بخصوص تذاكر السفر للسعودين في القطاع الخاص ؟؟

[ابو عمر 2011]

اخواني الكرام كلنا نعرف انه الاجنبي عندنا في القطاع الخاص عندما ياخذ اجازته السنوية ياخذ معها تذاكر سفر لبلاده له ولاسرته ذهاب و اياب ، ودي اعرف هل يحق للموظف السعودي اخذ تذاكر سفر مع الاجازة السنوية له و لاسرته ( الزوجة و الاولاد ) سواء داخل المملكة او خارجها مساواة بالموظف الاجنبي او الغير مواطن مع العلم انه حتى لو كان الموظف الاجنبي غير راغب في السفر يعوض عن التذاكر بقيمتها نقدا !!

هل يحق لي المطالبة بهذه التذاكر او تعويض بقيمتها نقدا في حالة عدم رغبتي في السفر مع العلم اني موظف في شركة ( قطاع خاص ) و انا مواطن سعودي .

وفي حالة عدم احقيتي لهذه التذاكر فلماذا هل لاني سعودي فقط ولماذا لا تكون هناك مسواة بين الاجنبي و السعودي نحن لا نطالب بشي اضافي لكن نطالب ان نكون مثلنا مثلهم فقط
لو ان اي شركة اعطت السعودية اي ميزة اضافية من ثاني يوم اتوماتيكيا وبدون اي معوقات تجد الاجانب الموجودين بالشركة كلهم يملكون نفس الميزة .

مع العلم ان الموظف الاجنبي في القطاع الخاص يكلف على الشركة كل سنة قيمة تجديد الاقامة وتكون على حساب الشركة و يستفيد منها الاجنبي ، لكن السعودي لا يكلف قيمة تجديد لانه مواطن و لا يوجد لديه اقامة ليتم تجديدها ، ولا نريد ان نقول يجب على الشركة ان تضيف على رواتبنا قيمة بدل تجديد اقامة مدفوع نقدا ، لكن فقط نريد ان نعرف وضعنا بالظبط عن موضوع بدل التذاكر

الرجاء افادتي في امري الذي حيرني و جعلني اعيش في حالة من الهوس و التفكير .

هذا التساول مطروح للمواطنين و لغير المواطنين .

[شعرة معاوية]

قالوها زمااان انتي ما مثلك بها الدنيا ابد

مالك حق تاخذ تذكرة حتى لو انك من اهل حفر الباطن وتشتغل في جيزان

[إنتماء]

ردد .. !

القطاع الخاص مأساة للمواطنين دون اي رادع

[خالد الشفاء]

الله يعين الجميع يااارب

[ابو عمر 2011]

معقولة مافي احد يقدر يجاوبني على تساولي و المشرفين و وين المسولين بالمنتدى ؟

[AMOUR]

مافي يا اخي بدل تذاكر للسعودي
انت مثلك مثل الاجنبي في راتبك (هذا اذا ما كان راتبك اقل منه ) وباقي المميزات المضافة للأجنبي مالك اي نصيب منها بأي شكل من الاشكال
انا اشتغل في شركة وراتبي اقل من الاجانب هناك ومع ذلك مالي بدل سكن ولا تذاكر ولا شي
برغم اننا منفعين الشركة على الاخير لأنه البنات معروف مالهم غير تجلس تشتغل في المكتب من الصبح لنهاية الدوام ، لا تروح لا هنا ولا هنا
والاجنبي يروح يجيب عياله من المدارس ويتنقل بين المكاتب يتكلم مع اصحابه ويشربوا دخان ويضيعوا وقت دوامهم وفوق كدا رواتبهم اعلى ولهم ميزات اكثر لأنهم اجانب
وتجي تتكلم يقولوا عنصرية ، ايش الحل غير نسكت وبس

[قدرات عاطله]

لا مافي للسعوديين اي ميزة بالعكس الاجانب مميزاتهم ورواتبهم وبدلاتهم افضل

انا بمدرسة اهلية وليتها شركة تعطي بدل سكن للاجنبيات والتأمين الطبي شامل للموظفة وزوجها واولادها
اما السعودية تأمينها الطبي لها بس بدون اي احد

[ابو عمر 2011]

على فكرة هالموضوع يخاف منه كل مسؤلي التوظيف وكذلك كل مسؤول في شؤون الموظفين في جميع الشركات و يحاولون عدم اثارته لانه عندما يثار هالموضوع يفتح عليهم ويلات النقاش و سيحدث مالا يحمد عقباه لانه طلب عادل و من حق كل سعودي و لكن هم انفسهم لا يؤمنون بالمساواة

شكرا لكم على المرور

اتمنى انه يرد على موضوعي احد من الشؤن الادراية في اي شركة و خصوصا لو كان اجنبي لكي نفهم ماهي وجهة نظرهم في هالمضوع بالذات و عشان نشوف الراي الاخر .

[ذكية جدا]

ايه صدق من قال

انتي ما مثلك بها الدنيا ابد

هذي حال الدنيا حقوقنا ،اص ، هش ، لاحد يسمعك

المفروض نكون بالعمل ( لا اسمع لا ارى لا اتكلم أنفذ المطلوب من غير احتجاج او مطالبه )

لا حول ولا قوة الا بالله العلي العظيم
وحسبي الله وهو نعم الوكيل

[لهيب الشوق]

فيه شركات تعطي جميع الموظفين الاجانب والسعوديين
ولكن السعودي مايسئل ...
الخطوط السعوديه مسويه اتفاق مع كثير من الشركات وتبادل بالخدمات