مشروع تاجير معدات ومشروع تقسيط سيارات .. ارجوا الدخول

[ماجستيراوي]

السلام عليكم ورحمه الله ........

يااخوان انا عندي راس مال من 400الف واقدر اوصله 700الف (ماشاءالله) وفكرت اشتري قلاب او اثنين واجرهم .والباقي اشتري اربع هايلوكسات ابيعها اقساط ... ياليت اللي عنده خلفيه عن المشروعين يعطيني رايه فيها ,سلبياتها ,اجابياتها الخ ... ولكم جزيل الشكر بعد الله .

[شورما]

القلابات تحتاجلها واحد نشيط وغير مدلي واقطعلك يعني بتدفع عمولة وراح شهرياً تدفع للاعطال والبنشر خصوصاً القلاب.
بخصوص الاقساط الهايلوكسات راح تقسط لمدة لاتقل عن اربع سنوات وربحك راح يكون تقريباً ٢٥ الف بالسيارة.
ليه تتعب نفسك مدة اربع سنوات عشان ٢٥ الف ريال. ياخي هذا الربح ال٢٥ الف تطلعه بسنه.
لو افترضنا سعر الهايلكس ٦٠ الف هذا المبلغ تقدر تقسط اجهزه او بطاقات سوا لمدة ١٥ شهر يعني سنة وثلاث شهور وبفائدة منافسه بالسوق ٤٠٪ يعني دخلك من ال ٦٠ الف ريال راح يكون ٢٤ الف ريال في ال ١٥ شهر .

[ماجستيراوي]

المشاركة الأصلية كتبت بواسطة شورما

القلابات تحتاجلها واحد نشيط وغير مدلي واقطعلك يعني بتدفع عمولة وراح شهرياً تدفع للاعطال والبنشر خصوصاً القلاب.
بخصوص الاقساط الهايلوكسات راح تقسط لمدة لاتقل عن اربع سنوات وربحك راح يكون تقريباً ٢٥ الف بالسيارة.
ليه تتعب نفسك مدة اربع سنوات عشان ٢٥ الف ريال. ياخي هذا الربح ال٢٥ الف تطلعه بسنه.
لو افترضنا سعر الهايلكس ٦٠ الف هذا المبلغ تقدر تقسط اجهزه او بطاقات سوا لمدة ١٥ شهر يعني سنة وثلاث شهور وبفائدة منافسه بالسوق ٤٠٪ يعني دخلك من ال ٦٠ الف ريال راح يكون ٢٤ الف ريال في ال ١٥ شهر .

المعدات فيها خير لكن اهم شي يكون الشخص متابع والسواق يكون كويس .

التقسيط فعلا اذا الشخص فكر انه يشتغل بتقسيط مثلا اربع سيارات وينتظر يجمع الاقساط ماراح يكسب لكن اذا شغل الاقساط بعد ما يجمع قسط ست شهور دخل سيارة جديده كذا يكون فها خير وكل مازادت السيارات زاد الربح.

اسعدني مرورك

[اب ت ث]

ما شاء الله
الله يرزقك

[دبي دار الحي]

ماشوف مرتاحين بهالبلد الا الي يقسطون وانت اعلم مني

اما المشاريع وجع راس وقلل ابدا ب 300الف رايي لك قسطها وباقي المبلغ خله عندك اذا توفقت دخل الباقي على اجزاء
والله يرزقك

[ماجستيري]

المعدات

[ماجستيراوي]

شكرااااا للجميع

انا نويت ع المعدات وان شاء الله ارتب امور شراء السيارت (الفكرة قلابات *** ) والله يكتب اللي فيه الخسر

بالنسبه للتقسيط ممكن ادخل بمبلغ بسيط في تقسيط البطاقات او الاجهزه لكن ادرس الموضوع اول

اسعدني مروركم

[علي الفهد]

الله يوفقك اذا نويت لكن قبل تتوهق ترى الان لازم يكون عندك ترخيص ومكان لسياراتك من وزارة النقل عشان يكون عندك فيز تستقدم سواقين

[طاقة جبارة]

الله يوفقك
ويرزقك من حيث تحتسب ومن حيث لا تحتسب

المبلغ هذا ما شاء الله كبير ولازم تحسب انه يوردلك نفس المبلغ ربح خلال سنة على الاقل

[شورما]

الله يعينك على السعودة