موعدي بكرة الإثنين 16/7 المباحث

[الصارم2006]

موعدي بكرة 16-7

دعواااتكم لي

بس حبييت أتأكد من ناحية الأوراق المطلوبة

1- استدعاء
2- صورة طبق الأصل من المؤهل الدراسي. (( بأجيب الشهادة الثانوية - و الجامعية )) (( مع الأصوول لأن ما عندي طبق الأصل ))
3- صورة طبق الأصل من شهادة حسن السيرة والسلوك من آخر مدرسة درس فيها المتقدم. (( تم مع الأصل ))
4- صورة واضحة ومكبرة من بطاقة الهوية الوطنية للطالب(مع إحضار الأصل للمطابقة). أزهلها
5- صورة واضحة ومكبرة من بطاقة الهوية الوطنية للوالد (( المطلوب صور فقط ولا لازم أجيب الأصل ))
6- وصورة واضحة ومكبرة من دفتر العائلة لوالد الطالب. (( المطلوب صور فقط ولا لازم أجيب الأصل ))
7- عدد 10 صور شمسية حديثه وملونة ومكشوفة الرأس مقاس6x4. (( أبشر ))
8- توضح جميع صور الوثائق المحددة أعلاه بشكل مرتب في ملف علاقي اخضر.


بخصوص الأوراق الأصلية و الوثائق فيه مكان مؤمن أخليها فيه ولا أنقلها طوال فترة المقابلة . << سؤال صريح يرجال ترى ما أدري وش العلم


طيب يا جماعة الخير ..


أنا اطول ممتاز ولله الحمد 170 بس الوزن حدود 110
وجالس أخطط المدينة رايح جاي من الحرم للمطار على رجولي بس ما فيه فايدة مو راضي ينقص الوزن

يعني هل يتغاضون عن هذا الشي ؟؟؟؟؟؟؟؟؟؟؟

وفيه حاااااااااااااااااااااجه هي اللي خايف منها

عندي و الحمد الله على كل حال مشكله بالسنون والاصح النطق عندي بنشر بحرف السيين يعني أغسل يدي من بدري مثل ما صار معي بالدفاع المدني على عصر الفوزان بالمدينة سنة 1425 عطوني شلوطي عشان اللثغة ذي والوظيفة جندي عسكري مو جندي فني


والله يسترررررررررررر مثل ما تجي تجي المكتوب مكتوووب


وبالعربي هذا أخر تقديم لي على أي جهة عسكرية ترى طفشت
شهادتي جامعي ومقدم بالشهادة الثانوية على جندي لو داري كان ما دخلت الجامعه اصلاً ههههههههه


حجزت بالطيارة ورحلتي بإذن الله الليلة من المدينة لرياض لا يمديني لا أشوف فندق ولا شقة شباب معرفة لأن الوقت كله 3 أو 4 ساعات وأنا مصبح مصبح <<< تراك خربتها

ومن بعد الصلاة بأخذ تكس ما أدري كم يلزمني من الوقت للخروج من المطار إلى الموقع ؟ ساعة تكفي <<< الله يقطع بليسك رجعتنا للفيزياء والرياضيات


الله لا يهينكم يا رجال المتطلبات اللي فوق صحيح ترتيبها ولا غلط



دعواتكم والله يوفقنا وياكم

[جني ثاني]

الله ييوفك دنيا واخره

[عاطل السوق]

أنا من نايحة الطول والوزن طولي 168 و وزني 107 ورحت وسويت كل شي وقالوا الموعد 8/7
النتائج

[الصارم2006]

جني ثاني
عاطل السوق

الله بيض وجيهكم ويسعدكم

بس ما أدري يرجال أنا أخذ أصل بطاقة احوال الشايب ولا دفتر العائلة للوالد ولا يكتفى بالصورة فقط

لا هنتم

[جني ثاني]

وجهك ابيض
خذهن منت خسران شي

[عاطل السوق]

خذ صورة من بطاقة الشايب ولا تأخذ الأصل بس تكون الصورة مكبرة

كرت العائلة خذ صورة مكبرة وخذ الأصل معه

لأني رحت لهم زي كذا في الطائف ولا ردوني والكثير جو زيي

[روسس]

جيب بطاقتك الأصل أما بطاقة الوالد وكرت العائلة يكفي الصور
بالنسبة للأوراق إعمل مثلي ومثل نص الشباب اللي شفتهم جيب معك ملفين واحد لهم والثاني اللي فيه الشهادات الأصل خليه معك للمطابقة ... وعادي شيلة معاك بكل الإجرائات

[عيش اللحظه]

توكل على الله وربك يسهل لك

[قدني الى نفسي]

الله يوفقك ان شاء الله

[ولد مكة مكاوي]

بالتوفيق للجميع