09-05-2010, 07:27 PM
|
 |
عضو مهم
|
|
تاريخ التسجيل: Jul 2009
المشاركات: 253
معدل تقييم المستوى: 45
|
|
|
مرآجعه حرس الحدود في معهد الرياض من طق طق الى سلام عليــم >>
مآحصل في آلريآض من طق طق لين سلام عليكم
اول مآتجي يحطونك في المنــصه
يعطونك آورآق تعهد وآستمآرة تعبيــهآ
الاورآق المطلوبة منك
1-الشهآدة .صورة وآصل
2-صورة من حسن السيرة والسلوك.
3-صورة من بطالة الاحوال والاصل لآزم تكــون معك .
عدد 1 صورة شخصية لك .
هذآ كل المطــلوب حتى ملف آخضر لاتجييب مو مطلوب
بعــد كذآ تطلع صورة مو شرط مكشوفة الراس آو مرسم اللي يريحك
يجيك العسكري ويدبس الصورة على الاستمآرة
يبدون يمشون الطلاب بدور بعدين تبصم على التعهد
وبعــدهآ تروحون عن اللجنـة
لمن تخش على اللجنه بيطلب منك بطاقة الاحوال
ويآشبآب رقم الطلب آحفظوه صم
بعـد مآيشيك على البطاقة يحولك على اللي بعــده
تجي عن اللي بعــده يقيــس الطول والوزن آذآ خلصت منه
يحولك على اللي بعــده وهو يطلب منك بطاقة الاحوال
تعطــية البطاقة ويآخذ منك معدلك يعني نسبتك ويحولك على اللي بعــده
عآد اللحين تجي عنــد النــظر يشوف كيف نظــرك آذآ خلصت من النــظر
تروح تطآبق آورآقك من ورى الشبآك بعــدهآ يحولونك آلى اختبآر الليآقة
تطلع تصف برآ بيكون في مدربيين بآكستآنيين يصوفنك بدور
تجي بعدهآ عند عسكري يآخذ منك رقم الطلب حقك ويحولك على آحد آلطوآبير يعني على حسب رقم طلبك
يوجهك روح لبيآن 2آو3آو4آو5 ... آلخ عآد بعــدهآ
تروح للمدرب يخليك تروح جري لحد معين وترجع ويحسب لك الوقت
بعد مآتهرول يقولك سو بشم بعد البشم تسوي تمآرين بطــن
آذآ خلصت منــه ترجع للمنــصة اللي آول مآجيت كنت فيهآ يرجعون يرتبونكم على حسب آلآسمآء
بعــد مآتخلصون من الترتيييب يمشونكم على قآعة آلآ ختبآر التحريري
تخش قآعة تختبر فيهآ بعطيكم فكــرة عن الآختبآر
هو عشرة فقرآت كلهآ آجب بصح آو خطآ فقــط
بذكر لكم بعــض الفقرآت
1- يطلق العرب على الذهب (الرنآن الاحمر) ( )
2-مصعب بن عمير هو اول المهآجرين آلى المدينــة ( )
3-سيف الله المسلول هو جعفر المنــصور ( )
4-ابو بكـر الصديق هو آول من سمى القرآن بالمصحف ( )
5- آركآن الصــلاة 14 ركن ( )
6- محاربة الارهآب وآجب ديني ووطــني ( )
المعـــذرة والله بس هذآ اللي آذكــره من العشر فقــرآت
المهم وآنت قآعد تختــبر يوزعون عليــك آورآق تعبيــهآ عشآن بعدين تسلمهآ للجنــة القبــول والتسجــيل
من الفقرآت اللي بالورقه يقول لك كم مره سآفرت للخآرج
يخلونك تكتب اسم الدول وآسبآب السفر لهآ وعدد مرآت السفر
انتبهو لحــد يآلف لان برقم السجل حقك رآح يآخذون برنت عنك من الجوآزآت
بعــدهآ في الاستمآرة يحطون لك آسئلة منهآ
1- مآهي هوآيآتك ؟
2- كم تجلس على النت سآعة في اليــوم ؟
3- وين تبي يكون تعيينك في آي منطقة يعني ؟؟
4- وش العمل اللي ترغب فيه بعد تخرجك ؟؟
المهم عآد بعد مآتخلص من آختبآر التحريري رآح يرجعونك للمنــصة اللي برآ
ومره ثآنية رآح يصفونكم طآبور بآلترتيب
ويخلونكم تفصخــون الجـزمة الله يكرمكم وترفع سروآلك آلى فــوق الركــبة
وتخش على لجــنة المقآبلــة الشخــصية
لمــن تخش على اللجنة المــبدئية اللي مكونه من ثلاث ظبآط يرجعون
يقيسون لك الطول مره ثآنية ويخلونك تذكــر آسمــك الربآعي بصــوت عآلي يعني لحــد يستحي
بعــدهآ يكتــبون مطآبق ويقولون لك روح صف آخر وآحد في الطآبور اللي برآ عشآن تخش على اللجــنة النهآئيــة
عــــآد طآبور آلله لايوريكــم طويل ويآلله يمشي
المهم آذآ وصل الدور عنــدك تخش على اللجنــة ويطلب منك رقم الطلب
وبعــدهآ يتفلت عليك العسكري بآلآســئلة
من الاسئــلة
ابوك وين موظف ؟؟ !!
وش يحد المملكة من الغرب آوالشــرق آو الجنوب آوالشمآل انت وحــظك عآد
من هو وزير الدآخلــية من هو وزيــر الخآرجــية
اسآلئــة عآدية يعني لحــد يتخوف يآشبــآب
بعــد مآتخلــص منهم يقــلون لك الله يــستر علــيك ورآجع المــوقع في تآريخ 1/6
آعتقد آنكم مستسهــلين الوضع بس يآشبآب عآرفين مــتى دخلنآ ومتى طلعــنآ
دخلــنآ السآعة 6 الصــبح طلعنآ السآعة 2-ونص والله يعينكم على الشمس
وبالتوفــيق للجمــيع ودعوآتكم يآشبآب
وآي آستفسآر آنآ جآهز
|
العرض العادي
