اختبارات لون واربح ( وسياسة التعقيد )

[عاطل بلا فخر]

اولاً:- انتو مثل ماتعرفون ان الاختبارات هذي مدتها ( ثلاث ساعات ) تقريبا . والمدّه هذي طويلة وفيها استنزاف للتفكير بحيث ان الطالب يوصل لدرجه يقفل عقله ( يجيم ) . وانا من وجهة نظري انهم يسوون وقت راحة لمدة خمس دقايق عالاقل عشان يسترجع الطالب بعض الطاقة ...
ثانياً:- طلعوا لنا باختبار القياس وقلنا ماعلينا وطلعوا لنا بالاختبار التحصيلي وقلنا ماعلينا لكن يسوون هالنظام الجديد في الثانوية ( يحسبون معدل صف ثاني مع ثالث ) فلا وألف لا
.... انا ابي افهم ليش يتخذون مع الطلاب ( سياسة التعقيد )؟؟؟ وياليت انها تنتهي على كذا الحين اذا تبي تقدم عند بعض الشركات يشترطون فوق هالاختبارات خبرة عملية ... صرنا نخاف ان الكليات والجامعات تطلب ايضاً خبرة ( هذا اللي ناقص )
ثالثاً:- انتو تعرفون ان السعودية اغنى دولة في العالم .. وانتو تعرفون ان 13 مليار ريال تتحول للخارج بسبب هالعمالة الوافدة . احنا لو الله يفكنا منهم كان احنا بخير . بعض الشركات اذا جيت انت يالسعودي يقولون نبي درجة اختبار القياس وخبرة لكن اذا جاهم هندي يقولون ياهلا ومرحبا ليييش؟؟؟؟ لأن الهندي يشتغل في أي شي براتب قليل....
رابعاً:- بالنسبة للاختبار القياس انا اشوف انه مو مقياس للذكاء او المعلومات . ممكن اكون فاشل في الدراسة لكن اكون بارع في القياس أو العكس . انا أعرف واحد معدله في الثانوية 96 % وجايب في القياس 58 مو معناها انه غبي او معلوماته ضحلة أو ضعيفة . وراح يقدم على ارامكوا رفضوه لان درجتة في القياس نازلة ( والله حرام ).
أما الاختبار التحصيلي أشوف ان فيه بعض الفائدة لانه يركز على ماتعلمه الطالب في المدرسة وهو مطلوب في أغلب الجامعات والكليات الجامعية . فياليت انهم يخففون الضغط على الطلاب بحذف اختبار القياس لانه مع احترامي لصاحب فكرة الاختبار ( اختبار فاشل )

وهذا اللي عندي وأتمنى الردود الجميلة وشكرا

[silver arrow]

الله يعطيك العافيه عللى هذه الموضوع المهم

وهذا والله قمة التعقيد والتعجيز يحسبون كل الناس عقولهم مثل ( أنشتاين ولا نيوتن)
طبعا هذا من أحد أسباب العطاله عندنا للأسف.
الاختبارات هذه في بعضها جيد مثل اختبار القدرات وفي بعضها ماله داعي تعجيز فقط.