فرمات جولات ,بيع, الاستبدال ,الاكسورات ,,,,,الخ)المهم بالموضوع وش رايكم بالمشروع هل تعتبرونه مشور صغير ناجح او لا
وين تنصحوني بالدمام فتح انا دورت بصراحه بنطقه 75 عند كائن وعمارة المعجل
وحصلت الاسعار تتراوح من 500 ريال الى 1000 ريال الاجار الكشك
بغاكم تنصحوني شباب وين فتح كشك ويكون ناااجح وبعيد عن الاخوان اليمنية لاني بصراحه مادينهم هههههههههههههههه:court:

وياليت لو الاحد يفديني بالاكسورات كم تكلف كبداية للكشك صغير

منتضر تفاعلكم بالموضوع

انا عتبرتكم الاخواني وياليت تعتبروني الاخ لكم وتنصحوني بالشي المفيد للي :ash:
[/align]

إبراهيم خليل يااااااااااارب يردون عليك الاخوان ,,

جد لو بيدي شيء ما قصرت الله يوفقك يااااارب,,,

هو مشروع نآجح .. بس اختر مكآن يكون زوآره كثير ..وحتى لو كثرو المنافسين انت جيب اشياء كويسه والكويس يروح بسرعه صرآحه انا من غير الشرقيه فما اعرف وين الاماكن الكويسه فيها .. توكل على الله ..وبالتوفيق الله يرزقك من حيث لآتعلم ..

بسم الله الرحمن الرحيم
اخوي ابراهيم خليل مشروعك بأذن الله ناجح ولكن راقب الله في تجارتك هذه بالنسبه للموقع ماافيدك لاني ماني من اهل الدمام ولاكسسوارت ب2000ريال تعبيلك محل 3×3من سوق الجملة الخاص بالجوالات وانصحك بالبيع والشراء في الجولات المستعملة لآنه ربحها اكبر اما الجولات الجديدة ربحها بسيط وتحجز عليك راس المال لفترة غيربسيطة ومااحد يشتري الجديد الا على الراتب مع تمنياتي لك بالتوفيق=========

حياك يالغالي

أعتقد ان مشروع الجوالات ناجح بشرط اذا المحل (صار له سوق)

لي رجعه بعد قليل لكي اجيب لك التفاصيل انشالله

وعليكم السلام ورحمة الله وبركاته

بما انك بالدمام ، لو ذهبت الى سوق المعجل هذا محل حق جوالات في الارضي محلات وفي الدور الثاني فيه محلات جمله . رح للدور الثاني واشتر اللي تبي تاخذ من عندهم كراتين اكسسوارات ولا يكلفك 2000 الى 2500 ريال.

وبالنسبه لتجهيز المحل لو ذهبت الى شارع الخزان في الدمام ايضا ، نهاية الشارع محلات يمين ويسار هذي حقت تجهيزات المحل ( قواعد الجوالات) وصفايح الخشب حقت الجدران والتعليق ، اعتقد صفيحتين راح تكون كافيه ولعلمك يالغالي الصفيحه بــــ150 ريال. خذ صفيحتين وققصهن على كيفك بالمحل .


صدقني تجهيز المحل ماراح يكلفك كثير باذن الله . فمابالك اذا كان على قولك(كشك)

أتمنى أكون أفدتك يالغالي تمنياتي لك بالتوفيق

تحياتي

الله يوفقك

في تجربة سابقة
2200 ريال تكفي لتعبئة المحل بالإكسسوارات
وأما الجوالات فوالله المستعمله لها مردود أفضل من الجديدة
والله يوفقك وييسر أمرك

حلوو الكشك اذا عندكم سوق شعبي افتح الكشك فيه لانه بيكون زحمه كل يوم والحريم مايدخلون اي محل جوالات فيه رجال وغالبية المحلات طبعا مليانه رجال
حاول يكون مكسبك بالبدايه رمزي عشان تكسب زباين
اهم شي اخوي اخلص بالنيه لله بطلب الرزق الحلال ولاتنسى الصدقه والاستغفار اخوي مفاتيح الرزق

الله يوفقك ويرزقك

هلا اخوي ابراهيم
انا مو من الشرقيه لكن لي صولات وجولات بالشرقيه
فمن واقع خبره في فرفرتي بالشرقيه انا افضل انك تستهدف الجبيل الصناعيه كبدايه لك خصوصاً اذا كنت انت اللي بتشرف على الكشك بنفسك

صحيح يمكن يزيد عليك الايجار شوي لكن صدقني بتلاقي خير ان شاء الله لان المنافسه فيها ضئيله مقارنه بالدمام والخبر وبتثبت نفسك بسرعه بالبضاعه الزينه وبكسر اسعار المنافسيين الغاليه ((من جد غاليييييين واللي قاهرني نفس البضاعه))

ونصيحه ابعد عن الجبيل البلد لانها فلللللللللل
والله يوفقك ويوفق الجميع