اخوي المنتصر بالله

[امنياتي رضى ربي]

السلام عليكم
اخوي المنتصر بالله انا اللي قبل قد قلت لك معلقه زوجي مايصرف علي ولا على بناتي الضمان لازم بطاقه احوال.والبطاقة الاحوال يقولون لازم تجبين صك الطلاق!!!! كيف اجيب وهو مايدري عنا.وكمان طلبوا كرت العايله الاصل قلت مااقدراجيب قال مانقدر نساعدك ..هل لهم حق يطلبون بطاقة االأحوال سووا الضمان والاحوال.تكفى اذا تعرف بلغني ..انتظر ردك

[محمد البلادي]

وعليكم السلام
انا قبل كذا اعطيتك الحل وافدتك انك ممكن انك تطلعي صك الهجر بسجل الاسره الخاص بوالدك او المحكمه تلزم زوجك بالحضور او ان الضمان تفيديينهم ان الزوج لن يحضر وهو متغيب وعندها يتم تحويلك للأحوال لأخراج برنت ويؤخذ عليك اقرار بشاهدين ان زوجك هاجرك وتكمل اجراءاتك
لماذا نحن هكذا دائما نخاف ولا ناخذ حقنا بقوه النظام اذا ماشفتي فيه فائده قدمي على المحكمه بالطلاق وسوف يرغم بالحضور هل يعقل ان تموتي جوعا انتي وبناتك من اجل هذا الزوج

[امنياتي رضى ربي]

انا مو بكرت العايله حق الوالد...والان طلبت الطلاق ف المحكمه ويبغاني ارجع المهر.يااخوي قفلوها ف وجههي انا وبناتي لكن مااقول غير حسبي الله ونعم الوكيل عليه

[امنياتي رضى ربي]

وغير كذا طلبوا شهود كمان من اهله ..واهله رفضوا يشهدووون

[محمد البلادي]

طيب مادام لك معامله بالمحكمه ممكن انك تراجعي الشيخ وتطلبي منه صك بالهجر وتفيدينه انه انتي وبناتك ضايعين
ولوكنت مكانك والله لأشتكيهم على الاماره واقابل الحاكم الاداري وافهمه بمعاناتي وسوف تجدين الحل

[امنياتي رضى ربي]

انا ماراح اسكت عن حقنا بس ابغى اسالك يعني اقدر اطلع بطاقة أحوال بدون صك وبدوون كرت العايله الاصل .. حتى بناتي ماقدرت اقدم لهم ف المدارس اورقهم عنده وهو رافض يعطينا اي شئ

[محمد البلادي]

الاحوال المدنيه ماعندي خلفيه لكن اللي اعرفه ياهويه الزوج او ولي الامر وبامكانك تقديم استدعاء لمدير الاحوال وشرح معاناتك واذا لم تجدي نتيجه عليكي وعلى الشرطه او الاماره
الله يكون بعونك

[حلاوةقطن]

المشاركة الأصلية كتبت بواسطة امنياتي رضى ربي

انا ماراح اسكت عن حقنا بس ابغى اسالك يعني اقدر اطلع بطاقة أحوال بدون صك وبدوون كرت العايله الاصل .. حتى بناتي ماقدرت اقدم لهم ف المدارس اورقهم عنده وهو رافض يعطينا اي شئ

كان الله في عونك ياأختي
ولكن تقدري تسجلي بناتك بالبرنت تروحي الأحوال وتطلبي برنت يسألوكي ليش تبغي البرنت قوليلهم أبغى أسجل بناتي وثواني يعطوكي البرنت وبعض الفروع يقولوا روحي جيبي خطاب من نفس المكان اللي راح تعطيهم البرنت
لوكان عندك صك الطلاق كان باامكانك تتطلعي كرت العائلة الأصل
ربي ييسرلك ويسهلك أمورك

[امنياتي رضى ربي]

الله يعطيييكم العافيه
ماقصرتوا..جزاكم الله خيرا

[محمد البلادي]

الله يكون بعونك اختي الكريمه