هل اغامر بهذا المشروع

[مالقيت أسم والله]

السلام عليكم

تنصحونا اغامر بهذا المشروع لان مشروعنا الحالي يحط لنا بالكثير 150 الف والغالب بين 40 - 70 الف وهو المشروع بالعقار وطبعا بالسنة

المشاركة الأصلية كتبت بواسطة qa22

مثلا تفتح مؤسسة نقليات وبعد ذلك تدور لعمال باكستنيين تتفق معاهم تشتري لهم دينات وتأجرها عليهم
طبعا سعر الدينا النظيفة 50000 وتزود شوي
طبعا هم بيستأجرونها ب2500 بالشهر
ابدأ بعشر دينات في الأول
شهريا راح تدخل 25000
سننويا 300000
طبعا المشروع راح يكلفك حوالي 600000
طبعا في الأول ولأخير لا زم تكون العمالة على كفالتك عشان تضمن انهم يعتنون بالدينا
طبعا لازم كل 8 سنوات تشتري جديد

هل هذا المشروع موثوق منه 100% هل يحتاج جهد ( اهم شي ) هل القى زباين او لا هل تعرف احد اشتغل بنفس ذا الشغل

لان 600 الف احسها كثيرة شوي

لاني قريت مواضيع كثير عنه كثير قالوا المشروع يدر علينا ارباح حتى واحد رجع له نفس راس المال في سنة فقط ..

شاكرة لكم على مشاهدة موضوعي... وحتى ان لم ترد

[اكمل الفراغ]

كويس لاكن يتعبك بعض الشي كل نهاية شهر تجلس تطردهم علشان يدفعون لك .

والسيارات والنقل مربح بالسنتين والثالثه تبدا مشاكل . هي حلوه اذا بعقد وتكون الصيانه عليهم ..

لاكن فيه موءسسات تاجرها عليهم بعقد وبدون سواقين وبدون كفاله بس تكون السياره بأسمهم لما ينتهي العقد 5 سنوات

مثل نقل المواد الغذائيه المبرده .. مو عفش يعني ..

اذا حابب ادلك على كذا موسسه كلمني ..

[qa22]

المشاركة الأصلية كتبت بواسطة مالقيت أسم والله

السلام عليكم

تنصحونا اغامر بهذا المشروع لان مشروعنا الحالي يحط لنا بالكثير 150 الف والغالب بين 40 - 70 الف وهو المشروع بالعقار وطبعا بالسنة



هل هذا المشروع موثوق منه 100% هل يحتاج جهد ( اهم شي ) هل القى زباين او لا هل تعرف احد اشتغل بنفس ذا الشغل

لان 600 الف احسها كثيرة شوي

لاني قريت مواضيع كثير عنه كثير قالوا المشروع يدر علينا ارباح حتى واحد رجع له نفس راس المال في سنة فقط ..

شاكرة لكم على مشاهدة موضوعي... وحتى ان لم ترد

يالغالي لحد الن شكلك ما فهمت المشروع ولا كيفية ادارته
1-تبحث عن عمال شغالين في مشاوير الدينات وأفضل عمالة هم الباكستانية لأنهم يعتنون بالدينا
2- تتفق معاهم على انك تشتري لهم دينات وتأجرها عليهم طبعا كل موديل له سعر اذا أخذت الدينا جديدة تأجرها ب3500 وأنت نازل على حسب الموديل
3- تنقل كفالتهم عليك وتشتري لهم الدينات والكثير منهم هو اللي يروح المعارض ويدور له بمعرفته ويكلمك تجي تشتريه
4-طبعا العمال لا تتوقع انهم بيجلسون عندك يدورون الزباين هم يطردون ورى المواسم خذ مثلا موسم الحبحب تحصلهم ذلحين في وادي الدواسر وساجر ووقت الرطب تلقاهم في المدينة يحملون يعني كل موسم في منطقة
5- تتواصل معاهم كل أسبوعين أو ثلاث
طبعا نهاية كل موسم يدقون عليك ويعطونك المتفق عليه
5- بالنسبة للصيانة هم المسؤولين عنها وعن الأعطال لكن لا يضر ان شفت انهم مجتهدين ومنظبطين انك تخلي لهم شهر في السنة كتحفيز لهم
في الأخير هذا المشروع يعتمد نجاحه على العامل ولذلك أحذرك من العمالة المصرية واليمانية لأنهم ما يعتنون بالموتر وان تعطل الموتر صلحه أي كلام
اذا أنت ناوي على المشروع روح عند الباكستنيين أهل الدينات وهم يعطونك كيف عملهم من الى
والله يرزق الجميع

[qa22]

طبعا توجد مخاطر لهذا المشروع مثل أي مشروع
- قد يتعرض العامل لحادث من أول أسبوع لا قدرالل مما يضطرك لمساعدته على الأصلاح
طبعا اذا صار له حادث من المستحيل أنه يقدر يدفع لك الأجار الشهري
فانت استشر واستخر
وبالله التوفيق

[مالقيت أسم والله]

المشاركة الأصلية كتبت بواسطة qa22

طبعا توجد مخاطر لهذا المشروع مثل أي مشروع
- قد يتعرض العامل لحادث من أول أسبوع لا قدرالل مما يضطرك لمساعدته على الأصلاح
طبعا اذا صار له حادث من المستحيل أنه يقدر يدفع لك الأجار الشهري
فانت استشر واستخر
وبالله التوفيق

انا فاهمته

وما افضل العمال ؟

شكرا لك

[qa22]

أفضل عمالة هم الباكستتيين والأفغان غيرهم لا تدورون

[عبدالله الروقي 1]

حسب الكلام يبدو أنك سيده ؟


دائما يا اخوان واخوات

عند الاستشاره مهم جدا ذكر مدينة المشروع
لإن بيئة المدن تعتبر قاعده اساسيه في تشغيل المشاريع ولابد من اخذها بالحسبان




أخيرا

إن كنتي سيده
طبعا ستواجهين مشكله في إدارة مشروع كهذه
والمشروع ممتاز ولكن يعتمد على دراسة الاحتياج له

والافضل ان تكون المؤسسه بأسمك ومؤسسة نقل
والعماله على كفالة المؤسسه والتشغيل لصالح المؤسسه

وفقك الله

[مفخره]

اخوي لا تكبر اللقمه وتغص

ابدا مشروعك بدينا وحدة اذا شفت الشغل تمام جب دينا ثانيه وكذا
بس لا تقول ابداء قوي وانت ماتعرف اصول الشغله

[معهد رياده]

المشاركة الأصلية كتبت بواسطة مالقيت أسم والله

السلام عليكم

تنصحونا اغامر بهذا المشروع لان مشروعنا الحالي يحط لنا بالكثير 150 الف والغالب بين 40 - 70 الف وهو المشروع بالعقار وطبعا بالسنة



هل هذا المشروع موثوق منه 100% هل يحتاج جهد ( اهم شي ) هل القى زباين او لا هل تعرف احد اشتغل بنفس ذا الشغل

لان 600 الف احسها كثيرة شوي

لاني قريت مواضيع كثير عنه كثير قالوا المشروع يدر علينا ارباح حتى واحد رجع له نفس راس المال في سنة فقط ..

شاكرة لكم على مشاهدة موضوعي... وحتى ان لم ترد

وعليكم السلام يا هلا

تبي نصيحه لوجه الله
اولا المشروع يحتااج جهد كبير وموسمه الدراسه بعد كذا راح توقف النقليات وما تعرف وين توديها فانا من وجه نظري لو كنت تملك مبلغ فوق 100.000الف شوف لك مشروع محتاجه السوق بشكل يومي مثل الخضار سوبر ماركت بنشري اي حاجه لها احتياج يومي

نصيحه لا تبهذل عمرك وتضيع عمرك بمشروع لها موسم واحد فقط وبعدها تدفع من جيبك

ماحد يجازف بملغ 600.000الف في كم باص عشان يستثمره بالمدارس فاغلبهم ما اقدم الا وعنده علاقات قد الدنيا بحيث في الصيفيه وهو مشغل الباص على شغل مضمون 100%

وعلى ما اظن ان اغلب المؤسسات فقط نسب بينهم كل واحد يجيب باص ويشغله وهو ملك له يعني ما عاد يدري وين يودي الفلوس

<< مجرد وجه نظر وكلن له وجه نظر

وفقك الله

[nasseraldawood]

المشاركة الأصلية كتبت بواسطة اكمل الفراغ

كويس لاكن يتعبك بعض الشي كل نهاية شهر تجلس تطردهم علشان يدفعون لك .

والسيارات والنقل مربح بالسنتين والثالثه تبدا مشاكل . هي حلوه اذا بعقد وتكون الصيانه عليهم ..

لاكن فيه موءسسات تاجرها عليهم بعقد وبدون سواقين وبدون كفاله بس تكون السياره بأسمهم لما ينتهي العقد 5 سنوات

مثل نقل المواد الغذائيه المبرده .. مو عفش يعني ..

اذا حابب ادلك على كذا موسسه كلمني ..

انا ياخوي ودي تدلني عليها