وكالة الاحوال المدنية , مشورتكم يارجال

[خريج ، أنقلش]

السلام عليكم ورحمـة الله وبركاته
اسعد الله اوقاتكم بكل خير ,

عندي كم سؤال وبصراحه " فريت ام النت " وماحصلت إجابة واضحه , او بمعنى اخر ما اقتنعت نهائيا .
أنا حاصل على الشهادة الجامعية ( تخصص لغة أنجليزية )

وقدمت على وكالة الاحوال المدنية , رتبة وكيل رقيب .
المهم أني دخلت على موقع الوزارة . . ف طلع مكتوب القطاع (المباحث العامة). والتقديم على الأحوال المدنية .
هلحين لو ربي كتب لي فيها نصيب , اكون تابع للمباحث العامة بس مكان العمل في الاحوال المدنية , أو ايش السالفة بالضبط ؟

واذا كنت تابع للمباحث العامة , هل الراتب والبدلات نفسها نفس بدلات أي عسكري في المباحث ؟
واللي عندو أي فكرة عن الدوام او الراتب .. لا يبخل علينا

لاني متخرج السنة اللي طافت , وبنفس الوقت ماني مستعجل على الوظيفة .
بس (ألمباحث العامة) الجميع يمدحها من نواحي كثيرة .

الشيء الثاني انا اختبرت كفايات المعلمين , ورسبت في التخصصي . . وسجلت من جديد واختباري شهر اربعه أن شاء الله , ف انا بصراحة انا متخوف ارسب مرة ثانيه , وضاعت هالسنه والسنه القادمة . . والسبب اسئلة والله تعجيزيه ياتصيب ياتخيب , وفوق هذا كله غير تربوي . . راتبي حيكون تقريبا 7500 , مقارنه برواتب العسكر وخصوصا الداخلية.

ابي نصايحكم (التعليم أو العسكرية) , وماهي افضل القطاعات العسكرية اللي اقدم عليها بدون ما اشاور ؟

الله يسهل امركم جميعا , ويحقق لكم ما تتمنونه .

اسف على الاطالة , ودعتكم الله .

[باطل واخوي عاطل]

وعليكم السلام اخوي انا مثلك تماماً تخصص انجليزي بس نجحت بقياس المعلمين وسجلت شهر 11 الي راح بالتدريس وسحبت على فرصة رقيب بالامن العام قبول نهائي بسبب الناس الي يقولون " حرام عليك جامعي لا تروح العسكرية " والزبدة ماطلع اسمي بالتعليم و نقاطي كانت 57نقطة
واقبلو اقل واحد عنده 52 نقطة بس لانه تربوي والتربوي لهم الافضلية لو نقاطهم اقل منك يعني وانا اخوك ردد ياليل مطولك ما ابغى احبطك بس هذا الي حاصل وهذا الي الناس ماتدري عنه وكل كليات الظباط قدمت عليها لسنتين اوصل للفرز النهائي ولايقبلوني والخدمة المدنية كل سنة تنزل 8 وظايف بس ونظام نقاط بعد ونقاطي 62 واقل نقاط اقبلوها 75نقطة يعني يبيلك يا وسطة قوية ولا تحتري لك كم سنه عبال ما تزيد نقاطك وانا نادم اني مادخلت العسكرية من اول ماتخرجت نصيحتي لك لاتصير مثلي لاتهتم بكلام الناس الناس ماتوكلك عيش ولايعجبها العجب يعني ادخل الاحوال اذا قبلوك ولا تتردد واذا ما عجبتك الوظيفة في المستقبل قدم استقالة بعد4 سنين خدمة لرتبه وقدم على التعليم وكذا تكون نقاطك زادت انا مثلك مقدم على الاحوال وشكله الوظيفة مريح ومثل دوام المدني على حسب مابحثت وقريت وياليت الي عنده علم يفيدنا

[معاني التفاؤل]

انا اشوف ما دام معك انقليزي عشان ما تضيع السنة دي خش العسكرية واختبر اختبار المعلمين وضبط كل شي الين ما يجي تعيينك لمدرس وقتها انت حر تبغى تكون مدرس او تكمل عسكري
اما الافضل عسكري او معلم
انا افضل معلم
اولا اجازات كثير و رواتب تبدا من 8500 وراحة في العمل صح ان العسكري يبدا وكيل رقيب فوق 10 لاكن الرزق بيد الله

والله يوفقك ويكتب لك الي فيه الخير

[عاطل زمااااني]

دوامهم فله كانك موظف مدني بس الله هما المهنه عسكري والدوام من ثمانيه لين اثنين ونص واضرب الباب وجمعه وسبت بجيبك خويي فيها شغال جندي اول راتبه حول الثمانيه الاف وخمس ميه دورتها الحين اربع اشهر ودوره أي كلام محولك احد يعني انصح فيها هالقطاع
وفالكم التوفيق

[maeud]

أسال الله التوفيق للجميع

[ضويض]

توكل علی الله وماعليكمن الناس وظيفتهم زينه ويجيك بدل لغة ترااا

[طايفي]

تشاور بين المعلم والعسكري ؟؟؟؟؟؟؟؟

حرام عليك

تفكيك علاوة المعلم السنويه 500

[ضويض]

انت توكل علی الله وتوظف بالتقديم ذا واختبر اختبار المعلمين اللي تقول عنه جاك نصيب اسحب علی العسكريه ورح الی التعليم واكيد التعليم ماينقارن بالعسكريه علاوة سنويه 500 وعطله 3 شهور وعطلة ربيع وعطلة حج وجمعه وسبت اعرف واحد مثلك اول ماخلص من كلية المعلمين قدم علی الجوازات برتبة وكيل رقيب راتبه 14 تخبر يداوم بمنفذ رواتبهم عاليه وجاه قبول بالتعليم وسحب علی العسكريه وراح للتعليم واللحين ماشاء الله عليه وكيل مدرسة عقب ماكان وكيل رقيب وعمي بعد كان بالحرس الوطني وصار معلم، لاتقعد توظف عسكري وخل عندك طموح كبير انك تكون معلم واللي يتكل علی كلام الناس تری مايعيش

[ي ليل خبرني]

حياك الله ’’

انا كمان خريج انقل مثلك ولكن بما ان لسى معاي مجال بالامنيه لسنة 1437 ف بانتظر كمان هالسنه لاني مو مستعجل
عالوظيفه نفس حالتك والواحد ما يبي يتهور ويظلم نفسسه .
لكن انت اللي فهمته منك انك نفس وضعي يعني باقي معاك مجال تقدم فالامنيه فانت لو تبغى تتوظف بسرعه وتزيد من فرصك
شوف المباحث لو قبلوك استخير ورح اذا ارتحت .. وانكانك مثلي فانتظر لنهايه هالسنه وقدم بالوظايف التعليميه والادارية والامنيه والدفاع
كلهم هذولا بالبكالوريوس .. ولو جلست وما صار نصيب وقتها انا وانت ندخل الاحوال ولا الحرس هههههههههههه

[خريج ، أنقلش]

بيض الله وجيهكم، ماقصرتوا جميعا!كلاا بنكه (:
والله يعطيكم الصحة والعافية.