تجمع متعينات حائل

كتابي قرأني · #1 (**permalink**) 25-08-2014, 01:08 PM

السلام عليكم ورحمة الله وبركاته
حياكم الله اخواتي مرشحات حائل
تم فتح التجمع لتيادل المنفعة بكل مايخص امور المتعينات الجدد
بدءا بالمقابلة والسكن والتوصيل وكل امورنا
أسأل الله العلي العظيم التوفيق وتيسير الامور

كتابي قرأني · #2 (**permalink**) 25-08-2014, 01:11 PM

انا حاسب آلي وترشحت بحائل متوسط
وننتظر تكامل يفتح لحجز موعد المقابله

همسات الورد · #3 (**permalink**) 25-08-2014, 04:11 PM

[align=center]
جزاكي الله خير عالتجمع
انا تخصصي علم نفس وساكنه بالرياض
كم تبعد حايل عن الرياض ؟؟
[/align]

كتابي قرأني · #4 (**permalink**) 25-08-2014, 05:06 PM

500 وزياده

عنوووووووووودي · #5 (**permalink**) 25-08-2014, 05:13 PM

انا تخصصي تربية خاصة مسار اعاقة سمعية تعينت بحايل ابتدائي بس ودي اعرف وش افضل القرى من ناحية الخدمات والقرب لحايل نفسها يعني لوسط المدينة لان بتكامل حاطين 11 قريه ارتبها
سميراء,موقق,النفود,العلم,السليمي,الشملى,الحائط,الغ زالة,الشنان,بقعاء,حائل ياليت اللي عندها معلومات تفيدنا

كتابي قرأني · #6 (**permalink**) 25-08-2014, 05:14 PM

ممكن احد بساعدني بترتيب القطاعات الاقرب لبريده ثم حائل الشنان
سميراء
حائل
الغزاله
موقق
بقعاء
السلمي
الشملي
العلم
النوفود
الحائط

ضياء فجر · #7 (**permalink**) 25-08-2014, 08:17 PM

مبارك ترشيحكم يارب، والله ييسر ما تبقى يا كريم
ترتيب القطاعات إذا دورتوا بالنت بتلقون أكثر من ترتيب، وطبعا كله على حسب المدينة اللي بتسكنين فيها
فيه الأقرب للقصيم والأقرب للمدينة والأقرب للجوف والأقرب لحائل نفسها

بصراحة مرة احترت بترتيب المدن، بس بالأخير تقريبا تخصصنا شبه محسوم وضعه
لأن العدد اللي طالبينه مرة قليل فأكيد أمر المدارس محسوم وما فيه خيارات
لذلك استخرت ورتبت بس ما تحمست وقريت مرة، والله يكتب الخيرة لنا ولكم يا كريم

للي حاب يشوف مكان القطاعات اكتبي بقوقل (صور) قطاعات حائل
وراح تطلع لكم خريطة فيها أغلب القطاعات رتبوها حسب ما تحبون

بالنسبة للقصيم حسب ما قريت الأقرب سميراء والشنان
وفيه موضوع بعالم حواء قديم عام 1433 تجمع مرشحات حايل
لسه ما قريته لأنه طويل بس شكل فيه معلومات كثير ممكن تفيد

حبيت أسألكم بعد ما حطيتوا الرغبات طلع لكم موعد المقابلات؟
يقول لسه ما تحدد التاريخ، وحاول الدخول فيما بعد
وأنا ماني عارفة كيف الوضع الحين، خصوصا الدعوة فيها سفر :/
الله ييسر أمرنا وأمركم يارب، ويتمم لنا على خير

بلغوني وش يطلع معكم بالموقع ربي يجزاكم الجنة

عنوووووووووودي · #8 (**permalink**) 25-08-2014, 09:00 PM

يابنات وش وضع الفحص وين نسويه بالرياض ولا وين ؟؟

كتابي قرأني · #9 (**permalink**) 25-08-2014, 11:42 PM

فتحت المواعيد من الثلاثاء للخميس
والمشف الطبي تسوينه بحايل نفسها بمستشفى بعد ماتروحين للمقابلة تسوين الكشف ثم تعطينهم الاوراق
وحسب الاعوام السابقة مايسون لك كشف ولا شي بس يوقعون اوراقك وتتوكلين