14 / 7 السبت من الساعه 5 ص الـي 10.36 ص

رساوي هلالي · #1 (**permalink**) 27-06-2010, 02:21 AM

[align=center]
السلام عليكم ورحمة الله وبركاته
ما أحب أطووول عليكم لاكن هذا ماحصل اثنا ء مقابلتي يوم السبت 14 / 7 / 1431
حضرنا الساعه 5 وصفونا وقاموا يعدون بالاسامي .وبعدين قسمونا الي 6 مجموعات .وبعدين أخذوا جوالاتنــا وقفلوهن لأننا في موقع حساس .وحطوا مع كل مجموعه عسكري .
بعدين
أخذونا بالباص علي مجموعتين الي صالة تدقيق الاوراق
اما بالنسبه لــ .الأستدعاء
الأفضــل أن الي عنده مقــابــله الأيـام الجــايه يكــتـــبه بالبيـــت ويزبــط خطـــه ويكتــبــــه وهــو رااايق .أحســن من تكتـــبه عندهم قروشه وحوسه ولا بعد تكتبه علي ملفك لا طاوله ولا شي .
بــس أهم شــي أن الأستدعـــاء يكــون مقدمــــا الـي
(( سعــــــادة قـــائــــد مـــركــــز التـــدريـــب الــوطــنــي بمنـــطقـــة الريــاض ))
عشان مايصير تعبك خساره .
وبعد تدقيق الاوراق رحنـــا الي لجنة الأختبـــار التحــريــري .الأختبـــار مكــوون من أربع أسئـــه .وعلي ماشفت من مقابلات بعض الأخوان هنا أن الأسئله أغلبـهـا مكــررهــا .

الســـوال الأول يقــوووول أنســخ القطعــه ... لأزم تصغــر خطــك لأن المســاحه صغيره للي يكتب بخط كبيـــر .

الســؤال الثانــي ...أذكــر الدول الي تحـــد من الأتجاهـــات الأربع ...
لاتكتب اسم الدول هذا خطأ . أكتب من الشمال كذا ... من الجنوووب كذا .... من الشرق .... من الغرب هذي الاجاباتالي يبونها

الســؤال الثـــالث ... تكلم عن أيجابيات الانترنت ...(هذا سؤال مكرر لأغلب الي قابلوا عنده )

الســؤال الرابع ... تكلــم عن سيرتك الذاتيه . نشأتك .ميلادك .
هذي الأســئله الي بالمقابله . بصراحه سهــله لأكن العســكري مايعطيــك الا 5 دقايق ويسحــب الورقه منك بدون تفاهم ... يعني خلك عجل بسرررعه
بعديــــــــن
رحنا للمبــنـــي المقــابـل الي راح يكوون فيه الكشف علي الطوووول وعلي النظـــر بصـراحه أحسن مافيهم التنظيم والترتيب .
بعدين يدخلوون شخصيــن للكشف علي الطووول وبصــراحه
يدققـــوون بالطـــول مــره
أنا طولي ناقص بس حاولت ارفع نفسي شووووي . لاكن كان فيه شخص خلفي جالس علي كرسي شكله ظابط .....؟؟؟ قالي نزل رجوولك
( بصراحه كنت رافع نفسي شووي وكفشني )
مدققيــــن مــــررهـ . وفيهـ واحد قدااامي قاس الممرض طووله . ويوم جاء عند الظابط او المسؤل قام ورجع يقيس طوله . مدري ليش . شكله شاك بطوووله ...

وبعديــن كشفنــا عــلي النظــــر بصراحه اللوحه تبعد عنك من 4 الي 5 أمتار يعني الي نظره 6/6
يدخل
والي عنده ظعف نظر
أنصحه يلبس عدسات لأنهم مايدققون ( بس أدخل بكل ثقـه ولا ترتبك)
أعرف شخص معنا دخل وهو لابسهن ولا دروا عنه

وبعدهــــا أخذونا مجموعات من 5 أشخــاص ويطلعــون فـــوووق للمقــابلــه الشخصيه
.((( الي خايف لايخاااف تراهـأ وربي معطينــانهـا أكبر من حجمـهـا )))
يـا خي تراهم يبون الي ياخذ ويعطي معاهم وجاوب لاتسكت لو الاجابه غلط اهم شي انك لاتقووول ماعرف او تسكت
اسمع. أنا سألني . سؤال لخمني فيه والله . قالي كم عدد الأشخاص الي موجودين هنا بس الحمد لله قدرت اعدهم ... هم يبون يشوفونك ترتبك ولا لا

وبعـــدهـــا أخذونا للباص وقالولنا الموعد 7 / 8 أن شاء الله القبول النهائي
أدعو لنـــا بالتوفيق والقبول النهائـــي
[/align]

احب الفقراء · #2 (**permalink**) 27-06-2010, 02:26 AM

والله تستحق التقييم على التنضيم
وتناسق الألوان
والشرح المفصل
واضح انك من مقبولين الرياض
اتمنى لك التوفيق

قوقل الغربية · #3 (**permalink**) 27-06-2010, 02:27 AM

الله يعطيك العافية ويوفقك يااارب ...

جني ثاني · #4 (**permalink**) 27-06-2010, 02:28 AM

اخوي تتكلم عن وش
والله مافهمت شي

مجرد بشر · #5 (**permalink**) 27-06-2010, 02:29 AM

يــ عـــطيـك الـ ع ــافيه انا موعدي يوم 16_7 يوم الاثنين
وآحآول البس العدسات الى الان ماعرفت لكن يوم الاحد العصر بلبسهـا وبواصل الين
اروح المركز
مشكور