الزواج من عاطل

[الحياة مستمره]

انا صراحة استغرب من طيحة وجيه اهل العاطل اللي يخطبون لولدهم سوا قريب او بعيد الا اذا كان جامعي وينتظر الوظيفه بس شاغل نفسه بشركة بقطاع خاص لو راتبها الف مو مشكلة بتفرج
الان هو زمن المرأة ممكن تحتاج الرجل بالخلفة اما الباقي كله عليها وظيفة مصروف البيت تربية اولاد مابقي الا تسوق ويصير الرجال مامنه فايده
وقالها طارق الحبيب المرأه بدت ترجع لزمان كان كل شي ايام البادية المرأه عليها كل شي طبخ وتسرح بالغنم وماترجع الا المغرب والان نفس الشي
طيب انت ياعاطل كيف تتقدم لبنت الناس كذا ؟
لازم تحس وتهز رجولتك والله اني شايفه بيوت كثير مليانه بنات وبالمقابل عيال مو عاطلين الا سرابيت
انا ماعندي مشكلة لو راتبه الفين بس يشتغل مو متسدح ويدور بنت موظفة او متخرجة واكيد بتتعين

[موظفه مغتربه]

ان كان موظف اوعاطل هذا نصيب بنهايه والبعض تتزوج عاطل يمكن ظروفها اجبرتها على هذا الشي يمكن الشخص هذا كل الصفات اللي تتمناها توفرت فيه يمكن ربي ما كتبه له وظيفه وهي تشوف انه شخص مناسب لها وفرق الراتب ابد مو مهم ولا له اي اعتبار اذا الشخص يستاهل بعض الازواج رواتبهم كبيره وما يصرف على زوجته اذا موظفه وبعضهم راتبه قليل وزوجته موظفه والحياه بينهم مشاركه ولا فكرت بفرق الراتب / والبنت الوقت هذا ما تهتم براتب كثر ما تهتم وتتمنى ان الله يرزقها الشخص اللي يصونها ربي يوفق الجميع

[نورجده]

أسأل الله عزوجل أن يرزق شبابنا النساء الصالحات ويرزق بناتنا الشباب الصالحين
والله الذي لا إله إلا هو إن مافي اطيب من بناتنا ورجالنا والله يسخرهم لبعض ويرزقنا جميعآ
الصالحين قولوا آمين

[موظفه مغتربه]

نور جده ربي يجزاك خير على هالدعوات / واللهم امييين

[القمربوبو]

والله اقعد بيت اهلي احسن من الزواج من عاطل

لاااااااااابد من الوظيفة شلون بياكل زوجته وعياله

[هناء العمراني]

انا الحمدلله موظفه بس ماأتزوج أقل مني لاشهادة ولا راتب
وحدة أعرفها بالدوام زوجها رابع ابتدائي الله واعلم تقول انه عسكري بس يخليها تدفع ايجار الشقه وطلعت سيارة وكاله
كل كلمه والثانيه راتبك اكثر واقوى مني
طبعا مايعطيها مصروف

[الرسايل]

لا طبعا العاطل مايزوجونه ليش ماحصل وظيفة ؟
لو بالفين ريال المهم يطلع برا البيت ويترزق
الشغل للزوج ضروري عشان نفسيته
ويكون قادر على تحمل المسؤولية
و القوامه سواء من مصروف وغيره

[اخبارك]

بتو فيق

[اعاني بسكات]

الله يوفق الجميع

[اديم السمااء]

ما نقدر نطلق قاعده عامه في هالموضوع كل حاله لها ظروفها واشخاصها ..

مشكلتنا اننا نتبنئ بشكل او باخر أراء الآخرين بدون ما نحس او ع الأقل نتأثر فيها !

ممكن تصير انو موظفه تتزوج عاطل - لما تكون لهم ظروف كشخصين متفقين تشرّع لهم هالوضع -

اما مسألة راتبه يكون اقل من راتب زوجته ذي تفاهه مع احترامي!
ارتباط اثنين بروح وحده من الوفاق والأنسجام اعمممق بكثير من هالشكليات
طبعًا في حالة فُقد هالعمق اكيد راح تمتلي العين بالماديات وعساها تملاها ..