عندي مقابله مع شركة رياده

عاطل الخرج · #1 (**permalink**) 12-04-2007, 10:06 AM

بسم الله الرحمن الرحيم

يااخوان عندي مقابله يوم السبت مع شركة رياده على وظيفة مندوب في احد البنوك

حبيت استفسر عن الشركه هذي كويسه ولا لا وكيف راح تكون المقابله الشخصيه

وهل وظيفة مندوب كويسه

ياليت احصل جواب كافي

وسلامتكم

أمير الصمت · #2 (**permalink**) 12-04-2007, 12:08 PM

يا أخي أصبحت الأن المنافسة قوية بين البنوك لكسب العملاء خاصة مع قيام الدولة بالسماح للبنوك الأجنبية بالاستثمار في المملكة ، وأيضا بسبب وجود فائض من السيولة لديهم ، فيحاولون بشتى الطرق ابتكار مشاريع استثمارية لتحريكها والضحية المواطن والمقيم في نفس الوقت .
ولو سألت بعض زملائك المتوظفين لأخبروك عن أعداد مندوبي البنوك الذين يقومون بزيارتهم من فترة لأخرى لعرض منتجاب البنك من القروض والتمويل الشخصي ونحوها .
فنصيحتي أن تبحث عن عمل أخرى خاصة مع وجود شبه كثيرة للأعمال البنكية ومن ترك شيء لله عوضه الله خير منه ، وبالتوفيق

عاطل الخرج · #3 (**permalink**) 12-04-2007, 06:12 PM

طيب يعني وظيفة مندوب ماتصلح ولاكيف

قالي غيرك كثير انها ماتصلح

طيب الشركه كويسه ولالا حقة رياده

وهل خدمة عملاء افضل من مندوب؟

ياليت احصل جواب كافي

وشكراً على مرورك امير الصمت

عاطل الخرج · #4 (**permalink**) 13-04-2007, 09:18 AM

الموعد بكره

وماحصلة جواب كافي

ياليت احد يعطيني معلومات

sub7 · #5 (**permalink**) 13-04-2007, 11:06 AM

أخوي بكل صراحه اذا انت قادر على تحمل تعب هذه الشركه الله يوفقك

لأن وظيفة مندوب سواء بالبنوك او غيرها متعبه

ولـيـد · #6 (**permalink**) 13-04-2007, 11:25 AM

هلا والله اخوي عاطل بالنسبه للشركه انا قد قابلت فيها قبل بوظيفه هاتف مصرفي

وبوظيفه خدمات عملاء واعتقد هالثنتين اهون من انك تكون مندوب مبيعات

بالنسبه لهاتف مصرفي يبون تكون عندك لغه شوي ومعرفه نطق الارقام

اما خدمات العملاء فكانت مهام الوظيفه ذي تكون في معرض سيارات وتسوق لهم

وتبيع من طريقهم وهي تابعه للراجحي واعتقد الراتب كان 3000 واذا انت والله

عاطل يعني لو تمشي حالك فيها وتكسب خبره ويمكن بعدين يطورونك انا مادري

شلون نظامهم من الداخل بس ترا انا دخلت مقرهم وشفت موظفين كثير سعودين

وبالتوفيق

متزوج وعاطل · #7 (**permalink**) 13-04-2007, 10:30 PM

السلام عليكم ياجماعه
اخوك احد موظفي الاداره بشركة رياده بالاداره الاقليميه بالرياض
الشركه عملاقه وتفيد وتستفيد وتقوم بتوفير العديد من الفرصالوظيفيه للشباب في بنوك الراجحي والاهلي وساب والبلاد والهيئه العليا للسياحه والشركه مقبله على توقيع العقد مع الشركه الجديده التي حصلت على الرخصه الثالثه للجوال بالمملكه يعني شركه قويه وموثوق بها
التقديم بالحضور للشركه لدى فهد الشمري
معليش اكتب بسرعه لانني مشغول وسوف اعود لكم بأذن الله في وقت اوسع
والسلام ختام