صك إعالة وتقديم نقل الى منطقتي

[جاحظ]

السلام عليكم ورحمه الله وبركاته

راح اشرح موضوعي باختصار

انا من الرياض وتعينت في وادي الدواسر

سمعت من بعض الاخوان جزاه الله خيراً

اني استطيع استخراج صك إعاله من المحكمه ومن ثم تقديمه ليتم نقلي فوراً الى منطقتي

فياليت اللي يعرف طريقة استخراج صك اعاله ؟؟

او طريقة تقديم النقل ؟؟



وجزاكم الله خيراً مقدماً

[ام بروكي]

الله يوفقك اخوي

اللي اعرفه صك الاعاله للمطلقه او الارمله نتعب جدا ومايعطونه الان خلاص من اول يطلعون لها بأرعة شهود ومزكين للشهود
لكن الان المطلقه يجبرونه ينفق حتى لو ماانفق كذا محاوله وكذا جلسه وكم سنه او يقتنع هو ويكتب ويعترف انه مايعيلهم وماراح يعيلهم
والارمله ولي من تعولهم هو اللي يعترف ويقول ماراح اولاهم وتكون تقدر تطلع الاعاله

للأسف تعبنا نبي صك اعاله ماقدرنا نطلع صك اعاله الله يرحم حالنا بس

سمعت انا عن الشباب انه تقدم ترسل للديوان الملكي بالبريد او برقيه عن طريق الهاتف الثابت
وتكتب بالخطاب حالتك ومن تعيل واذا فيه اوراق تثبت مثلا حالة والدك او والدتك او انك الابن الاكبر او الابن الوحيد لهم او لا قدر الله يكون احدهما يشكون من شي حفظهم الله الله لايقدر عليهم سوء
تقدر بهالحاله تنقل
بأمر ملكي يحول الى ادارة الخدمه المدنيه

جرب هالطريقه يردون عليك بعد مايوصل لهم الخطاب باسبوعين ثلاثه
ويعلمونك وين تحولت ويعطونك رقم المعامله
وتتابعها عن ادارة التربيه والتعليم



مااعرف شي غير هذا
اتمنى تستفيد من اللي ذكرته

[جاحظ]

انا ولد
وابوي متوفي ثالث العيد
وانا الولد الاكبر من الاب والام

[جاحظ]

سمعت انا عن الشباب انه تقدم ترسل للديوان الملكي بالبريد او برقيه عن طريق الهاتف الثابت
وتكتب بالخطاب حالتك ومن تعيل واذا فيه اوراق تثبت مثلا حالة والدك او والدتك او انك الابن الاكبر او الابن الوحيد لهم او لا قدر الله يكون احدهما يشكون من شي حفظهم الله الله لايقدر عليهم سوء
تقدر بهالحاله تنقل
بأمر ملكي يحول الى ادارة الخدمه المدنيه

جرب هالطريقه يردون عليك بعد مايوصل لهم الخطاب باسبوعين ثلاثه
ويعلمونك وين تحولت ويعطونك رقم المعامله
وتتابعها عن ادارة التربيه والتعليم

طيب كيف طريقتها وكيف ارسلها ؟؟
انا امي موجودة و5 بنات
اعتبر شرعاً معيلهم

[اماني بنت الماني]

جاحظ اذا ماقدرت تنقل حاول تنقل اهلك عندك...وحتى لو اخواتك يدرسوا حاول انك تنقلهم عندك..موفق

[سلافوو]

باذن الله بيشملك النقل

اعرف واحد ابوه صارله حادث وتعب فتره وهو ولده الوحيد وو قدم على نقل من القصيم للمدينه وشمله

طبعا قدم خطاب ماعرف ايش كتب بالضبط بس ارفق تقارير من المستشفى ومشت اموره ماشاءالله

انت طلع شهادة الوفاة واكتب خطاب انك معيلهم الوحيد وكذا وباذن الله تنقل

[إجابة سؤال]

الله يرحمه ويغفر له ويجعل مثواه الجنة. أحسن الله عزائكم أخوي.


شوف هالموضوع رح يفيدك إن شاءالله:

https://www.btalah.com/t522430.html

ويمكن نقل المعلم أو المعلمة المتقدم إذا توافرت فيه شروط أي من الحالات التالية:

- إذا مرضت والدة المعلم أو المعلمة وكان المعلم وحيد والدته أو المعلمة وحيدة والدتها المريضة أو المطلقة أو الأرملة التي لا تستطيع مرافقته أو مرافقتها في مكان العمل لعدم وجود علاج لها. - إذا توفي والد المعلم أو المعلمة المتزوجة ولم يكن لوالدة المعلم أو المعلمة أبناء ذكور أو بنات على قيد الحياة تتجاوز أعمارهم 18 عاما.

[إجابة سؤال]

وش الطريقة؟ السبت روح وزارة التربية والتعليم وخذ العلم الأكيد.

[جاحظ]

جزاكم الله خيراً جميعاً
ان شاء الله الاحد بروح للوزارة واشوف يقبلون او لا
لان الدوامات صارت تبدا الاحد مو السبت

ومشكورين جميعاً لكل من رد علي

[أم هومي]

جانا تعميم بدايه الترم الثاني بالنسبه للنقل للظروف الخاصه

ماينقل على طول لازم بعد سنه من تعينك وفي من ضمن الشروط صك الاعاله

بالتوفيق