استفسار مهم بخصوص كسر في الدورة

[إصبر واحتسب]

[align=center]

السلام عليكم
جتني اصابه في فتره الـ45 من الهروله والتدريبات وكل يوم منقطع وحالتي حاله
المهم الحين طلعت من الـ45 ورحت ابي اتعالج طلع عندي كسر جهدي في عظم الساق تحت الركبه مباشره .. والدكتور يقول 3 شهور لاتمارس رياضه

السؤال وش بيكون وضعي بعد الـ45 وانا ماقدر اهرول ولا امشي مشاه عسكريه مضبوطه
وش بيقولون وهل بيطردوني او اجازه مرضيه جاوبوني ي اهل الخبرة ؟؟

[/align]

[الفتى الناجح]

ولد خالتي كان مصاب برباط صليبي المهم اجتاز الكشف الطبي مدري وشلون ممكن بالواسطه المهم دخل الدوره وقبل لا تنتهي باسبوع لاحظوا انه يعرج فاستبعدوه ، اتمنى ما يصير لك مثل ما صار له

[ضهير ايمن]

من المحتمل اعاده دورة .. او طي قيد

[نية صافية]

ما احطمك .. بس استبعاد

[عسول الرياض]

حسب الضباط والمدربين الي عندك اذ انهم رجال كفو ومايبون يقطعون رزقك بيساعدونك ويغطون عليك كان واحد بدورتنا بعد ال45 يوم واحد سمين يبي ينقز من السور يجيب عشاء طاح وانكسرت رجله وهو يبي يهرب مو تدريب مثلك بس المدربين غطو عليه ومشت اموره . الله ييسر امرك

[مسلم امري لله]

اذا انت بالامن العام الله يعينك
كان بدورتي بالجوية واحد ب ٤٥ سوا حادث والله اعلم او طاح المهم ان الرجال تكسر تكسير مايمشي الا بعكازات
وقت الحصص والجزاوات والتكميل جالس بالمهجع لين تخرجنا وتخرج معنا الحمد لله
الزبدة اذا مدربينكم كفو والرقباء
امورك تمام وان شاء الله ماعليك خلاف

[إصبر واحتسب]

الله يجزاكم خير ياللي رديتوا ودعواتكم إن شاء الله تتسهل

[صقَآر]

الله يوفقك ي رب

[دبلوم اتصالآت]

حسب المركز
احنا ف حرس الحدود خلصنا ال 45 ومن بداية الدورة فيه 2 مكسورين وعلى عكازات ولا طردوهم ولا شي

[طلالي الحربي]

على حسب مدينة التدريب

الامن العام حسب الي نسمع من خويانا .. اذا كانت اصابة وراحة طويلة ياخرونك دورتك ومثلها الدفاع المدني

اما دورات الفرد الاساسي الغالب منها يتجاوزون واعرف زملاء دورته كلها ٤٥ يوم والباقي ع السرير متبطح لين تتخرج