مطبخ حلول البطالة |♨

[وطن حلم]

عشان تطلع لج اللقيمات مقرمشه من خبرتي المتواضعه جدا
اول سر طولي وانتي تعجنين فيها \ اعجني اعجني اعجني وهذا سر من الاسرار لمدة عشر دقايق او زيدي شوي
والسر الثاني ضروري يكون الزيت حاار قبل لا تبلشين ولمن تبلشين خلي النار هاديه
واهم شي لا تحطين القطر عليها الا لما تبرد

وجربي هالطريقه
واحد كوب دقيق
واحد ونص ملعقه حليب باودر ملعقه كبيره طبعا
ملعقه كبيره كاسترد او نشا شوفي انا اكثر شي احط نشا بس الكاسترد يعطيها لون مره حلو
ملعقه صغيره سكر
واقل من الملعقه الكبيره بشوي خميره
ذرة ملح واخر شي كاس ماي دافىء وبس

جربيها وقوليلي رايك

[نسيانْ]

^ صح عليك
بالنسبة لي جربتها مرة وحدة ولاضبطت تصير ام قرون :"(
خليتها على اختي : p ، طريقتك وطن مثل طريقة اختي وتجي تمام
وفي طرق ثانية حافظتها عندي بنزلها ان شاء الله


شكرا وطن على الطريقة
وشكرا ل طيف على رفع الموضوع

[نسيانْ]

اللقيمات







منقول

[طيف ذكرى]

سويتها

شكرا وطن حلم ونسيان بس الأشكال والحجم لكم عليها يبي شوية تدريب وأتقنها إن شاءالله

[وطن حلم]

العفووووووووووووو حبيبتي
وطبعا الاشكال الغربيه بالبدايه تطلع لج
والله امي كانت تقولي رسوم متحركه هههههههههههه
مع الاستمرار والتعود راح يظبط الشكل يصير سيم سيم

[أُتـرَجة]

ذكرتوني بالمطبخ في رمضان

اللقيمات تخصصي في رمضان : )

إحتمال مو أكيد ^^..قريباً أسوي سليق بالقشطة وأنزل لكم الصورة

[وطن حلم]

المشاركة الأصلية كتبت بواسطة ≈●• أُتـرَجة •●≈

ذكرتوني بالمطبخ في رمضان

اللقيمات تخصصي في رمضان : )

إحتمال مو أكيد ^^..قريباً أسوي سليق بالقشطة وأنزل لكم الصورة

يعطيج العافيه
بانتظارج

[الراآسيه]

المشاركة الأصلية كتبت بواسطة ≈●• أُتـرَجة •●≈

ذكرتوني بالمطبخ في رمضان

اللقيمات تخصصي في رمضان : )

إحتمال مو أكيد ^^..قريباً أسوي سليق بالقشطة وأنزل لكم الصورة

وين السليق بالقشطه
.
تفننوا ورونا السناعه
.
الموضوع هذا يبقى مفتوح لانه عام كل اﻷعضاء مشتركين في إعداده

[جانيت]

يا الله معقولة الموضوع له سنة..!!
أشوف المطبخ مكركب..والمواعين حالتها حالة
يلا يابنات خلونا ننظفه ...

[حُلُمي التدريس]

من أين ظهر الموضوع في وقت فرط الجوع

يلا جانيت بسم الله لازم نقسم الأشغال بيناتنا مو ناس تكرف وناس نايمة