مشروع نقل المعلمات مع اضافه بعض المميزات

[أعبدالله]

النقليات حتى لو مافي هالخدمات الانترنت ومدري ايش ، اهم شي عندهم عدم التأخير بالمواعيد
فكرة موجودة وممتازة والله يرزقك يا ولد جدة

[ولد جدة من قده]

الباص يااخذ 15 معلمه صح وتنصحني في هالمشروع بعد توفيق الله

[نايوفيتش]

شد حيلك ، وابدا . وان شاء الله مانت ندمان .

واذا بغيت تعرف كم ريال ربحت عليك بدراسة جدوى صغيرة وتعرف اللي لك واللي عليك .

[ولد جدة من قده]

دراسه الجدوى كيف طريقتها جزاك الله خير ومن يفيدني فيها

[نايوفيتش]

دراسه الجدوى مثل ان تحسب
كم تستهلك كفر في السنة
وكم مرة راح تغير زيت
وكم كيلو راح تمشي
وكم تكلفة الانترنت
وكم تكلفة المشروبات
وكم تكلفة البنزين
وكم تكلفة صيانة السيارة
وكم مرة تغير فلتر زيت ومكينة
الى اخرة

بعدها تحسب كم معلمة راح تنقل
وكم راح تاخذ من كل وحدة
وكم مرة راح تعطلك معلمة من المعلمات
وكم المسافة الي راح تقطعها




تجمعها وتحسب كل شي وبعدها تشوف في الاخير انت رابح او خاسر
عشان تكون على بينه كم يطلع لك ريال في الشهر الواحد
وكم ريال ربحت في الساعة الوحدة

ماهي صعبة لكن يبيلها وقت

[منتسب منذ مبطي]

انصح كل من ينقل المعلمات بالطرق السريعه ان يحمل سلاح معه وعدم الوقوف نهائياً على الطريق لأي سبب كان لكثرة قطاع الطرق والسكارى

[أ فاطمة]

جميله هي الاضافات اللي اقترحتها انت

لكن اهم من هذا كله سائق يخاف الله غير متهور بالسرعه


موفق يارب

[ولد جدة من قده]

جزاك الله خير