احصل على مبلغ 75000 ريال ..وافتح مشروعك ..ببساطه

[فهدالحبيب55]

السلام عليكم ورحمة الله وبركاته



كلنا نعرف ان المشروع الناجح يحتاج راس مال جيد .

وراس المال هذا . لابد ان يكون اكثر من 50 الف عشان تقدر تفتح مشروع يغطي جميع

احتياجاتك وتقدر كمان تسترد راس المال في مدة لاتزيد عن 18 شهر وهذا بعد ماتدرس

المشروع دراسه جيده ودراسة موقع المشروع ايضا .

.واكيد كلنا كعاطلين وسعودين .. عندنا خطط ومشاريع وافكارنقدر نبني فيها مشروعنا

الجديد ..بس الشي الوحيد اللي ناقصنا هو (( راس المال ))او بالاصح الفلووس

والمشكله هنا .. كيف تحصل على راس المال؟؟؟ ..

اولا .. اي واحد عاطل بتجى على باله فكرة القروض.يعني يبي قرض .

بس القروض في جميع الحلالت سواء من بنك التسليف او جميع البنوك المحليه

مايعطون اي واحد عاطل ...بس هذا الجواب يمكن يقنعه وينسى سالفة القروض نهائيا ..

ثانيا .. يمكن تجي فكرة السلف سوائ من قريب او حبيب او صديق ..يعني يبي يتسلف

ولو قلنا راح عند الشيبه وطلب منه مبلغ 50000 الف ريال ..

الشيبه مسكين لو بغى يساعدك ماراح يعطيك 50000الف ريال وهذا بعد ما تشرح له

المشروع تفصيليا وتوعده بالفين ريال شهريا ووو......الخ .يمكن يالله يعطيك 15000الف

ويمكن بعد مايعطيك بيقلك ماعندي.. وانصحك لاتروح وتمد ايدك تحت سرير النوم حق

الشيبه ووتفتح الشنطه الدبلماسيه .. تراه بيتفقدها قبل ينام بعدين تروح في خرايطها ..انا ماللي شغل

ولو رحت عند اخوك الكبير بتلقاه متورط بالقروض اذا كان عسكري واذا كان مدني

بتلقاه مطفر راحت فلوسه في اسهم المكيرش او في الاسهم عامه ..يعني لو في جيبك شي

بتتمنى تعطيهم ..وحتى لو عندهم مارااح يقدرو يساعدونك ذيك المسااعده اللي انت

تتمناها ..يعني ظروفهم بتخليك تبعد .

لو قلنا روح عند صاحبك . النصيحه لاترووح تراه بيهرب منك يعني مارااح تلقاه ..وبعدين

دورلي على صاحب يقدر يسلفك هذا المبلغ مارااح تشوفها عنده لو انه صداق على

نيته ..ابعد بتحرج نفسك على الفاضي ..:o

وبعدين لو قلت بفتح مشرووع صغير اقدر اكون منه راس الماال ..

هذي الطريقه ..غير مضمونه .. انا مانصحك فيها ..لأنك بتتعب وتشقى ..ويمكن ماتلقى

شي ولو لقيت بترووح كلها في صرفياتك .واعرف ناس كثير مشو في هذي الطريقه ولا

استفادو شي .. وبعدين مالها مايتجمع ..لانك ماراح تدري على الضروف اللي بترمي فيها .

انس هذي الفكره ابد ..............

المهم


بطريقه واحده ومضمونه تقدر تحصل على راس المال اللي انت تتمناه ويمكن ازود ..

هذي الطريقه مجربه ومضمونه وجربها واحد من اصحابي كان شغال حارس في شركه

قبل شهر والحين هو رجل اعمال مزبط وضعه في محل اكترونيات وجالس على الكونتر

وهو اللي يبيع وعليه زحمة زباين ماعمري شفتها في اي محل ثاني ..اتوقع انه يسترد

راس ماله في اقل من سنه .....الله يرزقه ويرزقنا جميعاا .

الطريقه اللي سواها راح عند عمه اخو ابوه (( عسكري ))وقال له انه يبغى يشتري سياره

جديده اقساط .. عمه مارفض لانه يعرف ان الولد ثقه ماراح يوهق عمه ..بس قال للولد

راتبك مايغطي القسط السياره اللي انت تبي تشتريها .. الولد طمن عمه واقنعه بانه راح يستمر في

وضيفته ويستمر في اقساط السياره ..وراح يكد على السياره بعد ..المهم انه اقنعه بانه لازم

ياخذ سياره جديده ..راحو الاثنين لشركة تويوتا .وطلب الولد سياره كامري مديل 2007

المهم اتفقو على القسط وعلى الدفعه الاولى وعلى الكفيل واعطوه موعد عشان

يستلم السياره ..راح الولد وعمه .. ورجع الولد بعدين عشان يستلم السياره ..المهم

الولد جلس في الانتظار في شركة تو يوتا جلس جنبه واحد ..المهم الرجال اللي جنبه

سال الولد وشسيارتك اللي انت طالبها قاله الولد كامري..سأله الولد واانت وشطالب

قال انا ابغى نفس سيارتك كامري ..بس باقي ماطلبت ابي اطلب ..المهم سولفو شوي عن

العمل والسيارات وعن الفلوس والقسط والكاااش الا ان عرض الرجال على الولد عرض

خاص قاله بيع لي السياره بمخمسه وسبعون الف وراح اعطيك كاش ..الولد ماصدق انه

طلب منه السياره تردد وقاله ليش ماتاخذ من الشركة ليش مني وقال الرجال الشركة تبيع

الكاش بخمس وثمانين الف وانا بقدر اشتري منهم ... بس انت لو تبغى تبيع بخمس وسبعين راح

اشتري منك وانت بالفلوستقدر تشتري سياره ارخص منها ووفر الباقي في جيبك ..الولد

محروم وطمع ....فكر...فكر.. فكر وقال في نفسه

((ابيع احسن لي ))وباع السياره للرجال وقبض المبلغ كامل وطلع بخمس وسبعين الف

في جيبه ..

وراح عند قريب له شغال في مجال التجاره وشرح له الوضع .. ووصاه قريبه انه يفتح له مشروع واعطاه فكره

وتوصيه وعلمه كيف يبدأ ...وربي سهلها عليه وفي اقل من شهرين فتح له محل والحيين

زي ماقلت لكم فاتح له محل اكترونيات ..وترك عمله في الحراسه ..

وهذي الطريقه ناجحه 100في 100

بس اهم شي انك تدرس المشروع قبل تاخذ لك سياره وتبيعها ..

واهم شي انك تكون ثقه قدام قريبك او صديقك اللي بتخليه يكفلك ..ولا توهق الرجال

في شي هو في غنى عنه ..ياما اخوه تفرقو ..وياما بيوت تقاطعة ..وياما وياما ..

عشان الكفاله ومشاكلها ..ولابد من دراسة المشروع اذا كنت مبتدى ..في مجال التجاره

وانصحك بالذهاب للغرفه التجاريه .. لأنها تعطيك دراسه كامله ومجانيه ..تجاه المشروع اللي انت تبيه

وانصحك لاتتغااااااامر بفلوسك في مغامره غييييييير مضمونه .. وابعد ابعد عن

الاسهم وهذي نصيحه ..


هذا كل شي قدرت عليه اليوم انا اعطيتكم فكره تقدرو تبدأو فيها بدايه ناجحه ..

.تغنيكم عن الف طريقه وطريقه .فاشله وغير مضمونه ...


اعذروني على الاطاله والاخطاء الاملائيه ان وجد ..



تحياتي لكم


عاشق الدينه

[SaSa]

مشكور اخوى على المشروع واليوم ونا اخوك مستحيل انك تلقى الكفيل حتى اخوك ما يكفلك ون لقيته تلقاه مقترض او متسلف او مطلع سياره وبايعها ون كانه ما سوى شى من هذى كلها وفكر انه يساعدك بيقول انا اولى بسياره وترا 75000 الف ماهى بسيطه ماهو مظحيبها على شان اى واحد

وتحياتى لك
SaSa

[فهدالحبيب55]

اخوي sasa

شكرا لمرورك

كلامك واقعي وصحيح الكفاله ماحد يضحي بها حتى الاخ

بس انت لا تيأس وتقول مابيعطيني ...اقنعه بفكرتك ووهو لو حس بوضعك

راح يتعاطف معك ...وبعدين انت ماتحتاج في الكفاله الى بطاقة العمل حقته ..

ماتحتاج شي غيرها ..حتى لو انه متورط في قسطين اوثلاث ..ماراح تدقق الشركة

في اسمه مو من صالحها هذا الشي هي تبغى تمشي السيارات اللي عندها واكبر دليل

العروض اللي تنزلها كل سنه .. السياره بأسمك والاستماره بأسمك والاقساط انت اللي

تدفعها ..اخوك او ابوك او قريبك ...ماعليه الا يحظر ببطاقته العمل وفاتورة الكهربه

حقت بيته وتوقيعه ..وبعدها يضرب الباب ..واذا كان هو طمعان في الخمسه وسبعين

طمعه انت بمشرروعك بانك بتعطيه نسبه بسيطه سنويا او شهريا وكذا الى ان تستوى

الامور..وتقدر بعدين تسحب عليه او تفى بوعدك وتستمر .

هذا كل شي ..والله يرزقنا واياكم اجمعين

تحياتي لكم



((السياره لاحد يأخذها بنظام التأجير والتملك ))لان الاستماره تبقى بأسم الشركة ماتقدر تبيعها الا بعد ماتسدد اقساطها ..

[عطل يائس]

مشكور أخوي بس للأسف لما توصل المسألة للفلوس تنعدم الثقة ذاتيا حتى من أقرب الاقربين وأنا أعرف شخص موظف أعرفه جيدا احتد على مبلغ معين مايقارب 2000 ريال فقط كان في أمس الحاجة لها ياتتوفر ولاممكن مايصير له طيب مع العلم إنه كان باقي على الرواتب أسبوع فقط بس الرجال كان محتد جدا ولا ترك أحد من أبوه وإخوانه أصحابه إلا طلب منهم وكلهم اعتذروا مع العلم إن نصفهم على حسب كلامه يقدر على أضعاف المبلغ المطلوب ووصلت معه إلى انه يبيع سيارته وفعلا دخل الحراج وحرج عليها وكان على وشك البيع ولما سأله اللي كان بيشتريها وهو شريطي صاحب معرض عن سبب البيع وبين له ظروفه رجع عليه سيارته وأعطاه المبلغ اللي هو محتاجه وأخذ عليه شيك بالتسديد في الموعد اللي يناسبه عشان مايضيق عليه.........
أنا تحمست وذكرت القصة فقط عشان أوضح لأخوي عاشق الدينة إن الكلام اللي ذكره صعب جدا هذه الأيام بالذات لأن الكل هالوقت نفسي نفسي حتى أقرب المقربين وماذكرته أعلى أبسط مثال على ذلك - بعد هذا تبغاني أذل نفسي - أموت من الجوع وأنام في الشارع ولا إني أتعرض للإهانة من أيا كان.................!
ومشكور على الموضوع بس لعله يكون يناسب أحد وبالتوفيق للجميع إن شاء الله

[الصبحي]

مشكوور اخـوي
بصراحـه انا افكر في هالموضوع ابيع الكامري حقتي وادخل بها
مشروع او اسـهم

[عطل يائس]

فكرة رائعة جدا إذا كانت السيارة ملكك بس اختر المشروع المناسب وادرسه مضبوط عشان ماتخسر وثق بالله وتوكل عليه واستخير قبل والله يعوضك ويرزقك إن شاء الله ويوفق الجميع لما فيه الخير بس أهم شيء الجدية وإخلاص النية لله وبالتوفيق مرة أخرى

[الصبحي]

آمين الله يرزق ويوفق الجميع اخي عاطل

[تاجر اولاين]

يعطيك العافيه اخوي عاشق الدينه

[فهدالحبيب55]

نورت الصفحه ..اخي عطل يائس

والله ياخوي انك صادق ..وكلامك واقعي مافيه اي شك ...

..الاخوه عند الفلووس كأنهم غرباء ..و اللي يروحون فيها الاخوان الصغار

لأنهم ماحصلوا وظائف متوفره زي زمان ..الله يكفينا ذل الدنيا ومهاناتها ..

وصدقت اخوي ...في هذه الضروف قد يتعرض الشخص لنوع من الرفض والمذله ...

بس ياخوي لا تيأس وانصحك تدخل موقع شركة عبد اللطيف جميل لدعم المشاريع

الصغيره يمكن تناسبك شرووطهم ...يقدرون يدعمونك اذا كنت صاحب مهنه يدويه

او اقل شي يقدرون يدعمونك فيه ..محل زينة سيارات ...انشاااء الله مايقصروون معك

والله يرزقنا واياكم اجمعيين ..


تحياتي لكم اخوكم


عاشق الدينه

[فهدالحبيب55]

اخوي صبحي ..

انت اكيد سمعت بالمثل (( مات من الجوع وانفقع من الشياخه ))

لاتصير مثل هذا الرجال ..اللي ينقال فيه المثل ...

لااتتردد ابد ..اذا كانت السياره تسوى ..الخمسه وابعين فما فوووق

بلاااااااسهم بلا هم ..والله لو حطيتها في اسهم انت خسران واقولها لك الحيييين

روح بعها ..واستفيد منها في مغسله او محل ادوات صحيه او بقاله صغيره احسن لك

دام السياره بأسمك ..لااااااتتردد

الولييد بن طلااال ذكر في كتابه((يقول انا ضحيت بتضحيات صغيره لأجل مكسب بعيد ))

ويقصد بكلامه بانه ضحى بعمائر واراضي لاجل مشاريع يفتحها منها ..

وانتم طبقو نفس الشي ..ضحو بسياراتكم لاجل مشاريعكم الجديده ..

والله يرزقنا وايااكم اجمعيين ..

تحياااتي لكم اخوكم


عاشق الدينه