ارجو من الجميع الرد ومساعدتى

[محمدصالح زامل]

اول شي ارجو لمن دخل ان يقرا موضوعي ويرد
ولو بنصيحه اخويه

انا موظف عسكري في الامن العام خدمه سبع سنوات رتبه عريف
جامعي ولدي عده دورات كامبردج حاسب متقدم وانجليزي وتطوير شخصية وعده دورات في فن التعامل مع الناس
لكن للأسف العسكرية تقتل الطموح ولا تفيد للي يبي يبدع ويتطور للأسف

انا الان قدمت علي معهد الالبان في الخرج وارغب اكمل فيه عشان أتوظف بشركة المراعي اللي اعرفه ان القطاع الخاص افضل مليون مرة من العسكرية
بماذا تنصحوني مع العلم الرتب ينقص تقريبا 1500 ريال فقط لان راتب المراعي بعد التخرج من المعهد 7300 ريال ارجو نصحي وشكرا لكم

وانا مفكر بعد المعهد اذا ما سمحو لي ان ادرس ماجستير انتظام بالصباح واعمل باليل راح ايضا افصل من المراعي لان طموحي اكمال الماجستير
اسئل الله لي التوفيق ولكم وشكرا

[محمدصالح زامل]

لا حول ولا قوة الا بالله العلي العظيم

25 شخص دخلو وما ردو ليش يا اخوان
حب لأخك ما تحب لنفسك

[جبران الجابري]

المشاركة الأصلية كتبت بواسطة محمدصالح زامل

اول شي ارجو لمن دخل ان يقرا موضوعي ويرد
ولو بنصيحه اخويه

انا موظف عسكري في الامن العام خدمه سبع سنوات رتبه عريف
جامعي ولدي عده دورات كامبردج حاسب متقدم وانجليزي وتطوير شخصية وعده دورات في فن التعامل مع الناس
لكن للأسف العسكرية تقتل الطموح ولا تفيد للي يبي يبدع ويتطور للأسف

انا الان قدمت علي معهد الالبان في الخرج وارغب اكمل فيه عشان أتوظف بشركة المراعي اللي اعرفه ان القطاع الخاص افضل مليون مرة من العسكرية
بماذا تنصحوني مع العلم الرتب ينقص تقريبا 1500 ريال فقط لان راتب المراعي بعد التخرج من المعهد 7300 ريال ارجو نصحي وشكرا لكم

وانا مفكر بعد المعهد اذا ما سمحو لي ان ادرس ماجستير انتظام بالصباح واعمل باليل راح ايضا افصل من المراعي لان طموحي اكمال الماجستير
اسئل الله لي التوفيق ولكم وشكرا

شف ياصاحبي العسكريه الوحيده الي راتب و راحه بتقول استلامات ومدري ايش معليش قد جربت تداوم من 7الصباح حتى 5 العصر في الشمس مستحيل لأن اغلب العسكر مرتاحين اما الشركات صح فيها تأمين طبي ودلع بس اقسم بالله يكرفونك لين تدوخ احنا مداومين في رمضان ووالله تحت الشمس حتى 28رمضان فأنت ياصاحبي صلي استخاره وتوكل على الله وشوف بالنسبه للطموح والله العسكريه والشركات نفس بعض تلقى الإداره جنسيات وافده واجانب ومايستاهل المنصب الي فيه لكن حاطينه والسعودي معروف عندهم انه مايشتغل مهما سويت يمكن يمدحك بس انه يرفعك منصب مع نفسك والله لأنه يخاف انك يوم من الأيام تنافسه وبالنسبه للشهاده صدقني ماقتلتنا الا الشهايد ليش لأن اغلب الناس يحسب اذا اخذ دكتوراه انه عالم واسألني انا اشوف دكاتره مهندسين يوم نقابل مشكله ونسألهم والله مايعرف يمسك مفك بس بربره واخر شي نحلها احنا بتقولي ليش جالس في الشركه بقولك استفدت لغه انجليزيه من الممارسه مع الفنيين الي معي طول الوقت وابغى خبره وأسس نفسي صح عشان يوم افتح لي مشروع مااجيب عمال وواحد يدير لي شغلي ويعلمني اعتمد على نفسك وقرر انت لأنك صاحب الشأن اسمع نصائح الشباب بس خلك انت الي تقرر لا تسمع كلام فلان وتأخذ به لأننا مانعرف وضعك كيف والله يوفقك واعتذر عن الإطاله

[الصابرالمحتسبب]

أولا يالغالي وظيفتك حلوه ويكفيك أنها حكوميه ,لاتفكر تستقيل .
وأستمر في تطوير نفسك من دورات وغيرها.وهاذي تنعكس على شخصيتك وتعاملك مع الناس.
ويتضح بمجتمعك وعملك أنك إنسان مثقف وطموح.وكذا بيصير عندك الرضاء الذاتي عن نفسك.
وأجمع مبلغ وأعمل لك مشروع تستخدم فيه خبراتك ,اللي تعلمتها وكذا يصير وظيفتك الحكوميه
عندك وبعدت عن الشركات.وطورت نفسك وعملت لك مشروع أنت تملكه وتستخدم فيه مهاراتك ,
وخبراتك ,ووظيفتك ماأستقلت منها .
هذا اللي حبيت أقوله لك .
وأدعو الله لك بالتوفيق, وأدعو لنفسي بالوظيفه المناسبه متخرج E برتبة الشرف عاطل.

[ي الله الجنه]

الله يعينك ويوفقك

[قول الحق]

اولا ابقولك نصيحة وظيفتك لا تتركها اللي قالك ان قطاع الخاص اريح كذب عليك ودوام الشركات من 8 الى 5.00 وست ايام بالاسبوع وصعب انك تدرس في الصباح وموظف في الليل من واقع تجربة لا وقتها معدلي نزل الى اسوى المراحل وثانيا اللي اعرفة ان معهد الابان يعطي راتب بعد التخرج 5500 واذا كنت جامعي بتوظفك شهادتك لانها افضل من شهادة معهد الابان وفيه الجامعه الاكترونية اذا كنت تبي تواصل دراستك عندهم درسات عليا على ماضن وانت صاحب القرار واستخير قبل كل شي وبتوفيق لك

[سوززززي]

تقدر تدرس ماستر موازي بجامعة اللملك سعود

[رزان مكة]

أستثمر تواجدك في الوظيفة و حاول تكمل دراساتك العليا حط برأسك هدف لا تستقيل حتى تلقى مصدر دخل ثابت
يا أخي العزيز الي بتسويه إنت بالمختصر إنتكاسه لأنك خريج جامعي و عريف + تستلم مبلغ وقدره
وتبغى ترجع للخلف لشهادة دبلوم - و فني وحتى ماهي مضمونه + ومبلغ زهيد وربما أن يكون ثابت لفترات طويلة
فيه كذلك نقطة مهمة : أنت ضامن و ظيفتك في القطاع الخاص ؟!
طيب من هنا لين تقدم و تدرس و تتخرج شوف كم عدد المتخرجين من قبلك شوف كيف أوضاعهم ؟!
بالنسبة لدراسات اللعليا عندك كلية الأمير نايف للعلوم الأمنية و عندك الإبتعاث .
آخيرا ً
أستخير يا أخي و الله يكتب لك الي فيه الخير وينولك الي يريحك

[آنجيلا]

نصيحة لوجه الله تعالى
اذا عندك طموح حطه في مشروع خاص لك او اجلس على وظيفتك
تبي تطور نفسك يمديك وانت عسكري اما تفصل على امل شي ثاني وتفصل على امل شي ثاني عذرا اخوي احس انك مشتت
القطاع الخاص موب مريح انت تشتغل عند احد ثاني بس الحكومي غير
واذا عن قتل الطموح هالموضوع بيدك اولا واخيرا يمدي تطور نفسك وتاخذ دورات وتدرس وانت عسكري
انت رح كلمهم خذ منهم اذن انك تبي تدرس الشي الفلاني وهكذا
وراتبك مثل ماهو وضامن تقاعد محترم بعد عمر طويل
القطاع الخاص اذا ماكان راتبك فوق العشرة ولا تراه مايسوى حتى فوق العشرة شوي بالنسبة لكرفهم والضغط النفسي اللي فيه
القطاع الخاص باختصار تقوم وتنوم وتعيش عشان تحقق احلام شخص ثاني اللي هو صاحب الشغل
هذا غير الراتب الطفسة واللي احتمال كبير ينخصم منه , غبنة والله
وعلى هذا كله وظايفهم ميب مضمونة لا من ناحية انك تتوظف فيها ولا من ناحية انك تستمر فيها

[محمدصالح زامل]

اشكركم جميعا وبيض الله وجهكم
انا استخرت وراح اكمل في مجال عملي العسكري وان شاء الله يوافقون على اكمالي الماجستير
الله لا يحرمني منكم ويكثر من امثالكم