بعد هروبي من الامن العام اقول لكم مع السلاامة

[انا وملفي حبايب]

بسم الله الرحمن الرحيم

السلاام عليكم ورحمت الله وبركاتة




اشكركم ياعظاء هذا المنتدى الرائع والمتميز
اشكركم على الوقوف معي في معاناتي اشكركم جميع




انا هربت من الامن العام بعد قبولي ودخولي الدورة خرجت منهاء يوم الاربعاء الي طاف بعدهاء تندمت وتحطمت افتضحت عند جميع اقاربي واصدقائي وسبب خروجي من الامن العام
صرت انسان بدون معنى
مررراح احصل وظيفة وانا عارف
وش راح اسوي
لكن هذا مقدر ومكتوب من الله سبحانة



حاولت ارجع دبرت واسطات حاولت وحاولت ولكن دون فايدة

بعدهاء ركبت سيارتي وصرت ادور في شوارع الرياض ودموعي على خدي جتني فكرة وانا ادور رحت البطحاء وشلت ركاب وديتهم الدمام ومن الدمام رحت البحرين ابي احاول اشيل الحزن شوي عني ولكن بدون فايدة
استاجرت فندق في المنامة وها انا الاان في مقهى انترنت في المنامة بلبحرين مقفل جوالي وجالس هناك ابي انسى الي صار صدقوني تعبت يشباب معاد اقدر اطالع في وجة ابوي ولا امي ولا اي احد من اقاربي انفضحت عند كل المجتمع حتى المجنون الي بحارتناء صار يتطنز علي





لكن الحمدالله على كل شي




تقبلو كامل تحياتي




ويرب تتوفقون في حياتكم وكل عاطل يحصل لة وظيفة ويرتاح



وانا لي رب العالمين

[التايه11]

انا وملفي يابعد حيي انت

الدنيا تساهيل وانا اخوك

ولا انت اول واحد ولا اخر واحد يترك الدوره وبيرزقك الله بأحسن من الامن العام ان شاء الله

ولا تشيل همها شي راح خلاص انساه وترا ناس واجد اللي سحبووو من الدورات ورزقهم الله بأحسن منها


فكر في الجاي ولا تفكر فاللي راح وشد حيلك

والله يوووفقك

اخوووك: التايه

[أبــونــاديــن]

اقووووووووووووووووووووول انت بتروووق ولا بشيل ركاب من الطائف للدمام الحين
ومن الدمام بجيك ع البحرين واتــــــــــــــــــــلك من أذانيك ارجعك للسعوديه ومن السعووديه على بيتكم


والله ياخوووك انك مكبر السالفه ومعطيها فوق حجمها

هووونها وتهوووون وانساااااااااااااااااااااااااااااااااهاااا ،، وانسى انك اصلا قدمت بالامن العام

اللي يسمعك يقول شردة من دورة ألويه ولا اركان


ياااخوك ( ياضايق الصدر بالله وسع الخاطر)
والله ياخوك منت اول واحد ولا آخر واحد وصدقني ما تسوى كل اللي جالس تقوله وتسويه
ياخوووي ما فيها شي وخل اللي يبي يتكلم يتكلم وش عليك انت
يعني كلام الناس بينقص منك رجل ولا يد؟!؟!

طووول عمر الناس تتكلم ولا راح ترضيهم ولا تسكتهم لو مهما سويت

لكن تعوذ من ابليس وارجع بيتكم وإرجع لاهلك وحب على راس ابوووك واستسمح منه
وبعدها روووح للغاليه الوالده وحب على راسها وروووووووح خذ دش واطلع وكل اي شي وبعدها ادعسهااااااااااااااا نووووووومه
واصحى وعيش حياتك ولا كأنه شي صار وانتظر التقاديم الجايه

ترى الدفاع المدني تقديمه قريب بس خلك جاهز




الله يشــــــــــــرح لك صدر يااااارب
ويزيل همك وغمك ويبدلها لك فرح وسرووووور يااااااارب

[لكبريائي روايه]

يآخوي إنت مو أول وآحد ولآ أخر وآحد يخرج من الدوره

وعآدي قدآأإمك وآحد العآم هرب من الدوره وهآلسنه جآته وظيفه

يآخي الأمن العآأإم مو أخر المطآف قدآأإمك الوظآيف جآيه

وشد حيلك وتوكل على ربك أهم شي لآتنسى صلآتك هي نورك بعد الله

والأهل دآيمآ يزعلون ولمصلحتك بس إنت حآأإول تتنآسى

وفكر في الجآي وإستفيد من هالدرس

وفآأإلك الخير يآرب

[بن دلش]

ليش هربت وايش السبب الي خلاك تهرب عشان نستفيد من بدري لان دورتنا قريبة
والله يكون في عونك وانا ما الومك على الي سويتة يمكن خيرة للللك

عسى ان تكرهو شيئا وهو خير لكم

[الشماال]

تدري متى الومك وأقول ان الي سويته عيب

إذا اثبت لي انك اول واحد يهرب من دورهـ

يارجال الدنياء والله ماتسوى شئ ادع ربك يوفقك بالي احسن منه

[أبــونــاديــن]

^^^^^^^^^^^^^^^^^^^^^^
الرجال يبي يفضفض وشارد من التحقيق
وانت الله يهديك جاي مطفي النوور وجالس تحقق معه وتنبش عليه

بعدين نعلمك ليش هرب

بالتوفيق

[هلالي20]

يارجال الدنياء والله ماتسوى شئ
والتقديمات إن شاء الله جاية وتقدم بأفضل قطاع
اهم شيء لا تسوي شيء <<<<ههههههه امزح خذ راحتكـ

[بن دلش]

المشاركة الأصلية كتبت بواسطة مجنون شهار

^^^^^^^^^^^^^^^^^^^^^^
الرجال يبي يفضفض وشارد من التحقيق
وانت الله يهديك جاي مطفي النوور وجالس تحقق معه وتنبش عليه

بعدين نعلمك ليش هرب

بالتوفيق

ايوا ليش هرب لازم نتعلم من الي قبلنا يا باشا يمكن يكون سبب غبر مقنع

[أبــونــاديــن]

^^^^^^^^^^^^^^^^^^
لا تعــــــليـــــــــق
سواااا كلمتين
( قال بــــس قال رضعوه)

امززززح لا تزعل
مزوووح تجي واتروووح

ان شاء لله يجي من يفيدك اخوي