فألك مكتب الهمــل (( العمل ))

[بربيكان تفاح]

مكتب العمل أثبت انه مكتب (( الهمل )) بكل جداره ولله شرشرحه ماهي طبيعيه

فالمراجعه بعد اسبوعين ويعطيك ورقه (( خطاب ترشيح )) فيه موقع الشركه ورقم هاتف

الشركه طبعا معلومات الي في الورقه غير صحيحه وربي تهت ادور شركة يومين واخرته

رجعت الى مكتب العمل عطأني رقم مندوب الشركه الجوال وكلمته يوم درى اني من مكتب

العمل صار يوصف من دون نفس ورحت إلى شركه ولقيت مكتب الموارد البشريه

عند قبو السيارت شكلهم ما يبون السعودي يدري عن محلهم ويستقبلني موظف

يقول جب معاك بكره كامل شهادات وجيته اليوم ثاني وسويت مقابله واتفقت معه

على الراتب 2400 ريال (( فترتين )) وش نسوي كرف بس مافيك حيييييييييله يا قلبي

وطلب مني كفاله من الشرطه والعمده (( عاد رح دور هــ العمده )) عمدة الحارررررره يارقاله

وقام يهدد اذا فصلت من شركته اني ارد له مبلغ وقدره 2000 ريال ويضرب امثله علي كثير

من الشباب السعودي ترك العمل على طول قلت له : تبي السعودي يجلس فترتين عطه بس

راتب مرتفع من هـــــــ الارباح الهائله من شركتكم ويجلس معاكم مدى العمر .

في الاخير قال خلك على اتصــــــــــال وانا انتظرهم هههههههه ولاأمل فيهم شي كثير

لكن من جد مرمطه القطاع الخايس ولله يعين كل شاب سعوووووووودي يشتغل في شركه.

[الرفاعي]

الله يكـــــــــــــــــــــــــــــــــــــــــــــون فى عونك

[ماعادبدري]

الله يرزقنا ويك من واسع رزقه

[LULU CATY]

الله يعينك ويعين الجميع

[عاطل وداج]

الله يصبرك ويرزقك اخوي

بس ماقلة لنا وشي من شركه

[حارس عتبة الدكان]

الله يكون في عون الجميع

اخوي من قال عندنا قطاع خاص !!

نجاح مكتب العمل مرهون بتوفر قطاع خاص وشركات كثيييييره وعملاقة

ومن يعتمد على مكتب العمل الفاشل ... غلطاااااااااااااااااااااان

[دمعة المقهور]

واقسم بايات الله نفس الى حصل معي قالي سكرتير الشركة روح جيب كفالة من العمدة هههههههههه شايفني بنقالي اجيب كفالة لا وكمان مهي كفالة عادية كفالة غرم واداءة وما بقى شي الا وقال حطها بالكفالة عشان راح نسلم عهدة قلت على عيني وراسي ما قلت شي لاني واثق من نفسي
واروح لحضرة العمدة واقولة انا من اهل هذا الحي وهذي اوراقي طالع بالاوراق قال انا مالي شغل بهذي الكفالة روح الشرطة قلت هم قالو عندك قال لا ما راح اوقع المهم فور دمي وقلت طيب طيب انا بروح الصحافة واقول كل كلمة قلتها هههههههههههههههههههههه
والله يا جماعة الخير قال تعال تعال خذ التوقيع وفكنا منك

[رحاال]

عمدة الحي وش السالفه يا عالم وصلت الى حد هاذي الامور.

بعدين يا بربيكان وش شهادتك انت بالضبط ووش الوظيفه الي تقدمت عليها!

ونصيحه لك قول للشركه اذا تساهلتم راح اشتكيكم لوزارة العمل مع ان وزارة العمل ما عندهم ما عند جدتي لكن من باب التخويف للشركه من الوزاره.

[الحربي055]

انا امنية حياتي اشوف مدير مكتب العمل الى في مدينتي يصير له دور في المجمتع
يعني ابغا احس انه في تفاعل مع السعوده
لاكن على الله يا مكتب الهمل

[راجعنا بكره]

الله يكون بعونك اخوي
وصراحه المشكله عويصه
من مكتب العمل الى الشركه الى العمده الى الشرطه وكفلاء
وآخرتها الفين ريال ودوام بفترتين
نفسي القصيبي يجرب الدوام فترتين
حتى نعرف من اللي جاد بطلب العمل من المتساهل
والله يوفق الجميع
وتحياتي لك اخوي