اختبار الكفايات....ارجوا المسآعده ضروري

ريوود الرياض · #1 (**permalink**) 04-06-2011, 11:23 AM

السلام عليكم ورحمة الله وبركاته

صبحكم او مسائكم الله بالخير ياحلوووين كيفكم عساكم طيبين

ندخل بالموضوع انا متخرج من كليه الاتصالات بالرياض ومعدلي كويس

وقالونا قدموا ع شركه الكهرباء تقبل بس شرط تعدي آختبار الكفايات الي بشهر 8 الجاي

ياخواهني انا احترت ماعرف وش هالاختبار ولا ادري وش طريقته بحثت بكل شي لكن ماحصلت

تكفون الي يعرف عن الاختبار يفيدنا وربي ضايقه فيني الدنيا ابي وظيفه وربي تعبت جاني ضغط نفسي

وودي انجح فيه ابي اساعد اهلي لاني وربي تعبتهم كثير

انا جيد بالانجليزي لكن ابي احد له معلومه او يعرف طريقته او له كتب لاني رحت جرير ماحلصلته كتاب

ربيييييييييييييييي يوووووووووووووووووووفققكم ادعوولي ريووود

ابي ردود سنعه بيض الله وجيهكم والله يسسعد كل من يقرا ويرد ع موضوعي

ريوود الرياض · #2 (**permalink**) 04-06-2011, 08:25 PM

افا ويينكم

غدا يوم آخر · #3 (**permalink**) 05-06-2011, 02:33 AM

ينقل للقسم المخصص
ان شاء الله يجي من يفيدك

الموج الازرق جاك · #4 (**permalink**) 05-06-2011, 02:53 AM

أخوي .
ادخل على موقع قياس وبتلاقي مواعيد الاختبارات
على فكرة التسجيل بدأ من اسبوع وينتهي في 15 / 7 / 1432 هـ

وبتلاقي نماذج لاختبارات واختار نموذج step هذا هو النموذج الي بتختبره ..

ولو ان الاختبار صعب بس يبي له تركيز ونا آخوك ...

دعواتك لي بالتوفيق ..

ضيعتني من يديك · #5 (**permalink**) 05-06-2011, 07:35 AM

انا اختبرت كفايات اول ماخلصت الثانوي وكنت وقتها ماعرف شي بالانجليزي يعني لو تقول اكتب اسمك ماعرف اكتبه ومع كذا تدري كم جبت ؟
جبت نسبة 30% رغم الي تطلبه شركة الكهرب 40%
يعني لو اني مثلك جيد راح اجيب اقل شي 60%

لكن لاتتحطم وقدم وراح تمشي امورك هم مايصعبونه مثل ارامكوا وسابك والسبب لان معظم الشركه سعوديين فما تحتاج الانقلش كثير هم بس يبونك تعرف لو شوي في الانجليزي وان شاء الله تعدي الاختبار بكل سهوله

ريوود الرياض · #6 (**permalink**) 05-06-2011, 10:02 AM

اقتباس:

المشاركة الأصلية كتبت بواسطة الموج الازرق جاك

أخوي .
ادخل على موقع قياس وبتلاقي مواعيد الاختبارات
على فكرة التسجيل بدأ من اسبوع وينتهي في 15 / 7 / 1432 هـ

وبتلاقي نماذج لاختبارات واختار نموذج step هذا هو النموذج الي بتختبره ..

ولو ان الاختبار صعب بس يبي له تركيز ونا آخوك ...

دعواتك لي بالتوفيق ..

يعطيك ربي العافيه وانا سجلت اول مافتح بس النموذج الي بموقع قياس قديم

يعطيك العافيه ومششكور دعواتك

ريوود الرياض · #7 (**permalink**) 05-06-2011, 10:04 AM

اقتباس:

المشاركة الأصلية كتبت بواسطة ضيعتني من يديك

انا اختبرت كفايات اول ماخلصت الثانوي وكنت وقتها ماعرف شي بالانجليزي يعني لو تقول اكتب اسمك ماعرف اكتبه ومع كذا تدري كم جبت ؟
جبت نسبة 30% رغم الي تطلبه شركة الكهرب 40%
يعني لو اني مثلك جيد راح اجيب اقل شي 60%

لكن لاتتحطم وقدم وراح تمشي امورك هم مايصعبونه مثل ارامكوا وسابك والسبب لان معظم الشركه سعوديين فما تحتاج الانقلش كثير هم بس يبونك تعرف لو شوي في الانجليزي وان شاء الله تعدي الاختبار بكل سهوله

الله يسسسسسسسسسسسسعدك يالغالي ومااقصرت

بس وربي خآآيف ان شاء الله انجح لو اجيب 40 يقبلوني باذن الله

تشكرات خيووو

مساعد مبرمج محمد · #8 (**permalink**) 05-06-2011, 12:59 PM

أن شاء الله تنجح قدم والله يوفقك

الجزؤ الاول من الأسئلة استماع تقريبا 24 سؤال

وبعد قوااااعد قرامر

وبعده قطعه وعليها اسئلة على مااعتقد

وكذلك معاني كلمات ومن هالقبيل

أذا عندك شي بسيط بأذن الله رااح تجيب الدرجة المطلوبة

خلص امورك والباقي على الخالق الرازق المعطي

نآعمة كالسحآب · #9 (**permalink**) 05-06-2011, 05:15 PM

السلآم عليكم ورحمة الله وبركآته

عندي نماذج لاختبآر الكفايات تجريبي ... رفعته لك على ملف وورد وآتمنى

يكون الوورد عندك 2007 عشان يفتح معك ... واذا مافتح علمني وارفعه لك

بمستند نصي وان شآء الله ..تستفيد منه

اختبار الكفايات تجريبي.doc - 70 Kb

و

اختبار كفايات 2.DOC - 69 Kb

ويتكون الاختبار من 100 سؤال إلى جانب أسئلة تجريبية لا تدخل في حساب درجة الطالب

وفيما يلي الأفرع التي يتكون منها الاختبار و ونسبة كل منها من مجمل أسئلة الاختبار:
1/ استيعاب المقروء .......................40%
2/ بناء الجمل ( النحو) ....................30%
3/ استيعاب المسموع ...................20%
4/ تحليل الكتابة ..........................10%

وتقدر تشتري سيديهات لتعليم اللغة الانجليزية اسمها الشامل الذهبي في تعليم اللغة الانجليزية

وهي مشروحة بالعربي وسعرها 300 ريال

وفيه كتاب للقواعد ممتع جدآ يعطيك عبارة خاطئة ثم يصححها ويذكرلك القاعدة وكله بالانجليزي

اسمه Common Mistakes in English تلاقيه بمكتبه جرير

وجبت لك هذي المعلومات اتمنى تستفيد منها وهي منقولة آتمنى تفيدك

معلومات عامة عن اختبار ستيب:

أسئلة الاختبار:
عبارة عن 100 سؤال اختيار من متعدد (4 خيارات لكل فقرة)
بالإضافة إلى أسئلة تجريبية لا تدخل في حساب الدرجة..

مدة الاختبار:
3 ساعات

أقسام الاختبار:
الأسئلة موزعة في 4 أقسام، كل قسم عليه جزء من الدرجة:
1- Reading Comprehension -- استيعاب المقروء .............40%
2- Grammatical Structure -- بناء الجمل (القواعد).............30%
3- Listening Comprehension -- استيعاب المسموع ...............20%
4- Compositional Analysis -- تحليل الكتابة..............10%

وهذه نشرة تعريفية بالاختبار وأقسامه وفيها أمثلة بسيطة

تصفح النشرة
تحميل النشرة

التحضير للاختبار:
سنبدأ أولا إن شاء الله بالتدرب على "استيعاب المسموع"

(استيعاب المسموع -- Listening Comprehension)

هناك نقطة مهمة يجب معرفتها وموضحة بالنشرة

وهي إن الأسئلة ليست مكتوبة أمامكم وإنما بعد سماعكم للحوار المسجل ستستمعون
إلى أول سؤال ثم تجيبون عليه وهكذا، يعني التركيز هنا ضروري (زائد احتلال أماكن في مقدمة القاعة )

الموضوع سهل إن شاء الله لكن يبغاله تمرين..

خلونا ناخذ أول مثال من عندهم:
هذا حوار بين الشيخ خالد والشيخ فهد، اسمعوه جيدا بعدها جاوبوا على الأسئلة الثلاثة
(السماع مرة وحدة اتفقنا )
للاستماع إلى الحوارات
لتحميل الحوارات

السؤال الأول:

السؤال الثاني:

السؤال الثالث:

راجعوا باقي الأمثلة من النشرة وملف الصوت وبتلاقوا الحوارات مكتوبة والأسئلة محلولة..

طبعا ما راح نقتصر بس على هذه الأمثلة، لابد من التدريب ثم التدريب....

هذا الموقع الأكثر من رائع ذكرته الأخت أم بندر في موضوع لها الله يعطيها العافية،
فيه 3 مستويات (سهل، متوسط، صعب)، وتحت كل مستوى بتلاقو أمثلة كثيرة لحورات مسجلة وأسئلة عليها، تفضلوا:

*~: Randall's ESL Cyber Listening Lab :~*

وبالتووفيق لك ...

نآعمة كالسحآب · #10 (**permalink**) 05-06-2011, 05:20 PM

بحثت عن كتاب Common Mistakes in English

ولقيته موجود على هيئة كتاب الكتروني

مولازم تشتريه ... وهذا رابط التحميل لتحميله على جهازك وتصفحه

http://www.mediafire.com/?3iy841s8qto5qwo