بخصوص المقديمن ع الحرس الوطني وخاصه المتعينين بالرياض .. حياكم

[ياموعدي وقف صبر]

سلام عليكم
كيف حالكم يالربع ىتقبل الله صيامكم وقيامكم
واتمنى ان الجميع يكون باحسن حال

ياشباب الي عنده معلومات عن دوره المتعينين بالرياض ياليت يطرها هنا
والي عنده تسالات او نقاشات او استفسارات او مشاكل او افادات
واتمنى الجميع يشارك خاصه المتعينين بالرياض

وعندي استفسار انا تعيينت برتبه و رقيب بالرياض في مديريه الامداد والتموين وانا ماني عارف وين موقعها او بأي لواء وماني عارف كم راتبها ووش بدالاتها وكم نسبه الزياده فيها .
ياليت الي عنده اي معلومه او افاده ياليت يتفضل

ويالله ححي الجميع ❤️.

[دحدوح العتيبي]

^

دام قلت أستفسار بأستفسار عن شي
حاليا فيه تقديم في الحرس الوطني [ التسجيل لرتبة رقيب فأدنى ]
وهاذا موقع
http://job.sang.gov.sa/central/

تقديم بيكون في القصيم او الرياض او الاحساء وقدمت فيه واعطوني رقم ملف

الحين استناهم يرسلون لي ولا اتابعهم في موقعهم ولا وش سوات

..؟

اذا فيه اجابه أفيدني أو غيركك يفيدني

^.^

[فيصل العت]

صباح الخير

انا تعينت في الرياض على رتبة وكيل رقيب تخصص متفجرات في كتيبة لواء الملك خالد ومخلص الكشف الطبي في شهر 5 وسلمة الاوراق بعد ماطلعت نتايج الكشف في شهر 6 والى الحين استنى رسالة التنسيق لدورة

الي يعرف عن موعد الدورات ف الرياض يردلناا خبرر تكفوووووووووون

[ياموعدي وقف صبر]

اذا خلصت من التقديم فالموعد انتظر رساله على جوالك منهم .. واحتمال بعد العيد تجيك الرساله احتمال

[aboamy]

انا تعيني في الرياض ورتبتي عريف ومكان التعين في المدرسة العسكرية للعلوم الصحية مسلم اوراقي بشهر 8 ومنتظر والله يسهل امرنا ويوفقنا
بصراحه مةعد الدوره ما فيه موعد محذ الي حد الان لكن من كلام الشباب في بعض الردود ان فيه دورتين حق الاحساء بعد العيد وشهر 11 وان دورة الرياض السنة الجاية اي شهر واحد هو مو اكيد لكن شخص يسال شخص والله اعلم متي موعد الدوره الله يعجل علينا بالدوره ويسعدنا دنيا واخره

كلامي عند موعد الدوره كله منقول والله يفرج همنا

[مسلم امري لله]

روح وانت مغمض رااحة وممتازة
وتراها مستقله ماتتبع احد
ورقيب ماشاء الله يعني فوق الراحة راحة
الراتب ع حسب البدلات
لكن اهم شي انك ماطلع رقمك في الالوية الاليه هي التعب والشقى احمد ربك (:

[معالي العريف]

كيفكم شباب أول شيء مشكور على الموضوع المهم جدا
الرتبة / جندي أول
المكان / وحدة الصيانة و التموين
التعيين / الرياض
مسلم أوراقي بشهر 7 وللحين انتظر رسالة تنسيق الدورات ياليت اللي تجيهم رسالة وهم تعيينهم بالرياض يبلغونا أو أي واحد توصله معلومات أو شيء بخصوص الدورة يبلغنا بعد ومشكور مره ثانية أخوي

[مستر كعكوعي]

يعطيك آلفف عافيه ي صاحب الموضوع ع هالطرح
وبالنسبة لي تخصصي أسلحة وذخيره جندي أول التعيين بالرياض
اللي عنده خلفيه أو معلومات عن هالتخصص يعطيني خبر
أوراقي مسلمها ب شهر 8 وطبعا الرساله حقت فرز الدورات راح تجي بعد العيد
حسب.كلام الموظف حق شباك الفرز

[معالي العريف]

المشاركة الأصلية كتبت بواسطة مستر كعكوعي

يعطيك آلفف عافيه ي صاحب الموضوع ع هالطرح
وبالنسبة لي تخصصي أسلحة وذخيره جندي أول التعيين بالرياض
اللي عنده خلفيه أو معلومات عن هالتخصص يعطيني خبر
أوراقي مسلمها ب شهر 8 وطبعا الرساله حقت فرز الدورات راح تجي بعد العيد
حسب.كلام الموظف حق شباك الفرز

مشكور كثير اخوي ريحتني الله يجزاك كل خير بس ياليت توضح اكثر حق شباك الفرز حدد لك يعني قال اللي تعيينهم بالرياض تجيهم الرسائل بعد العيد ولا كلمك بصيغة الكل

[معالي العريف]

وياليت كل اللي تعيينهم بالرياض يقولون رتبتهم والوحده او الكتيبة اللي هم فيها عشان نعرف ممكن فيه بعضنا بنفس المكان وشكراا