مشروع رائع بدون عمالة وبرأس مال بسيط وربح عالي ومضمون ان شاء الله

[فارس66166]

السلام عليكم ورحمة الله وبركاته
ما اطول عليكم
مشروع برأس مال قليل وربح مضمون ان شاء الله ويناسب الجميع
الفكرة هي :
" شراء كرسي المساج الذي يعمل بالعملة الورقية وتركيبة في المكان الي تشوفه مناسب مثلا:
1. المشاغل و الاندية النسائية
2. الفنادق و الشققق الفندقية
3. المولات ومراكز التسوق
4. اماكن الانتظار في المستشفيات والمراكز الصحية
5. الاندية الرياضية أو مراكز الترفية
6. المطااااارات
7. اهل مكة ممكن وضعه في الفنادق القريبة من الحرم
.
.
يعني امااااكن كثيرة ممكن تحط الكرسي فيها

#نجي للمكاسب :
جهز ورقة وقلم
اذا بتبرمج الكرسي كل خمس دقائق مساج بخمسة ريال فقط
الساعة فيها 60 دقيقة قول على اقل احتمال الي استخدم الكرسي في الساعة 4 اشخاص فقط
وكان موقع الكرسي في مكان عادي مثلا في مشغل
يطلع ربحك في الساعة 20 ريال
إذا المشغل بيشتغل 8 ساعات يوميا يطلع ربحك في اليوم 160 ريال
ربحك في الشهر 4800 ريال وانت مرتاح
خل المشغل ياخذ منك إيجار 1000 ريال
صافي ربحك 3800 ريال للكرسي الواحد بالشهر
شهرين واشتر كرسي ثاني من ارباحك يصير دخلك 7600 ريال شهريا
وهم شهرين واشتر الثالث من ارباح الكرسيين السابقين يصير دخلك الشهري 11400 ريال شهريا

واذا انت ذكي ممكن تحط الكرسي في موقع ممتاز زي المولات واماكن الترفيه ويدخل لك 10,000 ريال شهريا

#مميزات المشروع :
1. ينفع حق الشباب والفتيات كبار وصغار
2. ينفع للموظفين وغير الموظفين
3. لا يحتاج الى عمالة
4. رأس المال قليل جدا فقط قيمة الكرسي
5. ربح مضمون بإذن الله
6. مايحتاج تتابعة يوميا ممكن نهاية الاسبوع تجي تاخذ فلوسك والله يحفظك
...

[مرام السكره]

فكره ممتازه

[فارس66166]

ما استطيع ارسال الرسائل بسبب عدد المشاركات
الي خبرني بالموضوع احد الزملاء شافه في احد فنادق مكة يقول صاااافين عليه سرى
هذي احدى المؤسسات الي توفرة في الرياض
http://www.osoulalraha.com/projects.html

[مرام السكره]

بكم سعرو طيب اخوي احسو غالي

[qa22]

المشاركة الأصلية كتبت بواسطة مرام السكره

بكم سعرو طيب اخوي احسو غالي

أسعار كرسي المساج تبدأ من 6000
طبعا اللي حاب يبدأ بهذا المشروع نصيحتي أنه يشتري من برى لأن اللي عندنا من أسوأ الخامات من ناحية الجلد
في شركة صينية تصنع هذي الكراسي ومواصفاتها أوربية سعره في حدود ذا المبلغ

[ghroob]

يعطيك العافية اخوي فارس

طيب اخوي qa22 تقدر تعطينا معلومات عن افضل المواصفات ووين نلقاها

[بوحسونه]

شايف في محل يبيع مثله بس ناسي وين يافي الراشد مول بالخبر, أو بمجمع الظهران.
بالتوفيق.

[فارس66166]

اذا بجيبها يا شباب من برى اش وضع الضمان والصيانة ؟؟
اردها لهم ولا لهم فرع في السعودية يصلحها لي ؟

[رونالدينو]

لا تنسى الاعطال و لا تنسى الناس اللي تعبث و لا تنسى التصاريح

[فارس66166]

اذا بيدخل لي الكرسي الواحد في السنة 30 ال 40 الف خله بعد السنة ان شاء الله يحترق
راس مالي بيرجع لي بعد شهرين وبعد الشهرين الاربااااح كلها لي
مثال لو يدخل لي 3000 بالشهر وانا شاريه مثلا ب6000
ارباحي في السنة 30.000 ريال للكرسي الواااحد

وغير كذا ما فيه لا تاريخ صلاحية ولا يحاتج الى العمالة والجميع يعرف غثى العمالة

انا مقتنع فيه جداااااااااا
والان في طور البحث والله ييسرها