استفسار للشباب بسسس
 

السلام عليكم ورحمة الله وبركاته

انا بصراحه عندي فكرة مشروع فكرتها مع صديقتي بس بحكم اننا بنات مانفهم فيها كثير
احنا فكرنا نطلع فان جديد من الوكاله ونجيب سواق ويوصل مشاوير خاصه جامعات مدارس ..الخ شهري ويومي
بس عندي كم استفسار
عادي لو اسوي كذا بدون ترخيص اني اوصل وكذا
وثاني شي كيف اضمن انه مايتلاعب من وراي ويوصل ويشتغل لحسابه
وثالث شي وش رايكم بالمشروع تهقون مربح وكم متوسط ربحه الشهري؟؟خاصه اني من الخبر وراح يوصل للخبر والظهران والدمام طبعا
وشكرا

اهلي ماعندهم مانع وانا مستشيرتهم قبل لاخذ هالقرار
مازلت انتظر ردودكم على استفساراتي :)
:)

شوفي يا اختي خريجه نظم اولا

من ناحية الترخيص مو لازم

لكن من ناحيه انو كيف تضمنوا السواق
ليش ما يكون عندكم في البيت تسوو غرفه للسواق مثل ما هو اغلب البيوت فيها
يعني تستفيدوا منه يوصل للمدارس و ، و ... الخ وتستفيدوا منه سائق خاص
وتبقى السياره موجوده عندكم

واما من ناحية الدخل المادي فهي مربحه جدا
لاكن ما تنفع باليومي كذا ما تضمنيها بعدين ماهي تاكسي هذي سيارة لنقل معلمات او مدارس
مع اني افضل نقل المعلمات
من ناحية الفلوس
اذا مثل ما قلتي فان فــ الفان تشيل تقريبا 10 او اكثر فرضا انو قيمه توصيل كل معلمه 500 ريال
انتي كذا دخلتي 5000

طيب هذا الصباح لكن معقوله السياره تقعد واقفه في العصر لا لا لا

تشوفيلك احدى هالمعاهد او مدارس تعليم الكبيرات ( محو الاميه ) او روضه في العصر
وتسيري توصلي فرضنا انو 10 بنات في مثلا 300 = 3000
بكذا سار عندك 8000 الاف السواق ياخذ 1500 ويبقى لك 6500
500 ريال للسياره مصاريف زيت بنزين وخلافه يصفى لك 6000 ريال
ما شاءالله تبارك الله فكره جدا مربحه

على فكره يفضل انو السائق يكون على كفالتك


والله يوفقك ونولك اللي في مرادك

اخوك يحيى المالكي

اخوي يحيي مشكور جداااااااااااا ماقصرت نصايحك مره فادتني
انا ناويه اوصل طالبات الجامعه والكليات لان تواقيتهم تختلف فاستفيد من اكبر عدد طالبات عكس المعلمات اللي توقيتهم واحد
والعصر ماادري بافكر بمحو الاميه والله يسهل لي
يعطيك العافيه

ماشاء الله الأخ يحي كفى ووفى ربي يعافيه

الله يعافيك وكلامك جدا سليم

ولو انك في جده كان ساعدتك باللي اقدر عليه


اختي القديره اشكرك على الاطراء

تقبلي مروري

الله يعافيك اخوي الفكر التجاري اتمنى اني ما قصرت مع الاخت خريجة نظم

بقولك رايي الناس الحين صار عندهم وعي <
يعني المؤسسه المرخصه تضمن لو تعطلت السياره تجي مكانها سياره لو مرض سواق فيه بداله سواق<
فاانا ماايدك للاسباب اللي ذكرتها وهالشي يدار بعيد عن عيونك
فكري بشي غيره وان شالله بتلقين فكره احسن منها
الله يوفقك