كيف اضمن ان العامل مايسرق حلالي

[هوى كورت]

[align=center] السلام عليكم

انا فتاه جامعيه وابي افتح لي مشروع يدخل لي دخل حلو

فكرت اسوي كشك بوحده م الاسواق واحط فيه بليله وذره وفشار وبرجر

واحط عامل عليه يبيع لي لان اخواني مو راضين يوقفون عليه للاسف

او اجيب خضار واوقف العامل يبيعهم باي مكان


بس كيف اضمن ان هالعامل مايسرقني او يخدعني تكفوووون انصحوني

[زرقا اليمامة]

الله يكون بعونك
اخوانك بصراحة طايح حظهم للاسف وماراح ينفعونك في مشاريعك يمكن هم مانفعوا ارواحهم تلقينهم مايحبون وجع الراس مثل مايقولون
فاعرفي ماراح ياقفون معك وقت ماتحتاجينهم في حال نصب عليك العامل لاسمح الله او في شغله تهم مشروعك وشعارهم وقت ماتحتاجينهم عقلك في راسك اعرفي خلاصك لاتعتمدين عليهم ابداً اذا تبين تكونين
سيدة اعمال واموال بعد بااذن الله
انا اقول لو تقومين بالاشراف على كل شي طبعا المشروع هذا غيريه
لو اشتريتي بضاعة وصرفتيها من خلال الانترنت اهم شي انتي تقومين على شغلك بنفسك اتوقع راح يتبارك رزقك تعاملي مع مندوبين ثقة او سواق يوصل البضاعة ويشحنها لزباينك وهكذا
لاتعتمدين على احد ابداً الا شخص تثقين فيه المال السايب يعلم السرقه
الله يوفقك ويوسع رزقك امييين الله يستجيب في هالوقت المبروك

[التراثي]

الحل تعطينة يوميا مائة كاس شكل مميز
و كل يوم تخلص الكاسات تراجعين الحسابات

او توزعين كوبون لكل مشتري و اذا ما عطاا العامل الكوبون يعتبر الاكل مجانا و يجب الاتصال لصاحب الكشك


الحل كل يوم متابعة دورية
و متابعة مفاجاءة و تعملي له تحفيز كل تبيع عشر كاسات تاخذ كاس مجانا عشان يتحفز و يبيع

[اب ت ث]

والله يا اختي المتابعه والاشراف هي الحل الوحيد ، وبما ان المشاريع الي كتبتيه ما تستطيعن الاشراف عليه كفتاة ، فغير لمشاريع تقدرين تتابعينه .

[احساس عميق]

المشاركة الأصلية كتبت بواسطة التراثي

الحل تعطينة يوميا مائة كاس شكل مميز
و كل يوم تخلص الكاسات تراجعين الحسابات

او توزعين كوبون لكل مشتري و اذا ما عطاا العامل الكوبون يعتبر الاكل مجانا و يجب الاتصال لصاحب الكشك


الحل كل يوم متابعة دورية
و متابعة مفاجاءة و تعملي له تحفيز كل تبيع عشر كاسات تاخذ كاس مجانا عشان يتحفز و يبيع

حتى لو عطيت العامل 100 كوب مميز وعليه شعار الكوشك ... تخيل انه سبحث عن الاكواب المستخدمه بعد الزباين سواء في الزباله تكرمون او على الكرسي او باي مكان داخل المجمع وممكن يوصي عامل النظافة يجمع له اكبر كميه من الاكواب المستخدمه ويقوم بغسلها وتعبأتها بليله او ذرة حسب الموجود بالكوشك ويبيع وبكذا ماتقدر تجرد مبيعاتك ..!! قصه واقعيه.

هناك حلين :
الأول: يقوم صاحب المشروع على الكوشك بنفسه .
الثاني : يؤجر الكوشك على العامل والرضى بالقليل .

حظ موفق للجميع

[هواجس وطن]

اذا لك القدره على تركيب كاميرات تسجيل والنقل الحي عبر النت فامر الرقابه محلول
اوكمرات تسجيل بدون نقل حي ولكن يلزم اخذ الاشرطه كل نهايه يوم ومراجعتها
مع وجود جهاز كاشير مبرمج على السلع المباعه وحدد السعر ويحسب الايرادات تلقائيا
لعل هذا الحل صعب جدا عليك ولكن هو الانسب في حاله عدم وجود اداره فعاله على المحل وايراداته

[التراثي]

المشاركة الأصلية كتبت بواسطة هواجس وطن

اذا لك القدره على تركيب كاميرات تسجيل والنقل الحي عبر النت فامر الرقابه محلول
اوكمرات تسجيل بدون نقل حي ولكن يلزم اخذ الاشرطه كل نهايه يوم ومراجعتها
مع وجود جهاز كاشير مبرمج على السلع المباعه وحدد السعر ويحسب الايرادات تلقائيا
لعل هذا الحل صعب جدا عليك ولكن هو الانسب في حاله عدم وجود اداره فعاله على المحل وايراداته

بالنسبة الى الكميرات توجد كاميرات تسجل من السقف الى الايفون و الاندرويد عن طريق الانترنت

[تياموو]

المشاركة الأصلية كتبت بواسطة احساس عميق

حتى لو عطيت العامل 100 كوب مميز وعليه شعار الكوشك ... تخيل انه سبحث عن الاكواب المستخدمه بعد الزباين سواء في الزباله تكرمون او على الكرسي او باي مكان داخل المجمع وممكن يوصي عامل النظافة يجمع له اكبر كميه من الاكواب المستخدمه ويقوم بغسلها وتعبأتها بليله او ذرة حسب الموجود بالكوشك ويبيع وبكذا ماتقدر تجرد مبيعاتك ..!! قصه واقعيه.

هناك حلين :
الأول: يقوم صاحب المشروع على الكوشك بنفسه .
الثاني : يؤجر الكوشك على العامل والرضى بالقليل .

حظ موفق للجميع

للمعلومية هذا اسلوب دانكن دونات في الجرد على العامل
على عدد الاكواب يكون الدخل النقدي .. وبامكانك سؤال موظفهم

عموما الكوشك ذرة وهذي الاشياء اشوف انه صار شيئ مستهلك ومافيه فائدة
زي فكرة المغاسل و فكرة محلات الشاورما العادية
اعتقد لو يكون فيه شيئ مميز يكون افضل

[هوى كورت]

تسلمون ع الردود افدتوني

[هاموره]

الحل تتفقين معه على ١٥ الف شهريا او ١٠ الاف
والباقي له
لاني متاكده ان الكوشك حق الفشار والذره يطلع شهريا مبلغ خيالي