|
استفسار عن تعديل المهنة من عسكري الى متسبب
بسم الله الرحمن الرحيم السلام عليكم ورحمة الله وبركاته استفسار عن تعديل المهنة : حيث انني كنت عسكري بالجيش (( قوات الامن الخاصة_ مظلات )) وفصلت منه ...بعد فصلي بسنة .راجعت مرجعي بالعمل وسلمت العهده وأخذت اخلاء طرف بتسليم العهده ...لاكن تعديل المهنة لازم اني أرسب بالكشف الطبي ... من لديه علم عن كيفية تعديل المهنة . تحياتي للجميع |
السلام عليكم ورحمة الله وبركاتة
اخوي تراجع العمل حقك الين مايصدر قرار التعديل القرار يجي من الوزارة الى القيادة حقتك بعدين تاخذ الخطاب الى الاحوال |
1 - تاخذ اخلاطرف من الميز +النادي+المكتبة 2-تسلم العهدة العسكرية 3-اخلا طرف من بنك التسليف 4-اخلاطرف من البنك العقاري 5-اخلاطرف من قسم المحاسبة وبد كذاتروح لقايد السرية ووقع الوراق وبعدين ترفع اوراقك لشرطة العسكرية كي تنسجن 45 يوم ولكن دبرلك وسطة وبعدمتخلص ترفع اوراقك الرياض اذا راجعت العمل وقلك راحت الرياض اطلع وراهة بسرعة علشان تخلص من الوزارة وانتة واقف وتحول لمصلحة التقعد منااك يخيروك من اية منطقة تبي تعدل المهنة ويعطونك خطاب وبعد اسبو ترجع الرياض على شان تاخذ وثيقة الفصل وبموجب وثيقة الفصل تروح اقرب فرع لبنك العربي يطونك حقوقك حتى لوخدمت يوم واح في العسكرية ودمتم سالمين
|
اقتباس:
الله يعطيكم العافية على التجاوب السريع ......... لكن اخوي .اخلاء الطرف مااقدر آخذه الا بعد ما ارسب بالكشف الطبي ... القياده ((مرجعي)) يقولون لازم ترسب بالكشف الطبي يعني يطلع ((غير لائق للخدمة العسكريه )) وبعدها اخذ اخلاء الطرف ............ وفيه واحد نفس الطريقة رسب بالكشف الطبي ((بواسطة)) وعدل المهنة .............. الله يعين بس **************** الان لي سبع سنوات ..... ارجو افادتي ............ تحياتي وتقديري للجميع |
السلام عليكم ورحمة الله وبركاتة
اخوي انت فصلت غياب او نظامي وش سبع سنوات |
اقتباس:
هلا فيك اخوي فصل غياب ... والان معي اخلاء طرف من السريه(الكتيبة) |
ياخي كيف النظام هذا وش دخل تعديل المهنة برسوبك في الكشف الطبي ياخي انتة منتة جديد انتة داومة سبع سنوات على قولك ياعني بالعربي القايد مستقعدلك ياخي روح عند واحد اعلا منة رتبة وشرحلة الوضع
|
اقتباس:
هلا فيك اخوي فواز النظام يقول . تقدم معروض اعادة خدمة . لقائد اللواء معلومة مافيه تقديم معروض (طلاق ) فكووووونا :d:d وبعدها للمستشفى .. وانت وشطارتك للمعلوميه انا وولد عمي كنا سوى . ولد عمي مشت اموره رسب (معنا الواسطة ) عند الدكتور المصري ... لكن انا الحظ زفت ... الدكتور > (قدآوت ) فنش .. والله اني تعبت من الخط راح جاي .حائل >>تبوك :(:( ((يقولون ادهن السير يسير )) بس وينه السير |
انا كنت في الجيش وفصلت غياب لظروف ورحت عندهم وقلت ابغا اعدل مهنتي
واعطوني اوراق اعبيها وافادة وتعهد بعدم العوده الى الخدمة ومعروض تعديل مهنة والى الان انتظر انهاء الاجرائات بس انت راجع وحدتك واطلب تعديل مهنة |
اخوي انتهينا
ركز معي بعلمك من طقطق لسلام عليكم اولا مهو لازم ترسب بالكشف الطبي ولا شي انت كم خدمتك انت تقول خدمتك سبع سنوات صح خلاص ترفع اوراقك للمجلس العسكري او شي يسوونها لك من السريه بعدين يعطونك اخلاء طرف داخلي داخل السريه يعني تسويه ويرفعونه مع الاوراق للمجلس العسكري هم يسوونه من السريعه يطبعونه لك موجه للمجلس العسكري بمحاكمتك او عدم محاكمتك اذا راحت للمجلس العسكري نتتنظرهم اسبوعن او اقل اذا رجعت اوراقك من المجلس العسكري يذكرون بالقرار استمار فصله وعدم محاكمته حتي صدور القرار التاييدي ترجع لكتيبتك وتاخذ من السريه اخلاءت طرف المنطقه والبنك التسليف والعقاري والزراعي وتخلصها وانت واقف البنوك العقاري التسليف وكذا ومن المدينه العسكريه اخلاءت طرف الشئون الدينيه والنقل ووكذا مذكوره لك بخلاء الطرف تخلصها بيوم او يومين اذا خلصتها تروح للمحاسب عشان يسوي لك علم وخبر يشوف لك راتب عليك مستحقات متخره ويعطيك العلم الخبر يبي لها يمكن اسبوع او اقل تاخذ العلم والخبر والاخلاءات وترجع لسريه ويرفعونها لك للمجلس العسكري عشان يسوون لك القرار التييدي من المجلس العسكري واذا صدر القرار التاييدي ترجع اوارقك للكتيبه ويرفعون لك لموسسه المتقاعدين بمنطقه تبوك وترجع وتعطيهم رقم حساب ببنك ورقم تلفونك ورقم قريب لك ويرفعونها لك للوزراه بالرياض هذي كل القصه مافيه محاكمه 45 يوم ولا هم يحزنون واذا مافهمت شي او اذا قالو لك غير كذا والله ماعندهم سالفه اسئل ني انا واذا تبي تسئل اكثر راسلني علي الخاص |
| الساعة الآن 12:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين