قلــــــــ الوداع ــت و جاوبت دمعة العين ..!!

[صقر عاطل]

قصه واقعيه تتجسد فيها كل معاني الحب والعشق
:
:
:
:

قلت الوداع.... وجاوبـت دمعـة العيـن
تجـرح.... بساتيـن الخـدود... النديـه

واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه

وجاوبتها....ارجـوك ..تكفيـن.. تكفيـن
والله ولله دمعك....يشعـل النار...فـيّـه

وقالـت ...تعاهدني..عـهـاد المحبـيـن
الله يخـون... اللـي يخـون ...بخويّـه

قلـت ابشري...واللـي خلقـك لاتظنيـن
حرااااام...ماغيرك...عشقـت ..آدمـيـه

وقصّت شعرها...قلت انـا..وش تسويـن
قالـت ابـي ..مـن غرتي....لـك هديـه

ونادتنـي الغربه...علـى الهـم والبيـن
احسّـب الأيـااااام... روحـه... وجيّـه

وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه

غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه

خلاص...هانت...مابقـى غيـر يومـيـن
خـلالالالاص ... قفّت..غربـةٍ جرهديـه

ورجعت....شوقي في خفوقي... براكيـن
ورجعـت انـا... كلـي لها....جاذبـيـه

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه

صدمه..وجابتنـي علىالارض..نصفـيـن
وشلـون راحـت دون... ذنـب وخطيـه

تكفون....دلـونـي علىالقبر..هالحـيـن
مـاعـااااد فيـنـي للصبر....مقـدريـه

ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه

واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه

وش فيك...جيت من السفر...مـا تهليـن
ماهي بلك عـاده....ولا انتـي... رديـه

وحاولت في لحظة جنون...اجـرح الديـن
وازيـح تـربـة قبرهـا....فـي يـديّـه

وبالغصب شالوني...حشـا تقـل مسكيـن
واصـرخ بهم...والله...والله ولله حـيّـه

اقفت...وتاهـت بـي جميع..العنـاويـن
والحـزن يلعب...داخلـي ....سامـريـه

ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـه

[عبدالله الغامدي]

سلم القلب الذي وهب لنا هذه الرائعه
وسلمت اليد التي خطتها لنا هنا
ذكرتني اخوي صقر برائعة الشاعر
ناصر القحطاني (الذاهبه)
تحياتي

[صقر عاطل]

مرور رائع اخووي ضايع بقوووة مشكووووووور دمت كماتحب

[محمد الزهراني]

لاحول ولا قوة الا بالله

صقر ليه هذا الالم والجع الغارق

ماني قايل رايعه ولاشئ من هذا القبيل ساقول الم ووجع وصدق

ورجعت لـدروب الشقـا.. قبـل عاميـن
مدري
مـن
اللـي
صـار.

. فينـا
ضــــــــــــحــــــــيـــــــــــه

الله يرحمها ويحمك ويرحمنا برحمته

صقر لاتحرمنا من روائعك يبدوا انك شاعر كبير على هذا النص وداس نفسك مقدر هذا التواضع

وتحياتي

[غيمة عطر]

صــقــر عــاطل

قصيدة من بحـور الألـم سقت ناسهـا

حكت قصـة للموت بكل احساسهـــا

من قرأ حرفها شرب من حزن انفاسهـا

قاست من الغربـة وغافل الموت طرفها وباسهـا

راحت الروح في غمضـة للي خلقهـا مع حراسهـا

دمـع تخضب بترابهـا .. ومواجع سرت باعراسها

وبعدهـا عين بكت ألف دمعـة وقل نعاسهـا

وشـاعر من اللوعـة ضرب اخماسها باسداسها

حصة عذاب احكم الموت قبضته ودق اجراسها

هذه الحـياة غصب علينا نشرب من قدرو نحاسها

صـقر عــاطل ..

ياعل غيم الفرح يمطر بروحك مزونـه
ويهدي لقبك بسمة تمحي حزونـه..

[سعودية عظيمة شان]

ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـه


يالله أخوي صقر ... وش هالكم العالي من صدق المشاعر ..


قصيدة قوية لا يكتبها إلا شاعر ..

وتصوير وتسلسل رائع .. جعلنا نعيش لحظاتها كأننا من عاش تلك الأحداث الحزينة


ماقدر أقول إلا ..

سلمت اخوي صقر .. وصح لسانك ...

وبإنتظار الكثير منك ..


تحياتي لك ..

[قلب المملكة]

صقر عاطل ... وينك عن شاعر المليون..
من جد صح لسانك.. قصيده معبره.....

[هجيرة الشوق]

يسلووووووووووووووووووووووا

[صقر عاطل]

المشاركة الأصلية كتبت بواسطة محمد الزهراني

لاحول ولا قوة الا بالله

صقر ليه هذا الالم والجع الغارق

ماني قايل رايعه ولاشئ من هذا القبيل ساقول الم ووجع وصدق

ورجعت لـدروب الشقـا.. قبـل عاميـن
مدري
مـن
اللـي
صـار.

. فينـا
ضــــــــــــحــــــــيـــــــــــه

الله يرحمها ويحمك ويرحمنا برحمته

صقر لاتحرمنا من روائعك يبدوا انك شاعر كبير على هذا النص وداس نفسك مقدر هذا التواضع

وتحياتي

الله يسلمك ياشاعرنا اللبق بسراحه يعجز قلمي عن التعبير مشكورر اخوووي محمد علي كلامك الطيب

[صقر عاطل]

المشاركة الأصلية كتبت بواسطة عاطلة بالفطرة

صــقــر عــاطل

قصيدة من بحـور الألـم سقت ناسهـا

حكت قصـة للموت بكل احساسهـــا

من قرأ حرفها شرب من حزن انفاسهـا

قاست من الغربـة وغافل الموت طرفها وباسهـا

راحت الروح في غمضـة للي خلقهـا مع حراسهـا

دمـع تخضب بترابهـا .. ومواجع سرت باعراسها

وبعدهـا عين بكت ألف دمعـة وقل نعاسهـا

وشـاعر من اللوعـة ضرب اخماسها باسداسها

حصة عذاب احكم الموت قبضته ودق اجراسها

هذه الحـياة غصب علينا نشرب من قدرو نحاسها

صـقر عــاطل ..

ياعل غيم الفرح يمطر بروحك مزونـه
ويهدي لقبك بسمة تمحي حزونـه..

اشكرك اختي الغاااااااااااليه عاطله بالفطره ... مرورك العطر................
عاطله بالفطره............
الله يبدل عج الايام بغيووم وتمطر عقب ماهي عجاج وعسامه
تحياااااااااااااااتي لك اختي
صقر