استفسار عن فصل العسكري

[إيلامارو]

السسسلام عليكم

الله يسعدكم بسأل إذا أحد عنده علم
أخوي الله يصلحه ويهديه عسكري بالدوريات الامنية انفصل بسب غيابة
غيابة مايجي كله على بعض شهر اسبوعين متواصلات
وبعدين كذا يوم بس موب ورى بعض
وهو طبعا جاب لهم عذر من المستشفى اول ما غاب الاسبوعين لكن ما اقبلوه

لهم اسبوع فاصلينه
والله يهديه يارب هذا طبعا اول فصل له
يعني قبل ما انفصل ولا جاه شي
وهو متظم بداومه قبل بس ما ادري وش جاه

ودي اعرف وش يصير عليه
وهل ممكن تشفع له سمعته وانظباطه السابق
وشهادات شكره من المركز نفسه ومن مكتب سمو الامير ومن مكتب مدير الامن العام

واكون شاكرة

[E7SAS]

الله يكون بعونكم

[إيلامارو]

المشاركة الأصلية كتبت بواسطة E7SAS

الله يكون بعونكم

آمين يارب

[إيلامارو]

ما احد يعرف

[حمايه جهازك]

يحاول ياخذ ابوه او عمه او رجل كبير بالسن ويعطيهم عذر مناسب ما اظن فصل يمكن موقفين راتبه

الفصل يعني غير يسلم عهده وكل شي وبعدين يرفعون فصله

يمديه باذن الله يرجع لعمله بس يجيب عذر مناسب او يمكن يتوقف كم اسبوع مع خصم راتب

اما اذا كان قراره فصل نهائي يسوي اعاده للداوم وبعد سنه يرجعونه لداومه باذن الله ...


هذا اللي اعرفه ويحي من يفيدك

[إيلامارو]

المشاركة الأصلية كتبت بواسطة حمايه جهازك

يحاول ياخذ ابوه او عمه او رجل كبير بالسن ويعطيهم عذر مناسب ما اظن فصل يمكن موقفين راتبه

الفصل يعني غير يسلم عهده وكل شي وبعدين يرفعون فصله

يمديه باذن الله يرجع لعمله بس يجيب عذر مناسب او يمكن يتوقف كم اسبوع مع خصم راتب

اما اذا كان قراره فصل نهائي يسوي اعاده للداوم وبعد سنه يرجعونه لداومه باذن الله ...


هذا اللي اعرفه ويحي من يفيدك

الله يسعدك ويكتب لك الاجر ويجزاك خير

[الكلية الأمنيه]

إذا كان لديه عذر مقنع بسبب غيابه ومصدق من مستشفى حكومي له الحق بأنه يطالب بقبول العذر

ومثل ما ذكروا الأخوان خلي أحد كبير يروح معه لقائد قطاعه الي فيه أو مدير المركز إذا كان بمركز دوريات منطقه ويكتب فيه معروض مستوفي فيه كافة الأسباب الي دعته للغياب .

ويرفق معه العذر الطبي

وقولي له لا يترك وظيفته والله أنه غلطان الناس تدور للعيشه وهي تجيه ويرفسها الله يصلحه ويهديه ...

ترى تنقص من نقاط الترقيه وتحفظ بملفه ولو انفصل وهو عريف إذا أعادوه بعدين يرجع للرتبه الأدنى

[عاطل فخم]

مثل ماقالو الشباب خليه ياخذ معه واحد كبير
او يشوف له واسطه وان شاء الله يرجعونه
وخليه يجيب معه الشهادات الشكر وان شاء الله مايحصل الا كل خير

[موسيقار اسيا]

اذا مافي اي عذر للغياب والله البلشه
الله يعينكم

[ياحظي الشين قم]

بسم الله الرحمن الرحيم
السلام عليكم ورحمة الله وبركاته
بعض الناس يمر بحاله نفسيه يكره الدوام ويمر بضغوط خليه يكشف عند دكتور ويصدر تقرير
وان شاءالله خير بأذن الله