27-01-2015, 11:48 PM
|
عضو نشيط
|
|
تاريخ التسجيل: Jun 2009
المشاركات: 191
معدل تقييم المستوى: 96873
|
|
السلام عليكم ورحمه الله وبركاته
بنات حابه اقول لكم عن وظيفه بمدرسه اهليه اذا تعرفون وحده محتاجه ومناسبه لها تعلمها
المدرسه كويسه ومالكتها ممتازه وتخاف الله حسب اللي قالت لي عنها
المهم ولا اطول عليكم
الوظيفه مشرفه باص يعني دورها ان الصبح يمرها الباص اول وحده عالساعه ٦ تقريبا وتمر الطلاب والطالبات كلهم روضه وتمهيدي فقط تاخذهم وتوديهم المدرسه وتوقع ويرجعها الباص بيتها الساعه ٧ وتنام لين يرجع ياخذها الساعه ١١وربع وتروح المدرسه بيكونون مجهزين لها الطلاب وصافينهم لها طابور وتركبهم وترجعهم بيوتهم ويرجعها بيتها عالساعه ١٢ او ١٢ونص بالكثير ،
وبس هذي الوظيفه مافيها دوام رسمي ولاشئ والراتب 1500 وعلى فكره عدد الطلاب اللي يمرهم الصباح قليل مره ومايوصل حتى ١٠ وبالظهر تقريبا 14
انا قلت لكم للي عندها ظروف وماتقدر تداوم باي مكان تروح تقدم ومو شرط لكم ،، ادري انكم جامعيات ومن حقكم تاخذون ٥٦٠٠وراتب افضل لكن الشغل ماهو عيب والله لايحدكم ان شاء الله ،، للي حابه تجرب تراسلني خاص واعطيها رقم المدرسه
واللي محلي الشغله انهم ماراح يسجلونك تامينات ولاموارد و ع راحتك يعني للي يصرف لها حافز او ضمان او تشتغل مسائي ماراح تأثر عليها الشغله وزياده خير وبركه ،
انا اعرف الحين ان فيه منكم الحين بتسب الشغل وبتجيني تعليقات سلبيه لكن انا والله العظيم فاعله خير واتمنى لكم الافضل لكن شئ احسن من ولاشئ خصوصا ان المديره نفسها تقول اللي بتجي تبشر بالخير لو كانت بكالوريوس او اي شهاده انا بفضلها عالمتقدمات كلهم واحطها اول وحده والاولى بالتوظيف في حال الاحتياج باي وقت ،
فكروا واستخيروا واللي ماتبي من حقها ومقدره وعارفه مهب قدركم والله بس حاولوا تشوفون احد محتاج وتبلغونها
الناس عندهم ظروف كثيره وياما قابلت بحياتي ناس تتمنى الوظيفه مهما كان راتبها ،،،
انا رشحت للمدرسه اكثر من وحده اعرفها شخصيا وموافقات لظروفهم لكن عشان بيوتهم بعيده رفضوا المدرسه
تعرفون المشوار يوميا وروحه ورجعه والمدرسه يبون وحده بنفس الحي وقريبه منهم عالاقل بالاحياء المجاوره لهم عشان مايتاخرون عن الطابور صبح ولا يتاخرون بالظهر ع اهاليهم
المدرسه في حي السويدي . وتقدرين تطلبين منهم اسبوع تجربه ،
اذا تعرفون اي وحده محتاجه بلغوها ،،، ومن فرج عن مسلم كربه فرج الله عنه
وارجع اكرر انا والله فاعله خير ولا لي علاقه ابد بالتوظيف فيها
ولحد يراسلني الا اذا هي جاده بالوظيفه رجاااااء بنات لاتحرجوني معهم ،
الله لايحوجكم ولايحدكم لمثل هالوظائف ويرزقكم ويعوضكم خير ويعطيكم اكثر مما تتمنونه يااااااااااااارب ،،
|
العرض العادي
