المساعد الشخصي الرقمي

مشاهدة النسخة كاملة : مناقشة وظائف المدارس الاهلية في الوسطى للبنات فقط


الصفحات : 1 2 3 4 5 6 7 8 9 [10] 11

مِسْك
10-07-2012, 01:00 AM
المؤهل / بكالريوس تربوي / كلية التربيه للاقسام الادبيه بالخرج
التخصص/ لغه عربيه مع مرتبة الشرف
مكان العمل / الخرج
لآمآنع من تدريس آي مرحله
خريجة عام 1433 هـ

مرسم الآمال
10-07-2012, 08:53 AM
........................................

أغنية الذكريات
10-07-2012, 08:39 PM
بنات الله يسعدكم اللي تعرف مدرسة أهلية في الخرج محتاجين مدرسة دين ياليت تحطه هينا :)

نووووورة
10-07-2012, 09:04 PM
بنات الله يسعدكم اللي تعرف مدرسة أهلية في الخرج محتاجين مدرسة دين ياليت تحطه هينا :)

نفس السوال

آنسه سوما
11-07-2012, 03:52 AM
دقيت على مجموعة الغد

وقالت لي التقديم بالمعهد العالي بالرس وينتهي التقديم الاربعاء وموجودين للساعه 8 المساء

وبالتوفيق يارب


اممممممم رحت وقدمت عليهم وان شاء الله متفائلين خير ...



الله يجزاك الجنه ويسعدك دنيا وآخره ...:w

راقيه بطبعي
16-07-2012, 12:21 AM
بنننننننات القصيم تكفووون ردووو
سمعت وحده قالت التقديم بالمعهد العالي بالرس تيب متى دوامهم ووين مكانهم ومتى يخلص التقديم والي قدمت تفيدنا ايش سوت
الله يجزاكم الجنه

راقيه بطبعي
16-07-2012, 06:10 PM
اممممممم رحت وقدمت عليهم وان شاء الله متفائلين خير ...



الله يجزاك الجنه ويسعدك دنيا وآخره ...:w

الله يجزاكم خير بس انا اليوم دقيت ع رياض القصيم قال التقديم ببدايه السنه مو الحييين
مادري وين الصدق انتظر ببدايه السنه ولا اخاف يفوتني التسجيل

أوهام الخيال
18-07-2012, 02:26 AM
بنات بليز المعهد العالي ولا المعهد العالمي


اي معهد اللي اقدم فيه الله يوفق اللي ترد

راقيه بطبعي
18-07-2012, 01:47 PM
والله يختي ماعندي خلفيه ولا افيدك انا صديقتي راحت وسائلت قالو مافيه معهد عالي فيه العالمي للتقنيه مادري هو ولا لا ........................بس الي استغربيه انه التقديم الحين انا دقيت ع المدرسه قالو مافيه تقديم الحين التقديم ببدايه المدرسه

آنسه سوما
19-07-2012, 09:16 AM
الله يجزاكم خير بس انا اليوم دقيت ع رياض القصيم قال التقديم ببدايه السنه مو الحييين
مادري وين الصدق انتظر ببدايه السنه ولا اخاف يفوتني التسجيل


التقديم بالمعهد العالي بالرس حي الشفا ومداومين الى 10 رمضان ...
مدري عن طبيعه دوامهم برمضان بس بشهر 8 دوامين الصبح والعصر الى 8 المغرب ....

خوذي معك ملفك وكل شهاداتك بس بياخذونه وبيقولون لك نتصل عليك بدايه السنه اذا احتجناك تجين تسوين مقابله ....

خذلني التعب
28-07-2012, 07:55 AM
الله يوفق

يارب سهل لي
28-07-2012, 10:29 AM
بنات اللي تعرف مدرسه اهليه بالخرج طالبين انجليش تقولي والله يوفق الجميع ان شاءالله..

خذلني التعب
29-07-2012, 08:47 AM
الله يوفقكم اللي تعرف اهليه بالخرج يبغون انجليزي تخبرني وربي لادعي لها محتاجه الوظيفه

يارب سهل لي
06-08-2012, 07:03 AM
خذلني شكل حالتك زي حالتي تعبت ادور بالخرج حتى المدارس الاهليه صارت واسطات..

نووووورة
07-08-2012, 10:17 PM
خذلني شكل حالتك زي حالتي تعبت ادور بالخرج حتى المدارس الاهليه صارت واسطات..

اغسلو يدكم.من الخرج مالكم الا الرياض صح تعب بس الرواتب صارت تستاهل ونكسب خبره

سعووديه عاطله
08-08-2012, 05:39 AM
ياااارب تغنينا

آنسه سوما
08-08-2012, 06:53 AM
السلام عليكم


مطلوب مدرسين ومدرسات صفوف أوليه
ومديري مدارس

(مدارس الدرة بالرس )


^^^ كما وصلني

طفش وملل
08-08-2012, 08:48 PM
أنسه سوما ماعندك رقم المدرسه

رضآك ياخالقي
10-08-2012, 12:02 PM
السلام عليكم


مطلوب مدرسين ومدرسات صفوف أوليه
ومديري مدارس

(مدارس الدرة بالرس )


^^^ كما وصلني

أختي واللي يعافيك رسلي لي رقمهم ععاجلا
الله يفرج لك همك

خذلني التعب
13-08-2012, 06:39 AM
يارب ارزقني الو ظيفه انا وكل محتاجه

خذلني التعب
13-08-2012, 06:43 AM
اغسلو يدكم.من الخرج مالكم الا الرياض صح تعب بس الرواتب صارت تستاهل ونكسب خبرهوانا اختكك
مشوار وتعب وصعبه وعندي ام كبيره واهل ماودي اضيق صدرها بهم هالطريق روحه وجيه ربك كريم ندعي ربي بذا الليالي الفضيله

صبا العمر
13-08-2012, 09:52 AM
الله يعطيك العافيه

الجازي و عزوز
13-08-2012, 11:44 AM
بنات احد يعرف مدارس اهليه بشرق الرياض محتاجين معلمات

نووووورة
14-08-2012, 08:00 PM
اغسلو يدكم.من الخرج مالكم الا الرياض صح تعب بس الرواتب صارت تستاهل ونكسب خبرهوانا اختكك
مشوار وتعب وصعبه وعندي ام كبيره واهل ماودي اضيق صدرها بهم هالطريق روحه وجيه ربك كريم ندعي ربي بذا الليالي الفضيله
صادقه تعب بس قوليلي وش نسوي مافيه مدارس هنا الله يفرجها

آنسه سوما
14-08-2012, 09:22 PM
السلام عليكم


مطلوب مدرسين ومدرسات صفوف أوليه
ومديري مدارس



(مدارس الدرة بالرس )


^^^ كما وصلني




هذا رقم المدرسة للي طلبها
0531505292

خذلني التعب
15-08-2012, 07:43 AM
[QUOTE=خذلني التعب;6656865]صادقه تعب بس قوليلي وش نسوي مافيه مدارس هنا الله يفرجها
الله يفرجها وانا اختك الله يرزقنا ويعوضنا من عنده

يارب اتوظف مليت
25-08-2012, 03:28 PM
بنات مدارس الموسوعه في الخرج طالبين مدرسات تخصص تاريخ وجغرافيا للتمهيدي وحده من صديقاتي قالت لي وانا للأسف مؤ تخصصي
الله يوفقني ويوفقكم

تراتيل القدر
25-08-2012, 11:37 PM
بنات ماسمعتوا عن وظايف اداريات بالخرج

خريجه القصيم
29-08-2012, 04:05 AM
السلام عليكم يابنات انا عضوة جديدة

ابغي اسئل هل فيه وظايف ف عنيزة او المذنب معلمة

خذلني التعب
29-08-2012, 09:48 AM
تخصصي انجليزي فيه مدراس بالخرج طالبين انججليزي

ريمممممه
30-08-2012, 05:13 PM
اسلام عليكم. بنات مين يعرف مدارس اهليه في رياض الخبرا او في عنيزه محتاجه وظيفه

عاطل متفاءل
31-08-2012, 05:11 AM
لو سمحتو ابي اعرف كم رواتب المدارس الاهليه بالرس

كارزيما
01-09-2012, 01:27 AM
السلام عليكم

انا يوم الثلاثاء قدمت اوراقي لمدرسه اهليه

وقالت لي المديره شئ اول مره اعرفه

قالت انو الحين راح يصير عقد المدرسه بالاهليه 5 سنوات

وبعد 5 سنوات تتوظف على طول بحكومي ورسمي

وبالنسبه للرواتب اذا راح يطبقون القرار الجديد

فيكون 2600 من الموارد البشريه و 2500 من مالك المدرسه

وربي يوفقنا

مانبي فلوس نبي كرامه واثبات شخصيه وحضور بالميدان وعلم وتعلم

بارك الله فيكم

بطاله وفراغ
01-09-2012, 01:59 AM
ماتوقع أن كلامها سليم بأنه راح يتوظفون رسمي بالحكوميه لأن كذا بيظلمون البنات اللي مقدمين في جداره وماتوظفو بالمدارس الأهليه ....

أوهام الخيال
01-09-2012, 04:51 AM
طيب ايش هي المدرسه اللي قدمتي عليها وين مكانها ودي اقدن فيها

سرااا
01-09-2012, 08:41 PM
انا كلمت مدارس بريده وكلهن يقولن

مافي احتياج احسهن ينصبن

ورييييمه : رياض الخبراء اعرفها مافيها مدارس اهليه

مواطنة عاطلة
02-09-2012, 03:15 AM
السلااااااام عليكم
ياناااس مومعقول اللي يصير ١٦ سنة ندرس ونتعب ونتحمل البرد والحر واخر شي عاااطلين
امس ادور على المدارس الاهلية واغلبهم مكتفين والباقين يقولون سجلي بياناتك ونتصل عليك ولايتصلون حسبي الله ونعم الوكيل
لاوالمصيبة تجيك وحده لهاواسطة وعلى طول يوظفونها والله قهههههههر اللي يصير


اللهم اغنني عن كل احد ولاتحيجني الى احد

كارزيما
02-09-2012, 07:05 PM
ماتوقع أن كلامها سليم بأنه راح يتوظفون رسمي بالحكوميه لأن كذا بيظلمون البنات اللي مقدمين في جداره وماتوظفو بالمدارس الأهليه ....

والله مادري يالغلا

انا قلت اللي سمعته ويعني ماتوقعت سليم الكلام

واشكرك
http://1.1.1.1/bmi/www.btalah.com/images/smilies/s8.gif




كويس اني قريت توقيعك

شوفي يالغلا انا اليوم كلمت واحد بالواتس اب

جتني رساله برودكاست قلت اتاكد

كان مطلوب اداريات ومدرسات رياض اطفال

قلت له وين موقعكم قال الرياض ( الحمرآء شرق الرياض )

وهذا رقمه شوفي يمكن تلاقين عنده

واهم شي كل خبراتك ارفقيهآ بملف مصوره

ماادري اذا مسموح احط رقم جوال ولالا

كارزيما
02-09-2012, 07:08 PM
طيب ايش هي المدرسه اللي قدمتي عليها وين مكانها ودي اقدن فيها


الدره بالرس

وربي يوفقك http://1.1.1.1/bmi/www.btalah.com/images/smilies/s8.gif

كارزيما
02-09-2012, 07:10 PM
الله يعين بسّ

ويرزقنا على قد الإخلاص بقلوبنآ

2012 ولا مواقع إلكترونيه للمدارس ولا تقديم سهل

بمعنى الكلمه ( فشل ورجعيه )

وتفكير مادي والحصول عليه بابشع طريقه

كارزيما
02-09-2012, 07:13 PM
ماتوقع أن كلامها سليم بأنه راح يتوظفون رسمي بالحكوميه لأن كذا بيظلمون البنات اللي مقدمين في جداره وماتوظفو بالمدارس الأهليه ....



كويس اني قريت توقيعك

شوفي يالغلا انا اليوم كلمت واحد بالواتس اب

جتني رساله برودكاست قلت اتاكد

كان مطلوب اداريات ومدرسات رياض اطفال

قلت له وين موقعكم قال الرياض ( الحمرآء شرق الرياض )

وهذا رقمه شوفي يمكن تلاقين عنده

واهم شي كل خبراتك ارفقيهآ بملف مصوره

ماادري اذا مسموح احط رقم جوال ولالا

منيرة سعيد
02-09-2012, 09:43 PM
السلام عليكم بنات انا تخصصي خدمة اجتماعيه ماتعرفون في الخرج محتاجين اداريه او مرشده طلابيه او الرياض

طفش وملل
03-09-2012, 02:22 AM
الدره بالرس

وربي يوفقك http://1.1.1.1/bmi/www.btalah.com/images/smilies/s8.gif

أنا قدمت على نفس المدرسه بس عن طريق الرجال ودى ملفي أبوي وقالوله دقوا علينا الاحد الجاي ونقولكم الاحتياج وش تخصصك كارزيما؟؟؟

خذلني التعب
03-09-2012, 10:18 AM
يارب ارزقنا

ام جولان
03-09-2012, 06:18 PM
السلام عليكم
انا خريجه حاسب اذا تعرفون مدرسه محتاجه حاسب ببريده عطوني خبر
والله يسعدكم ويرزقكم ماتتمنون

كارزيما
03-09-2012, 08:08 PM
أنا قدمت على نفس المدرسه بس عن طريق الرجال ودى ملفي أبوي وقالوله دقوا علينا الاحد الجاي ونقولكم الاحتياج وش تخصصك كارزيما؟؟؟



هلابك يالغلا
أي أحد ..؟ أمس ولا اللي بيجي .. ؟

انا تخصصي تربيه فنيه

والظاهر الأوراق كالعاده بتدخل من تحت الطاوله

كارزيما
03-09-2012, 08:27 PM
شوفوا يالغوالي

لاتعتمدون على ان احد يدق عليكم ويقول تعالي توظفي

أم جولان شهادتك حلوه قدمي

بريده زينه من ناحيه عدد المدارس الاهليه والمعاهد صوري اوراقك وكل ملف حطيه بمكان

هنآ بس نبي نتبادل معلومات مدارس وارقام وعلينآ المشوار

لذآلك انا ابي تقريباً المدارس الاهليه بالرس او البدائع او عنيزه

جديده انا بصراحه على المنطقه وماني عارفه وش الاماكن

واللي قدمت على اهليه وانقبلت ياليت تخبرنا

وعساكم على القوه

طفش وملل
03-09-2012, 08:36 PM
هلابك يالغلا
أي أحد ..؟ أمس ولا اللي بيجي .. ؟

انا تخصصي تربيه فنيه

والظاهر الأوراق كالعاده بتدخل من تحت الطاوله

لا الجاي أنا مقدمه ثالث العيد وبيعلنون المحتاجينه 21/10 بس دام طولوا أعتقد إن الوظايف لناس محدده

كارزيما
04-09-2012, 06:07 PM
لا الجاي أنا مقدمه ثالث العيد وبيعلنون المحتاجينه 21/10 بس دام طولوا أعتقد إن الوظايف لناس محدده


العجيب اني دقيت يوم الاثنين عليهم أمس

وقال انو اكتفينا وخلصنا احتياج

وانا كنت ادري انو يصرفني ، بس والله مايأست

المهم طمنيني اذا صار لك شي

وموفقه يالغلا

نووووورة
05-09-2012, 03:27 AM
سلام.بنات الخرج من راحت للمدارس الاهليه وهل فيه احتياج مليت ابي اتوظف

خذلني التعب
06-09-2012, 01:25 AM
[QUOTE=نووووورة;6753898]سلام.بنات الخرج من راحت للمدارس الاهليه وهل فيه احتياج مليت ابي اتوظف



h h

الله يوفقك روحي السبت وحطي سيرتك الذاتيه فيها ارقامك مدري اختي وش تخصصك

نووووورة
06-09-2012, 05:33 AM
تخصصي دين انتي رحتي لهم

أخت أخوها ااا
06-09-2012, 06:36 AM
بنات مدارس الخرج وش احتياجها اللي تعرف لاتبخل تكفوون

خذلني التعب
07-09-2012, 01:58 AM
بنات مدارس الخرج وش احتياجها اللي تعرف لاتبخل تكفوون

اغلب التخصصات انتي السبت روحي للمدراس الاهليه وقدمي سيرتك الذاتيه الاهليات دايم في احتياج عشان المعلمات يتغيرون واللي تروح واللي تتعين رسمي

قمر تميم
08-09-2012, 08:47 PM
صبايا ..مدارس الروّاد بالبدايع محتاجين معلمة انقلش

كما وصلني بالبي بي ..حبيت افيدكم ربي يوفقكم كلكم ...


دعواتكم ربي يكشف عني الضر و يشفيني ()

خذلني التعب
09-09-2012, 02:01 AM
الله يوفقنا

ليالي البوح
10-09-2012, 12:11 AM
:mبنات .. محتاجة سائق مع محرم يكون ثقة يوصلني من غرب الرياض الى السليمانية .. ضروووري جزيتم خيرا < متوهههههقه:m !

خذلني التعب
10-09-2012, 09:00 AM
الله يفرجها

يارب سهل لي
11-09-2012, 10:02 AM
بنات اللي من الخرج وتعرف احتياج المدارسسس تقول او اللي راحت تعلمنا وش صار معها والله يوفق الجميع ..انا انجليش تخصصي

نووووورة
12-09-2012, 06:04 PM
بنات اللي من الخرج وتعرف احتياج المدارسسس تقول او اللي راحت تعلمنا وش صار معها والله يوفق الجميع ..انا انجليش تخصصي

نفس الطلب الله يسعدكن الي تروح تقولنا

طموحا جدا
14-09-2012, 02:39 PM
سلام انا ابي مدارس في شرق الرياض محتاجه اقتصاد منزلي ويفضل تفصيل خريجه 1433ه
لايوجد خبره لكن شطوره واثبت نفسي بسرعه البرق

طفش وملل
15-09-2012, 07:45 AM
يارب أرزقنا بالوظيفه الحكوميه عاجلا ملينا وحنا نروح للمدارس الأهليه وهم يرفضونا
يارب ساعدنا

خذلني التعب
15-09-2012, 11:15 AM
الله يفرجها

ليالي البوح
16-09-2012, 09:51 AM
مدارس " دور الذكر " الأهلية تعلن عن حاجتها إلى معلمة لغة عربية ،
المدرسة حسب تجربتي رائعة والإدارة متعاونه ،
يشترطون الجدية في العمل ،
موقع المدرسة في حي السليمانية بجانب جمعية النهضه الخيرية النسائيه ،

ليالي البوح
16-09-2012, 09:54 AM
مدارس " رياض الصالحين " في حيّ السليمانية بحاجة إلى معلمة دين ،
موقع المدرسة بعد سوق لوكلايزر يمين ..
موفّقين بإذن الله ..:h

خذلني التعب
16-09-2012, 10:10 AM
الله ككرريم

نووووورة
16-09-2012, 05:06 PM
مدارس " رياض الصالحين " في حيّ السليمانية بحاجة إلى معلمة دين ،
موقع المدرسة بعد سوق لوكلايزر يمين ..
موفّقين بإذن الله ..:h

اي مرحله

طموحا جدا
17-09-2012, 06:58 PM
عاجل مدارس واحه العلم تبي معلمات رياضيات وحاسب جغرافيا انا اليوم كلمتهم وقالولي

طموحا جدا
17-09-2012, 08:33 PM
سوري رياضيات وحاسب سامحوني كتبت جغرافيا بلغط اختي ماوضحت لي

طموحا جدا
17-09-2012, 08:35 PM
انا اقتصاد منزلي تخرجت هذي السنه ابي وظيفه في مدارس وربي تعبت ونفسيتي صايره استغفر الله بس

خالة أجوان
18-09-2012, 06:21 PM
سسسسسسوووري غلطت وجيت عندكم ي جيرااانا ^_^

ع بااااالي داخله منطقتناااا *_*

حلاوي محمد
23-09-2012, 04:18 AM
الرجاء كتابة اسم للمدرسه وموقعها في اي منطقه. بنات اللي تعرف مدرسه أهليه في بريده يرون مدرسة حاسب ياليت تخبرني :w

مسز لاب
24-09-2012, 04:07 PM
السلام عليكم ورحمة الله .. مرحبا بنات
انا من الغربيه والان استقريت بمنطقة القصيم ..وبصراحه مااعرف ابدا اسماء المدارس الاهلية بهالمنطقة ..:eek:
اتمنى منكم اذا تعرفو اي مدرسة ببريده ومحتاجة معلمات تخبروني:c
ومشكووره مقدما ربي يسععدكم ويوفقكم بوظيفه طيبه:w

خذلني التعب
26-09-2012, 11:06 AM
الله يرزقنا

شوويش
26-09-2012, 01:20 PM
مدارس النخبة الاهلية بالخرج بنات القسم المتوسط والثانوي محتاجين علم اجتماع وكيمياء انا رحت اسال فيه وظائف لقسم احياء وسالتني اذا اعرف احد قسمه علم اجتماع وكيمياء وقلت اقولكم يمكن افيدكم دعواتكم

يوزور قطية
29-09-2012, 05:51 PM
بنااااات

الي تعرف اي مدرسة بالقصيم محتاجين كيميا او علوم تعطيني خبر

الدمع حبرالعيوون
30-09-2012, 06:26 AM
صباح الخيرر
بنات الى تعرررف مدارس في الرياض محتاجين دين تقووول لى

هتلر المخاريم
30-09-2012, 10:26 PM
اختي خريجه جامعه قسم لغه عربيه تقدير جيد جدا

هل بتحصل مدرسه اهليه وكيف التقديم

رووضه
01-10-2012, 07:55 PM
بسألكم عن المدارس الاهليه اللي بالقصيم وخصوصا ( المذنب ) عن الاحتياج رياضيات او اذا ممكن أرقام المدرسه بليز الله يخليكم .. ي رب أتوظف :( :(

يوزور قطية
01-10-2012, 08:59 PM
بسألكم عن المدارس الاهليه اللي بالقصيم وخصوصا ( المذنب ) عن الاحتياج رياضيات او اذا ممكن أرقام المدرسه بليز الله يخليكم .. ي رب أتوظف :( :(




المذنب مافيه الا مدرسة وحدة

وللاسف الي وصلني من الي يداومون انه طاارد معلمات ومقفل المتوسط

وصديقتي كانت تدرس هناك رياضيات طرده وحط مصريه بداله


وبالتوفيق

آنثى اليمامه
01-10-2012, 10:48 PM
بنات الله يعافيكم بسال عن زيادة الرواتب بالمدارس الاهلية تشمل الاداريات دبلوم
اختي معها دبلوم حاسب وادارية وخبره 6 سنوات وراتبها ماوصل 2000 :Thumbs_down:

هي بالرياض

رووضه
02-10-2012, 12:31 AM
أووف اللي يعين
طيب شقراء مافيها أحتياج رياضيات والدوادمي أيش المدراس الاهليه الموجوده طيب كيف طريقة التقديم في المدارس الاهليه توي متخرجه وماأعرف حاجه

رووضه
03-10-2012, 02:00 AM
يوزور قطية (http://www.btalah.com/member.php?u=215327) مشكورهه بس بسألك عن المدرسه الاهليه بالمذنب أبتدأئي ومتوسط وثانوي بمجمع واحد ولا كل مدرسه لحاله

يارب اتوظف مليت
03-10-2012, 10:26 AM
بنات الخخخخخخخخرج مافيه احتياج للدين

يوزور قطية
03-10-2012, 08:13 PM
معليش تأخرت سألت صديقتي

ابتدائي لحاله

ومتوسط وثانوي جميع


وبالتوفيق

راحتي في طاعتي
03-10-2012, 08:30 PM
بنات اللي اعرفه انو اللي معاها دبلوم تربوي ترتفع نقاطها بالخدمه المدنية

انا دارسه بجامعة سعود وتخصصي مو تربوي إدارة عامة طبعا
مافكرتوا تاخذون دبلوم تربوي بفلوس حافز

ومن عندها فكرة عن الدبلومات التربوية المعتمده وين تكون ومتى أقرب مواعيدها

سعووديه عاطله
07-10-2012, 09:44 AM
السلام عليكم و رحمة لله وبركاته
ربي يسعدكم
أنا خريجة لغة انجليزية أجيد إستخدام الحاسب الالي والطباعة ،،
أريد وظيفة صباحية أو مسائية ،،
في بريدة أو عنيزة أو بأحد مناطق القصيم القريبة ،،ارجو ممن يجد وظيفة مناسبه لي
مراسلتي ع الخاص
وجزاكم لله خير وأسعدكم في الدنيا والأخرة

الآنسه
11-10-2012, 01:46 PM
مافيه احتياج لغة إنجليزيه بالقصيم ؟؟. :

الله يرزقنا ويرزقكم من بابه الواسع

مفهيه بتركيز
15-10-2012, 12:28 AM
ليش القصيم ناشفه كذا ماعمري سمعت ولا شفت اعلان وظايف وش فيهم ولا وظايفهم من تحت لتحت لناس معينه ومعرووووفه

حلاوي محمد
15-10-2012, 03:16 AM
القسيم وسطات بينهم انا خريجة حاسب مع مرتبة الشرف وبدون ما احمل ولا ماده الحمد لله ذهبت التقديم في مدرسه اهليه وتجاوزت اختبار ما قبل الوظيفه بنجاح وتم قبولي وذهبت للمدرسه ل أباشر مهمتي الوظيفيفه لكن تفاجات بوجود معلمه اخرى مكاني سالت ألمساعده قالت لي بالحرف الواحد ابعديني عن المشاكل ذهبت للمديره قالت لي معها واسطه قلت طيب وانا وش مصيري قالت الله يرزقك بغيرها لكن حسبي الله ونعم الوكيل. اللي تعرف احتياج للحاسب في بريده تخبرني الله يوفقكم

عاطل وعامل
15-10-2012, 11:39 AM
زوجتي معلمه لغه عربيه

تريد مدرسه في بريده

تتدرس اعدادي ومتوسطه

ممكن احد يفيدنا جزاه الله خيراً

طالبه جامعه
16-10-2012, 02:56 AM
الله يرزقنا وياكم من واسع فضله

تخصصي دراسات اسلاميه بتقدير جيد مرتفع
وابحث عن مدرسه ببريده
الي عنده خبر ياليت تفيدني

وفقنا الله واياكم لما يحب ويرضى

سعووديه عاطله
16-10-2012, 09:09 AM
الله يغنينا ويرزقنا بالوظائف الي تسرنا ياااااارب

الآنسه
16-10-2012, 04:30 PM
أمييئيين يإرب .

طيب بالعاده متى أوقات احتياجهم ؟؟

مو معقوله بس بداية السنه :(

أوهام الخيال
16-10-2012, 10:03 PM
فيزززززززززياء اللي يعرف مدرسه محتاجه فيزياء يراسلني (:

الآنسه
17-10-2012, 04:07 PM
مرحبا ،، تكفوووووووون ردوا علي

أنا الحين قدمت ملفي على مدرسه أهليه كذا ماسمعت عندهم احتياج بس رحت أقدم أوراقي بحيث إذا احتاجوني

رحت لهم وعطيتهم أوراقي بعدين قالوا تعالي عندك مقابله وشويت المقابله وعدت الحمدلله بس مأسالت عن النتيجه :( يعني اجتزت وألا لا ماأذري

بعدين قالوا لي متى ماضار احتياج دقينا عليك ..

الحين وش لازم أسوي ! أراجعهم باستمرار ؟؟ كيف يعني أدق عليهم دائما ! أخاف يمسكوني الباب

وكم تتوقعون لازم انتظر :( :( :(

تكفون جاوبوني

كتابي قرأني
17-10-2012, 10:46 PM
مرحبا ،، تكفوووووووون ردوا علي

أنا الحين قدمت ملفي على مدرسه أهليه كذا ماسمعت عندهم احتياج بس رحت أقدم أوراقي بحيث إذا احتاجوني

رحت لهم وعطيتهم أوراقي بعدين قالوا تعالي عندك مقابله وشويت المقابله وعدت الحمدلله بس مأسالت عن النتيجه :( يعني اجتزت وألا لا ماأذري

بعدين قالوا لي متى ماضار احتياج دقينا عليك ..

الحين وش لازم أسوي ! أراجعهم باستمرار ؟؟ كيف يعني أدق عليهم دائما ! أخاف يمسكوني الباب

وكم تتوقعون لازم انتظر :( :( :(

تكفون جاوبوني
اذا احتاجوا يتصلون عليك لأنك لو اتصلتي بيقولون لك نفس الكلام

بسألكم ابي احتياج حاسب ببريدة

الآنسه
17-10-2012, 11:36 PM
الله يرزقنا وأياك
الله يجزاك خير يا (كتابي قراني)

يوزور قطية
18-10-2012, 05:37 AM
كيميا او علوم

اي مدرسه بالقصيم ويفضل بريدة وعنيزة والبدايع


تكفون الي تعرف ترسل لي خاص

جامعيه عاطلةة
23-10-2012, 03:24 AM
معاي بكالريوس إدارة اعمال :(

كيف تقدمون على الاهليات وين يعلنون الاحتياج ...؟
ونبغى مدارس جدد محتاجين إداريات في بريده او عينزه ....!!


لا تبخلون علينا الله يوفقكم ويرزقنا وإياكم ...

لا تنسون قول الرسول صل الله عليهم وسلم :" لايؤمن أحدكم حتى يحب لأخيه مآيحب لنفسه "

خريجة طازه
29-10-2012, 07:58 PM
جامعية عاطلة

المدارس الاهليه قليل يعلنون احتياج ممكن يجيك برودكاست عالجوال بس مايعلنون بشكل رسمي الا نادر انتي اجمعي كم اسم مدرسه اهليه وخوذي اوراقك وسيرتك الذاتية وحطيهم عند المدارس واذا احتاجوا بيدقون وقوقل بيساعدك ابحثي عن المدارس وخوذي الارقام ودقي عشان تعرفين الموقع وحتى لو مافيه احتياج حاليا مايمنع تحطين ملفك .

عنيزه محدوده المدارس شوفي البدايع فيها اعتقد الرواد مجمع ومدرسه ثانيه وبرضو بريده مدارسها اكثر والله يسهل امرك

خذلني التعب
31-10-2012, 01:12 PM
اببببب

خذلني التعب
31-10-2012, 01:13 PM
الله يعين

بنت سعد
12-11-2012, 08:40 PM
الله يعطيكم العافيه تعرفوا مدارس احتياج انجلش بشرق الرياض

خريجه القصيم
16-11-2012, 12:44 AM
السلام عليكم ابغي اسئل عن وظائف معيده في الكلية او ادارية وين اقدم عليه اتمنى وحده تعطيني اجابه كافيه ووافيه

مرسم الآمال
20-11-2012, 09:57 AM
جمعية فتاه البدائع محتاجين موظفات وبعد شهر راح تدخل للموارد البشريه

اللي حابه تقدم تروح لمقر الجمعيه

يوزور قطية
20-11-2012, 05:48 PM
جمعية فتاه البدائع محتاجين موظفات وبعد شهر راح تدخل للموارد البشريه

اللي حابه تقدم تروح لمقر الجمعيه



ياعمري وين مقر هذه الجمعيه !

وفيه لهم رقم للتواصل

او تخصصات مطلووبه


الله يعاافيك ردي

مرسم الآمال
20-11-2012, 10:17 PM
ياعمري وين مقر هذه الجمعيه !

وفيه لهم رقم للتواصل

او تخصصات مطلووبه


الله يعاافيك ردي

مقرهم الجديد في مبنى المعهد العربي سابقا شارع ام سلمه خلف العثيم

وهذا رقمهم/ 063322804

الآنسه
24-11-2012, 01:33 AM
مرسم الآمال ياحبيلك أيش طبيعة الوظائف ؟؟
ومسائي وألا صباحي ؟

مرسم الآمال
25-11-2012, 02:23 PM
مرسم الآمال ياحبيلك أيش طبيعة الوظائف ؟؟
ومسائي وألا صباحي ؟

صباحي من 8 الى الساعه 1 الظهر

يارب اتوظف مليت
29-11-2012, 11:26 PM
بنات الخرج فديتكممم ابيي اعرف احتياج للمدارس الاهليه مو ششششرط التدريس لو اداريه اهم شي اشتغل الله يخليكم
اللي تعرف تقولي

خريجه القصيم
06-12-2012, 09:59 PM
السلام عليكم ابغي اسئل عن وظائف معيده في الكلية او ادارية وين اقدم عليه اتمنى وحده تعطيني اجابه كافيه ووافيه

بنت الوسطى
07-12-2012, 12:03 AM
السلام عليكم ابغي اسئل عن وظائف معيده في الكلية او ادارية وين اقدم عليه اتمنى وحده تعطيني اجابه كافيه ووافيه


^

حبيبتي التقديم على معيدة او ادارية يكون على نفس موقع الجامعة
اذا اعلنت الجامعة عن توفر وظائف اكاديمية او ادارية تقدرين تقدمين عليهم

بالتوفيق :w

طالبة انجلش
08-12-2012, 11:48 PM
السلام عليكم
هل فيه مدرسة في بريدة محتاجة معلمة لغة انجليزية؟

خذلني التعب
13-12-2012, 08:48 AM
************************>>>

خذلني التعب
13-12-2012, 08:52 AM
********>>

عبير السعادة
13-12-2012, 01:12 PM
السلام عليكم
هل فيه مدرسة في بريدة محتاجة معلمة لغة انجليزية؟

وعليكم السلام

مافيه يالغالية روحي حطي اسمك ورقمك عند المدارس الاهليه وان كان فى احتياج يدقون عليك

بس ما اعتقد ماعاد بهالبساطة لان الرواتب الحين 5600 وكل وحده ماسكه وظيفتها خاصه ان مافى احتياج كبير فى الوزاره


انا الترم الى طاف اشتغلت فى مدرسه اهليه فى بريدة وتخصصي انقلش ب1600 وسويت لهم دروس نموذجيه باسم المدرسه وانتظمت ولاغبت وكنت مجتهده بس عشان استمر وادائي الوظيفي ممتاز ومشرفتي تثني علي لكن ما اقول الا حسبي الله ونعم الوكيل اشتغلت الواسطات وراعي المدرسه وظف معارفه والمعلمات الى بس يغيبون هم الى تجدد عقدهم لانهم يعرفون صاحب المدرسه وانا ومعلمه الانقلش الثانيه طردونا وجابو مصريه عشان مايدفع5000 لان اكيد الاجنبيه راتبها قليل وما اقول الا حسبي الله ونعم والله يعوضني خير

اسمعي مني ودوري لك واسطه ان كنتي تعرفين ماعاد التوظيف فى الاهليات سهل مثل قبل

والله يرزقك ويرزقني

طفل يتيم
13-12-2012, 08:34 PM
جمعية فتاه البدائع محتاجين موظفات وبعد شهر راح تدخل للموارد البشريه

اللي حابه تقدم تروح لمقر الجمعيه

وين موقع هالجمعية؟

خريجه القصيم
14-12-2012, 03:48 AM
وين موقع هالجمعية؟

في القصيم البدائع وين بالضبط بالضبط مادري

سعووديه عاطله
18-12-2012, 08:08 AM
السلام عليكم

ربي يسعدكم وييسر اموركم

ممكن أسماء مدارس بريدة أو البدائع أو عنيزة أو البكيريه الاهليه وموقعها ولو حصل ارقامهم ...


الله يرزقنا واياكم بالوظائف الي تسرنا ..

انجلش ندو
31-12-2012, 03:57 AM
مدارس الرواد بالبدائع بدأ التقديم عندهم لكل التخصصات لكن الاحتياج عربي ورياضيات وفنون

بالتوفيق

ملكه النواعم
03-01-2013, 03:19 PM
السلام عليكم ورحمة الله وبركاته
مساء الخيرات جميعاً
ابسالكم ماتدرون عن احتياج الرياضيات في المدارس الاهليه بالرس
او ابتدائي او روضه اي شي
اهم شي اتخلص من هالفراغ اللي ذبحني
اكون شاكره لكم:w

يارب اتوظف مليت
10-01-2013, 06:10 PM
بنات الخرج يسعدكم ربي اللي تعرف احتياج دراسات او روضه ترسسسل ليً خاااااص

سعووديه عاطله
22-01-2013, 02:11 PM
الله يسعدكم مافيه احتياج في مدارس بريدة !!
ودي أقدم عليهم
وين اروح

شوية هدوء
27-01-2013, 03:02 PM
خريجة بكالوريس اللغة الانجليزية وادابها بتقديرجيدجدا+دورة حاسب+دورة تنمية الموارد البشرية
خبره في مجال الاعلام 8سنوات+منتسبة بجامعةلدراسة ماجستيرالقانون

ننتظر الفرج:(

مفهيه بتركيز
28-01-2013, 02:29 AM
يابنات مدارس الغصون الاهليه ببريده محتاجه معلمات احياء وهذا رقمهم 063394032

خريجه القصيم
28-01-2013, 07:27 AM
يابنات مدارس الغصون الاهليه ببريده محتاجه معلمات احياء وهذا رقمهم 063394032



على فكره دقيت عليهم وطلع في الرس مو في بريدة غلطانه

مفهيه بتركيز
28-01-2013, 04:31 PM
على فكره دقيت عليهم وطلع في الرس مو في بريدة غلطانه
سوري بس تراني من الاسياح وتبعد بريده عنا 75 كيلوا عالاقل وادور في مدارسها وظيفه يعني مافيها شي اذا بنات بريده راحوا للرس تراها 5600 ريال موبسيطه :yaa:

خذلني التعب
31-01-2013, 11:28 AM
بكالرويس انجليزي الله يوفقكم اللي تعرف احتياج بالخرج ترسل لي خاص

صمتي حكآيه
01-02-2013, 04:32 AM
مين تعرف .مدرسه اهليه بالرس
محتاجين حاسب ؟ !

بيلسااان
01-02-2013, 09:56 PM
سوري بس تراني من الاسياح وتبعد بريده عنا 75 كيلوا عالاقل وادور في مدارسها وظيفه يعني مافيها شي اذا بنات بريده راحوا للرس تراها 5600 ريال موبسيطه :yaa:



اي تخصص بارك الله فيك اختي الغالية ..

مفهيه بتركيز
01-02-2013, 10:26 PM
اي تخصص بارك الله فيك اختي الغالية ..



لغه عربيه عندك وظيفه لي :c

مليت ادور اسم
02-02-2013, 12:36 AM
تخصصي اعاقه عقليه مافيه احتياج:m

خذلني التعب
02-02-2013, 10:43 AM
بكالوريس انجليزي اللي تعرف احتياج بالخرج ترسل لي خاص الله يوفقكم

آنسه منشن
02-02-2013, 06:23 PM
بنات الله يجزاكم الجنه

اذا تعرفون احد يبي احياء او علوم او مشرفة نشاط او حتى اداريه محتاجتها لاتبخلون علي


طبعا في الخرج

سسلطآن زمآني
03-02-2013, 11:07 AM
لله يوفققككم

طموح ياربي يتحقق
03-02-2013, 04:55 PM
يسعد مساكم ،،

اذا احد يعرف احتياج بمدارس اهليه بالخرج تخصص لغه انجليزيه يخبرنا الله يعافيه

خريجة طازه
03-02-2013, 08:12 PM
مافيه حاسب بأي مدرسه بالقصيم

سعووديه عاطله
05-02-2013, 10:12 AM
ربي يسعدكم

الله يرزقنا وياكم ويغنيينا من فضله

اذا تعرفون احتياج لغة انجليزيه ببريدة او عنيزة او مشرفة نشاط او حتى اداريه

ياليت تخبروني

وربي ييسر اموركم ويغنيكم

أنآآآ جيت
06-02-2013, 05:10 PM
السلام عليكم ورحمممة الله وبركاته



يابنات انا دراااسات اسلامييييييييه الي تعرف بالقصيييم مدرسه اهليه محتاجه معلمة دراسات ياليت تقولي انا بنتظار ررد:m:(:z


جزاكم الله عني كل خيييييييييييييييييير:m

بدور بنت عبدالله
06-02-2013, 05:58 PM
حبيباتي أنا خريجة بكالوريوس. ابي اي وطيفة بالخرج. معلمة او مراقبة. او ادارية. تكفون طالبتكم :c

خذلني التعب
07-02-2013, 12:52 PM
بكالوريس انجليزي اللي تعرف احتياج بالخرج ترسل لي خاص الله يوفقكم

سعووديه عاطله
07-02-2013, 02:22 PM
بنات الله يسعدكم
ممكن تدلوني على احياء مدارس بريده الاهليه ؟

خذلني التعب
08-02-2013, 12:21 PM
الله يوفقنا

دمعه غرور
08-02-2013, 11:39 PM
بنات انا من بريده

ودي بوظيفه بمدرسه اهليه

قسم الاقتصاد منزلى يقبلونى او لا

والراتب حق الامر الملكى او كيف

خذلني التعب
10-02-2013, 12:55 PM
بالتوفيق

طفششانه
12-02-2013, 07:48 AM
السلام عليكم جميلاتي ، انا من الرياض عندي بكالوريوس تخصص دعوه ابي وظيفه :(

توكلت على ربي
21-02-2013, 06:45 AM
بكالوريس انجليزي اللي تعرف احتياج بالخرج ترسل لي خاص الله يوفقكم

+1 :cry:

خذلني التعب
21-02-2013, 12:45 PM
يالله التوفيق

روووح مغليها
26-02-2013, 02:43 PM
انا تخصصي تربية خاصة مسار اعاقه سمعيه
وعندي خبره ترم معلمه رياض اطفال في روضه
ابيك تدلوني على اي مدرسه او روضه او مركز اقدر اقدم فيه في بريده
كل الروضات اللي رحتلها مكتفيه ما يحتاجوون :c
بلييز اللي تعرف اي روضه او مركز ما تقصر معاي ولها مني احلى دعوه
الله يجزاكم بالخير

خذلني التعب
26-02-2013, 07:44 PM
موفقين

روووح مغليها
27-02-2013, 10:11 PM
يا ليت لو في وحده تنزلنا اسماء واماكن الروضات الأهلية في بريده

بسمة الشووق
13-03-2013, 02:01 AM
صصصصصباح الخير :ash:

انا تخصصي رياضيات جيد جدا ومعي دورة اعمال مكتبية :m
ياليت اللي تعرف مدرسة اهلية محتاجين معلمه او ادارية:m
كتبت معلوماتي هنا عل وعسسسسسسى الاقي وظيفة تكسر روتيني واحتياجي لاثبات ذاتي :m
يارب ياكرررريم
املي بالله ثم فيكم كبير :w

وضح النقى
16-03-2013, 04:07 AM
بسمة ليش ماتقدمين على البنوك تخصصك وتقديرك حلوين ماشاءالله
شوفي هالرابط فيه جميع ارقام المدارس دقي عليهم واسألي
http://www.btalah.com/dalil/cat14.html

بنات ودي اصير اداريه بمدرسه لازم دورات حاسب ولا عادي لاقلت عندي خبره بس؟

اشواق آل خالد
16-03-2013, 05:51 PM
ممسسساء الخخير :)
حبيت استفسر اذا فيه وظاائف في مدارس أهليه في بريده او لا .. ؟..
وايضاا من نعرف متى يبدا التقديم على وظائف الجامعه :(


-- انتظركم فوتكم بعافييه :)

عطر السندريلا
16-03-2013, 11:03 PM
بما انك تبين عمل اداري اختي وضح النقى شنو تخصصك

وضح النقى
17-03-2013, 05:08 AM
عطر انا جغرافيا بس عندي خبره باالحاسب وبرامجه

بسمة الشووق
17-03-2013, 05:56 PM
مشكووووره وضح النقى
سجلت بالبنوك بس كله عن طريق النت وماجاني رد
باستثناء بنك الرياض راجعتهم بس لا حياة لمن تنادي

وضح النقى
18-03-2013, 09:39 AM
العفو بسمة شوفي هالاعلان هنــا (http://*****.com/show-sector-31683356.html)

بسمة الشووق
19-03-2013, 02:38 AM
مافتح معاي يا وضح
وش كان فيه؟؟؟؟

وضح النقى
19-03-2013, 11:00 AM
كان فيه اعلان مطلوب محاسب ببنك الرياض والتقديم من هنا http://careers.riyadbank.com/ar/login/
الله يوفقك يارب

حصصصه ءءء
26-03-2013, 06:59 AM
السلام عليكم :')

أنا بكالوريوس تاريخ ياليت اللي تعرف احتياج ترسل لي خاص
أو أداريه أو اي شي :"(

انتظركم

سمو الرووح
30-03-2013, 08:30 AM
أنا خريجة بكالوريوس رياضيات ابتدائي
ساكنه بالرياض فالشفا تكفوووون اذا فيه مدارس اهليه محتاجه بلغوني ويفضل تكون بجنوب الرياض

مالي دخل
30-03-2013, 04:30 PM
أِلًسّلًأًمً عُلّيًڳِمُ ۇۈۉرِحّمًة أًلَلُﮭ وًيٌرُڳًأٌتُهَ

‏​ٱ‏​نـِْ♡̨̐ـِْا بكالريوس لغة عربية مدينة الخرج اذا فيه مدارس محتاجه ‏​فـ♡ـي نفس المنطقة ياليت ترسلون لي
وكذالك بكالريوس تاريخ اختين لوفي مدارس محتاجه
شاكرين لكم حسن تعاونكم

سرئ البارق
31-03-2013, 01:55 PM
:rolleyes:بالتوفيق للجميع

موظفة سابقاً
01-04-2013, 05:24 PM
:



مدارس منارات الرياض تقوم اليوم بتعيين الفوري للمعلمات مهما كانت الدرجه التعليمية لجميع التخصصات
وجميع الفروع وخاصه قسم الانترناشونال بسبب هروب المعلمات الاجانب لمخالفتهم انظمة الجوازات



الرواتب 5600



" الخبر من موظفة في المدرسة نفسها"



وبتوفيق للجميع.../":)

:

حصصصه ءءء
02-04-2013, 01:37 AM
طيب بسالك متوسط ولاثاتوي ولا ابتدائي

ياليت توضحين
بعدين اقدر اقدم من النت ولا لازم أروح لهم


بانتظارككك .........

يارب أكتب لنا اللي فيه الخير

الدعوة الصادقة
02-04-2013, 07:25 AM
مدرسة بالرياض مخرج 9 بحاجة معلمات
التخصصات التالية :
(رياضيات - علوم - عربي - حاسب - انجليزي - صفوف أولية - رياض أطفال )
الرواتب 5600
المراحل ( ابتدائي - ورياض أطفال )


الرجاء إرسال السيرة الذاتية على الايميل التالي :
bro-hno-12@hotmail.com

كتابي قرأني
02-04-2013, 01:50 PM
بنات هذا الموضوع لمدارس المنطقة الوسطى مثل القصيم والخرج
الرياض له موضوع مستقل فيه

يارب اتوظف مليت
03-04-2013, 04:35 AM
^
صح للخرج الموضوع بسس وربي ما عمري شفت وظائف في الخرج ومعلن عنها

الله كريم .

الآنسه
03-04-2013, 11:48 AM
نبي بالقصييييييييم

توكلت على ربي
05-04-2013, 03:24 AM
بننننننننننننننات ايش اسماء المدارس في جنوب الرياض وياليت الارقام ويعطيكم العافيه

موظفة سابقاً
06-04-2013, 09:20 AM
طيب بسالك متوسط ولاثاتوي ولا ابتدائي

ياليت توضحين
بعدين اقدر اقدم من النت ولا لازم أروح لهم


بانتظارككك .........

يارب أكتب لنا اللي فيه الخير




"



والله ماعندي خلفيه ما ناقشتها .../ لاني مو مهتمه كثير لان انا شهادتي مو بكالوريوس تربوي


ادخلي النت إذا لهم شي قدمي

الله وفقك ويسهل امورك ويكتب لك الي فيه الخير



:)


"

لملم جرووحك
06-04-2013, 01:00 PM
السلام عليكم

بكالرويس لغه عربيه
اللي تعرف احتياج مدارس
في الرس او المذنب او من هل مناطق القريبة لا تبخل علي

يكفيني من اناا
09-04-2013, 05:22 PM
بنااات سمعت ان المدارس الاهليه بيفصلون كل المعلماات الغير سعوديات فيهاا
مادري صح الخبرر من عدمه
وياليت اي وحده تعرف مدرسه اهليه محتاجه معلمه تخصص اقتصاد تغذيه او فيزيا تقوولي ومشكوررره

توكلت على ربي
10-04-2013, 08:10 PM
الخرج ابدا بيضلون طوووووووووووووووووووووووووول العمر مافي احتياج

نعومة ودلوعة
12-04-2013, 11:43 PM
بالقصييييييييم تخصصي اقتصاد منزلي بلللليز ساعدوني ابغي وظيفة بالمدارس اي وظيفة ادارية مساعدة تخصصي تغذية او بالمستشفياااات جد ملللليلليييييييت بالبيت

عربية أنا
13-04-2013, 12:26 AM
بالقصييييييييم تخصصي اقتصاد منزلي بلللليز ساعدوني ابغي وظيفة بالمدارس اي وظيفة ادارية مساعدة تخصصي تغذية او بالمستشفياااات جد ملللليلليييييييت بالبيت

إذا تخصصك تغذية سجلي بالوطنية يحطونك مشرفه
بالمصنع حقهم

سعووديه عاطله
16-04-2013, 12:09 PM
ربي يسعدكم

الله يرزقنا وياكم ويغنيينا من فضله

اذا تعرفون احتياج لغة انجليزيه ببريدة او عنيزة او مشرفة نشاط او حتى اداريه او اي مركز او معهد ؟؟
انا اجيد استخدام الحاسب الالي ...

ياليت تخبروني

وربي ييسر اموركم ويغنيكم

حفيدة فيثاغورس
16-04-2013, 10:39 PM
مساء الخير
ربي سعدكم جميعاً
ويكتب لنا الوظائف المناسبة
اتمنى منكم لو سمعتوا عن وظائف تخصص رياضيات
في اي منطقة من مناطق القصيم تخبروني بليز
وربي لكم دعوه من قلبي
محتاجه الوظيف اللي بتساعدني وربي بتفك ازمة
وكلن بيدعي لها بليز اي وحده تسمع لو البدائع الرس المذنب البكيريه بريده عنيزه
وشكراً لكم مقدماً :(

خريجة طازه
19-04-2013, 03:27 PM
سعودية عاطله ابحثي عن ارقام المعاهد بالنت ودقي عليهم او روحي لهم شخصي حطي اوراقك شوفي بهاء الخليج بعنيزه

سعووديه عاطله
20-04-2013, 11:20 PM
سعودية عاطله ابحثي عن ارقام المعاهد بالنت ودقي عليهم او روحي لهم شخصي حطي اوراقك شوفي بهاء الخليج بعنيزه



مشكوووووره ربي يسعدك ويرزقك :h

قدمت عليهم وقالوا خلاص ندق عليك :eek: ولا دقوا ولا شيء

الله يرزقنا من واسع فضله :w

وضح النقى
21-04-2013, 03:18 PM
ابي وظيفه لو راتب الفين عادي طفشت من البيت والله زهقت من مقابل الجدران :(

كارزيما
29-04-2013, 07:54 PM
لكل وحده تبي تتوظف في مدارس اهليه

انا اقول لكم سجلوا بداية شهر عشره .. مع عوده المدارس

في كثير معلمات تنهى عقودهم هالشهرين القادمه


سجلوا وخصوصا بالرس في شاغر بيكون كثيرررر

وربي يوفقكم يارب

ويرزقكم المدرسة اللي ماتظلم حقوقكم

وموفقين يابنات

كارزيما
29-04-2013, 08:01 PM
بنات ودي اصير اداريه بمدرسه لازم دورات حاسب ولا عادي لاقلت عندي خبره بس؟




هلا اختي / انا توظفت اداريه
ومامعي ولاشهاده حاسب وتخصصي ليس حاسب

واشتغل على حاسب .. وانا لي مهاراه بالحاسب واصمم وكذا يعني افهم بالحاسب الالي

وقبولي تم من المقابله الشخصيه واثبت لهم اني قادره امسك الشي واحسن فيه

وربي يوفقك

لذلك في مدارس تفكر بالشهادات ويكون اصحاب الشهادات على قولتهم وعذراً : من جنبها
ومدارس تعتمد على المقابله وشخصيه المتقدمه بغض النظر عن دوراتها و و و و الخ

وفالك التوفيق والجميع يارب

فوضت امري لربي
29-04-2013, 09:18 PM
السلام عليكم ورحمة الله وبركاته

مليت من القعده في البيت والفراغ أبي وظيفه تشغلني وتسليني

وفكرت أتوظف في مدرسه أهليه ( مدرسه /إداريه)

( معي شهادة بكالوريوس/ تخصص .. القرآن الكريم والدراسات الإسلاميه)

أهم شي إني اتوظف لو بدون راتب في مدرسه أهليه بالخرج

بس كلام البنات يخوف ..

بعضهم مايمدحون البنات ، وبعضهم ما يمدح المديرات

لدرجة أن بعضهم يقولون يشخطون على ملفاتهم ويشوهون سمعتهم ويتدمر مستقبلهم

وهذا السبب اللي يخوفني ويخليني أتردد ولا أروح أقدم

وقلت مافيه إلا خواتي اللي في المنتدى استشيرهن وما خاب من استشار

الكلام صدق أو لا؟؟

كارزيما
02-05-2013, 08:21 PM
السلام عليكم ورحمة الله وبركاته

مليت من القعده في البيت والفراغ أبي وظيفه تشغلني وتسليني

وفكرت أتوظف في مدرسه أهليه ( مدرسه /إداريه)

( معي شهادة بكالوريوس/ تخصص .. القرآن الكريم والدراسات الإسلاميه)

أهم شي إني اتوظف لو بدون راتب في مدرسه أهليه بالخرج

بس كلام البنات يخوف ..

بعضهم مايمدحون البنات ، وبعضهم ما يمدح المديرات

لدرجة أن بعضهم يقولون يشخطون على ملفاتهم ويشوهون سمعتهم ويتدمر مستقبلهم

وهذا السبب اللي يخوفني ويخليني أتردد ولا أروح أقدم

وقلت مافيه إلا خواتي اللي في المنتدى استشيرهن وما خاب من استشار

الكلام صدق أو لا؟؟



هلافيك أختي

حمدلله من يقول هالكلام .. ؟

مايقوله الا اللي عايش بوهميه زياده وقلق من النجاح

لا انا اقولك يالغاليه انا اداريه بمدرسة اهليه

اول شي لاتقولين لو بدون راتب .. !

انتي بنت البلد ولازم يكون لك راتب وماتشتغلين وتكرفين لعيون أحد

والاهم النيه الزينه والجديه بالعمل

ثانياً / وش اللي يشوهون سمعتك

اولاً المدارس الاهليه ماتاخذ شهاداتك الأصل ..

ولا تعطينهم الا الصور ومايحق لهم يحتفظون بالاصل ابد

ومايقدرون يشوهون سمعتك من لاشئ . .

اهم شي لاكنتي مدرسه انتبهي من الاشتباك مع البنات سواء بالالفاظ مثل ( قليله أدب ,, الخ )

لان بنات هالايام صاروا يدققون بالكلام من المعلمه وعشان ماتبلشين مع اولياء الامور

وغيره ماعليك من اي كلام

قدمي وتوظفي وطالبي بحقك بدخول الموارد وخليك حريصه على حياتك

وربي يوفقك يارب ويرزقك من فضله

:w

فوضت امري لربي
02-05-2013, 09:09 PM
أشكرك من كل قلبي

أتصدقين كنت متحطمه لكن بعد كلامك صرت متفائله

وكلامك بصراحه ريحني وتحمست ان شاءالله بقدم وعساهم يقبلوني

الله يوفقك ويسعدك ويفرج همك ويجزاك خير:w:h

كارزيما
02-05-2013, 11:20 PM
أشكرك من كل قلبي

أتصدقين كنت متحطمه لكن بعد كلامك صرت متفائله

وكلامك بصراحه ريحني وتحمست ان شاءالله بقدم وعساهم يقبلوني

الله يوفقك ويسعدك ويفرج همك ويجزاك خير:w:h

هذا اللي نحتاجه شوي تفائل

وشهادتك الف يتمناها .. ولاتستهيني بنفسك

حنا لولا الظلم في الوظائف المدنيه .. كان الحين رافعين اجيالنا

ومؤهلين للتطوير أكثررر

الله يوفقك

كلي ثقة بالله
07-05-2013, 09:30 PM
السلام عليكم ورحمة الله وبركاته

مليت من القعده في البيت والفراغ أبي وظيفه تشغلني وتسليني

وفكرت أتوظف في مدرسه أهليه ( مدرسه /إداريه)

( معي شهادة بكالوريوس/ تخصص .. القرآن الكريم والدراسات الإسلاميه)

أهم شي إني اتوظف لو بدون راتب في مدرسه أهليه بالخرج

بس كلام البنات يخوف ..

بعضهم مايمدحون البنات ، وبعضهم ما يمدح المديرات

لدرجة أن بعضهم يقولون يشخطون على ملفاتهم ويشوهون سمعتهم ويتدمر مستقبلهم

وهذا السبب اللي يخوفني ويخليني أتردد ولا أروح أقدم

وقلت مافيه إلا خواتي اللي في المنتدى استشيرهن وما خاب من استشار

الكلام صدق أو لا؟؟

لو تبين شوري روحي لحكوميه متعاونه افضل لك من الاهليات او بديله السنه الجايه بيفتحون القبول فيها تروح تقدمين عند مكتب الاشراف بالمدينه اللي انتي فيها بالتوفيق :w

فوضت امري لربي
09-05-2013, 09:14 PM
شكرًا على النصيحه

الله يوفقك ويبارك فيك:w

فتاة عاطله
12-05-2013, 08:20 PM
السلام عليكم
الئ بنااات الرس
متئ التقديم على مدارس الرشاد والغصون
اللي عندها خبر ياليت تفيدني

ام فارسا
18-05-2013, 03:17 AM
السلام عليكم انا اختكم راح اتخرج الاسبوع ذا قسم درسات اسلاميه محتاجه
اي وظيفه بقطاع اهلي ب اي مسمى في القصيم
رجاء محتاجتها الله يوسع عليكم

يارب اتوظف مليت
18-05-2013, 04:23 PM
بنات الخرج ابيي وظظظظظظظظظظظظظظظظظظظظظظظظظظظيفه وربي مليت من جلسة البيت ابيي اشتغل اللي تعرف ترسسسل لي

فتاة عاطله
20-05-2013, 05:36 AM
بنات اي وحده تقرا عن وظائف بمدارس اهليه تنزلها هنا
عشان نساعد بعض
بنات القصيم والرس بالذات اللي تعرف مدرسه اهليه محتاجين علوم او احياء ترسل لي خاص او تكتب هنا

عشووقة
21-05-2013, 06:07 AM
بنــآآت .. الحين اللي متعثرة بقياس
ماتقبل لآ بمدارس اهلية / ولآ حتى متعاونه او بديلة بالحكومية !

صح والا لا ؟!

نونا الفيزيائيه
26-05-2013, 03:22 AM
https://m.facebook.com/profile.php?v=feed&id=100003793560608&__user=100005424515069

مدارس فرسان الجزيره الاهليه بالخرج تعلن عن وظايف
شوفو الرابط وقدمو

نووريا
27-05-2013, 03:13 AM
https://m.facebook.com/profile.php?v=feed&id=100003793560608&__user=100005424515069

مدارس فرسان الجزيره الاهليه بالخرج تعلن عن وظايف
شوفو الرابط وقدمو

السلام عليكم ينفع اقدم وانا مااستلمت الوثيقه؟؟

كتابي قرأني
27-05-2013, 03:36 PM
ابي ارقام مدارس بريدة

شوويش
30-05-2013, 01:31 PM
السلام عليكم ينفع اقدم وانا مااستلمت الوثيقه؟؟
اهلين يابعدي ايه يقولون عادي تقدرين تقدمين فالفرسان بس اهم تسوين لك سيرة ذاتية وتوقعي فيها كم المعدل والتقدير وجيبيها معك فالتقديم والله يكتب لنا اللي فيه الخير يارب

عشووقة
30-05-2013, 01:52 PM
بنــآآت .. الحين اللي متعثرة بقياس
ماتقبل لآ بمدارس اهلية / ولآ حتى متعاونه او بديلة بالحكومية !

صح والا لا ؟!

ليه محد يرد ! :m

الجوهره القصيم
03-06-2013, 09:07 PM
بنات الله يسعدكم متى التقديم على المدراس الاهلية بالرس !!!

رتيل الحلوه
12-06-2013, 10:59 PM
كيف الاقديم على مدارس الموسوعة بالخرج !!!!!أرجو الرد

رتيل الحلوه
13-06-2013, 06:08 AM
ماحديرد 😭

ميمو الحلوه
15-06-2013, 04:07 AM
بنات انا توي ناقله للسليل مع زوجي بحكم عمله ، هل فيه مدارس اهليه او غيره
ابي وظيفه انا خريجة رياضيات بكالوريوس وقابله بأي وظيفه زينه واهم شي فتره وحده صباحيه

وآثقه بربي
15-06-2013, 04:15 AM
كيف الاقديم على مدارس الموسوعة بالخرج !!!!!أرجو الرد

روحي لهم او ارسلي السي في على الايميل او الفاكس حسب وسيلة الاواصل اللي هم محددينهاا بس الافضل تروحين
تعبين طلب توظيف ،

موفقه ودعوااااتك :w

وآثقه بربي
15-06-2013, 04:17 AM
ليه محد يرد ! :m

المدارس الاهليه م تسسسأل عن قياس بس الحكوميه م عندي خلفيه

اتمنى افدتك موووفقه ودعواتكك :w

فووشي
15-06-2013, 08:36 AM
صباح الخير
بنات الخرج الله يرضى عليكم فيه احد قدم على مدارس الجامعه واتصلوا فيها ؟!!

رتيل الحلوه
16-06-2013, 12:15 AM
روحي لهم او ارسلي السي في على الايميل او الفاكس حسب وسيلة الاواصل اللي هم محددينهاا بس الافضل تروحين
تعبين طلب توظيف ،

موفقه ودعوااااتك :w

شكراً حبيبتي 💖الله يسعدك ..عندك الأيميل رحتي قدمتي عندهم

فووشي
16-06-2013, 09:50 PM
صباح الخير
بنات الخرج الله يرضى عليكم فيه احد قدم على مدارس الجامعه واتصلوا فيها ؟!!

احد يجاوب الله يرضى عليكم :ash:

وآثقه بربي
19-06-2013, 04:45 AM
شكراً حبيبتي 💖الله يسعدك ..عندك الأيميل رحتي قدمتي عندهم

لا والله مو عندي بس في موقع اسمه جيران ابحثي فيه هو بمثابة دليل

الله يوفقك :w

دمعه غرور
20-06-2013, 02:18 AM
متي نقدم علي المدراس الاهليه بالقصيم


متي الوقت المناسب للتقديم على المدراس

رفيف الماء
22-06-2013, 05:58 AM
بنات احد ردوا عليها الفرسان الاهلية بالخرج بالقبول النهائي

تاهت الخطوة
24-06-2013, 05:40 AM
يعطييكم العافييه

وضح النقى
26-06-2013, 05:46 AM
بنات متى نقدم على المدارس الاهليه؟

خوله ابراهيم
04-07-2013, 01:05 AM
السلام عليكم
بعد مانزل الاحتياج اللي يجيب الجلطة

انا خريجة تربية خاصة صعوبات تعلم بالقصيم ممتاز مرتفع مع مرتبة الشرف الاولى المهم اني ابي وظيفة لو بجمعية او مدرسة اهلية ياليت اللي يعرف مدارس اهلية ببريدة محتاجين صعوبات تعلم يعطين خبر الله يرزقكم من واسع فضلة

شوويش
04-07-2013, 04:14 PM
بنات احد دق عليه مدارس الفرسان الأهلية بالخرج بعد الشرح؟؟!

آنسه منشن
13-07-2013, 03:51 AM
صباح الورد
بنات اللي تعرف معلمات او طالبات يروحون من الخرج للرياض ويبغون نقل او معهم نقل ياليت تخبرني

أثيررر
18-07-2013, 10:26 PM
مساء الخيـرر

بنات متى التقديم على المدارس الأهلية ؟؟

انوار السبيعي
20-07-2013, 02:41 AM
ابي وظايف اداريه في مدارس الخرج
الي تعرف مدارس لها احتياج اداري ي ليت ترد

آنسه منشن
27-07-2013, 08:07 PM
مسائكم سعاده وراحة بال
الله يرزقنا بالوظايف الحكوميه وجنب بيوتنا يارب
بالنسبه للفرسان للحين ماردوا يقولون بداية عشره ان شاء الله
أما تقديم المدارس أغلبها كان توقيع عقودهم بشهر ثمانيه بس روحوا اول اسبوع من عودة المعلمات ان شاء الله ربي يكتب لكم الخير

فراشةالرياض
04-08-2013, 04:39 AM
السلام عليكم كيف الحال
فراشة جديدة معكم ^^
الي تعرف مدارس بحي السويدي ويحتاجون الى معلمات دين تخبرني الله يجزاكم خير وبتوفيق للكل ^^

حكآآيآ
18-08-2013, 11:46 PM
أبي مدآرس بحي الشفآ ( جنوب الريآض )
من سمعتوآ أنهم يبون معلمات إنجلش ؟!

رتيل الحلوه
19-08-2013, 09:00 AM
ياليت تعطونا أسماء المدارس المحتاجه في الرياض وخصوصابالجنوب ..أتمنى التفاعل

دمعه غرور
20-08-2013, 03:53 AM
متي المدراس الاهلية تستقبل الملعمات

مو معقوله نقدم اول اسبوع ولا يشملنا شي

وش السالفة

عبدالله بن صقر
20-08-2013, 08:49 AM
وين احتياج القصيم ولا كلها واسطة

آنسه منشن
20-08-2013, 05:20 PM
بنات مافي مدرسه تعلن عن احتياجها الا اذا كانت مراا مضطره ومو لاقيه التخصص اللي تبيه :Thumbs_down:
انا جهزت سيرتي الذاتيه وحضرت درس ورحت لخمس او ست مدارس ندخل الحواري ونفرفر فيها اي مدرسه نلقها ادخلها إذا عندهم احتياج يخلوني اشرح :tsfiq:واللي ماعندهم قضبوني الباب :q

المووهم كل مااجي مدرسه نسأل الحارس عن المدارس القريبه منها وخلصت وانا مهدود حيلي
والحمدلله ربي كتب لي اوقع عقد انا واختي وصديقتي وراح نباشر الاسبوع الجاي
اللهم لك الحمد :wa
اللي ابي اوصله لكم اللي يبي الرزق يسعى له:w:w:w:w:w
ولاتجلسون بالبيت وتقولون البنات بيعلمونا أغلب البنات تبدي صديقاتها واهلها :eek:
شدوا الهمه هالاسبوع وروحوا فرفروا:h:h:h:h:h:h:h:h:h

الله يكتب لكم اللي فيه الخير :)

رتيل الحلوه
20-08-2013, 10:05 PM
الله يووفقك ي آنسة ..وين نفر تقصدين الرياض وياليت تخبرينا بالمدارس المحتاجه اذا تعرفين

آنسه منشن
21-08-2013, 04:20 PM
تعلن مدارس الابتهاج الاهلية بالرياض حاجتها الى معلمات سعوديات "عربي- انجليزي - رياضيات - علوم - صفوف أولية - محاسبة وادارة معا, ت:4881610


وظائف تعليمية شاغرة بمدرسة أهلية بـ #الرياض - رجال ,نساء,ترسل الطلبات على ورقة واحدة على فاكس / 0112315130

سميرا
21-08-2013, 07:53 PM
بالتوفيق

آنسه منشن
22-08-2013, 05:40 AM
مدارس النخبه بالخرج محتاجه معلمة لغة عربيه

فتاة عاطله
23-08-2013, 10:39 AM
انا قدمت علئ موقع مدرستين بالرس
ويوم الاحد بأخذ أوراقي واروح لهم
ابغئ اعرف الرواتب خلاص ثابته 5800
حتئ مرحلة التمهيدي والروضة!
بنات الرس لازم احضر درس ولا اروح كذا

الآنسه
23-08-2013, 02:45 PM
^^^

فتاة عاطلة هم نادوك والا انتي بتروحين لهم من نفسك ؟؟

انتي خليك جاهزه جهزي لك درس وتجهيز لأسئلة المقابلة :)

خريجة جامعة
24-08-2013, 04:49 AM
يابنات من تعرف مدارس في القصيم ؟؟؟؟


او من تسال لراحت عن تخصص المكتبات


او الي تعرف ارقام تراسلني على الخاص

شوويش
25-08-2013, 04:30 AM
بنات في رسالة منتشرة عن طريق الواتس اب ان مدارس الفيصلية بالخرج تحتاج معلمات
تخصص فيزياء وانجليزي وكيمياء وحاسب بس الله يرضى عليكم احد يعرف وين هالمدرسة بالضبط فالخرج ؟؟
والا رقم لها؟؟

رتيل الحلوه
25-08-2013, 06:56 AM
أول مره أسمع فيها ..الله يرزقنا خير

أنآآآ جيت
25-08-2013, 09:43 PM
فتاة عاطله. وش الموقع الي قدمتي عليه بقدم



وجزاك الله خير مقدما

حلم خريجة
27-08-2013, 07:22 AM
الله يسعدكم فيه احتياج بالمدارس الاهلية بالخرررررج

نونوخالد
27-08-2013, 09:31 AM
بنات الخرج مافي مدارس اسمها مدارس الفيصليه جاني برودكاست الي تراجع عند الاستاذه مدري مين طلعت بالدمام

خلمي توظيف
27-08-2013, 09:49 AM
بنات الخرج وين مدارس العالميه بالخرج

يوفنتيني
27-08-2013, 01:05 PM
بنات في رسالة منتشرة عن طريق الواتس اب ان مدارس الفيصلية بالخرج تحتاج معلمات
تخصص فيزياء وانجليزي وكيمياء وحاسب بس الله يرضى عليكم احد يعرف وين هالمدرسة بالضبط فالخرج ؟؟
والا رقم لها؟؟

حسب ماوصلني
المدرسة في حي الفيصلية قريبة من حجز مرور الفيصلية

يوفنتيني
27-08-2013, 01:07 PM
بنات الخرج وين مدارس العالميه بالخرج

شارع الستين باتجاه المرور بيجيك حرف T تدخلين معه يمين

المدرسة في المنطقة هذي وقريبة مرة بس بالظبط بالظبط ما أقدر أفيدك

أختي قدمت عليهم اليوم وقالتلي انها في المنطقة هذي

بالتوفيق للجميع

وضح النقى
27-08-2013, 06:48 PM
بنات لارحتوا تقدمون تكشفون وجيهكم ولاتعطونهم الاوراق وتمشون وهل اخذ معي صور لشهادتي ولابس ورقه السيره الذاتيه

شذى القصيم
28-08-2013, 12:17 AM
كما وصلني عبر الواتس اب (لا أعلم عن المصداقيه)
مدارس عنيزه الاهلية تتطلب معلمات للتخصصات التاليه :
دراسات اسلاميه،لغة عربية،انجليزي ،حاسب الي ،علوم ،اقتصاد منزلي
براتب/٥٦٠٠




من تعرف مدارس بالقصيم محتاجين معلمات علم نفس ؟؟؟؟؟

وضح النقى
28-08-2013, 12:39 AM
بنات بريدة ابي وظيفه بمدرسه اهليه موشرط تدريس عادي اداريه الله يسعدكم اللي تعرف مدرسه تبي جغرافيا او اداريه تقووووول

أنآآآ جيت
28-08-2013, 01:31 AM
شذى القصيييييم تعرفين اسم المدرسة او رقمها. افيديني ربي يسعدك

أنآآآ جيت
28-08-2013, 01:35 AM
كما وصلني عبر الواتس اب (لا أعلم عن المصداقيه)
مدارس عنيزه الاهلية تتطلب معلمات للتخصصات التاليه :
دراسات اسلاميه،لغة عربية،انجليزي ،حاسب الي ،علوم ،اقتصاد منزلي
براتب/5600




من تعرف مدارس بالقصيم محتاجين معلمات علم نفس ؟؟؟؟؟









شذى بنتظار ردك. ابي رقمهم او اسم المدرسة لك خالص الشكر

شذى القصيم
28-08-2013, 03:49 AM
شذى بنتظار ردك. ابي رقمهم او اسم المدرسة لك خالص الشكر



سوري على التاخير ،للاسف مااعرف شي عنها مجرد رساله وصلتني ونسختها لكم

اميرة فيصل
02-09-2013, 02:13 AM
السلام عليكم
انا خريجة انجليزي ابي واتمنى وظيفة في جنوب الرياض او الخرج
ماعندي مشكلة اي مرحلة
اللي يعرف لا يبخل
شكراً :w

فتاة عاطله
02-09-2013, 06:23 AM
امس المغرب أرسلوه لي مدرسه اهليه اني مرشحه عندهم وطلبو مني احضر درس
هل لازم اسوي عرض بربوينت ولا اكتفي بوسائل بسيطه
وش اركز عليه اكثر شي
ينفع تحضير جاهز
الدرس عن تركيب الجهاز العصبي كيف اخلي البنات يتوصلون لعنوانه ابغئ فكره الله يجزاكم خير
لان بكرا موعد الدرس وانا مره محتاجه هالوظيفه