31-07-2015, 08:33 AM
|
عضو متواصل
|
|
تاريخ التسجيل: Oct 2014
المشاركات: 61
معدل تقييم المستوى: 20
|
|
السلام عليكم ..
بجاوب ع بعض الأشياء الي اعرفها
أولاً .. آلة ال3d ممتازة جداً في طباعة كڤرات ال3d فقطط
مثلاً طباعة تيشرتات وأكواب ماهي عملية بهذا الشي
واذا قدرتوا تحافظوا عليها راح تدوم معاكم بدون أي خراب
تحافظوا عليها يعني ما تكرفوها كرف وتطبعوا عليها اكواب وكفرات وتيشرتات
بالنسبة لطريقة تشغيلها
1 تضغطوا زر الباور
2 زر الtemperature مرة وحدة وبعدين تضغطوا علامة ال+ وتوصلوا الرقم اللي بالشاشة الى 200 وبعدين تضغطوا زر الtemperature ثاني مرة عشان تثبتّوا الرقم
3 تضغطوا زر ال time setting مرة وحدة وبعدين علامة ال+ وتوصلوا الرقم الى 480 وبعدين تضغطوا ال time setting ثاني مرا عشان تثبِتوا الرقم
4 تضغطوا الheating مرتين راح تولع اللمبتين الحمرة.
5 بعد كذا راح تبدء الالة تسخن وتطلع الحرارة شوي شوي لين توصل 200
6 بعد ما توصل الحرارة 200 تحطوا الكڤر وتقفلوا الغطا مزبوط
7 تضغطوا زر الڤاكيوم مرة وحدة وتأكدوا انه تم الشفط تمام
8 اخر حاجة تضغطوا زر الtiming
ملاحظة مهمة : لما تضغطوا زر الtiming حتكون الحرارة 200 والوقت 480 في الشاشة وبعدها راح يبدء الوقت ينزل لين يوصل 0 و بعدها خلاص
-------------------
ثاني شي حجاوب بشكل عام من خلال خبرتي واذا كنت غلطانة صححوا لي
الطابعات الي فيها حبر انكجت :
تقدروا تعملوا فيها هذي الاعمال ( دفاتر ، فواصل كتب ، ثيمات ، المق الحافظ للحرارة ،
تغليفات الشوكلاتة - تيشرتات ولكن الخلفية البيضا تبع الورقة يا إما تنقص يا إما حتنطبع ف التيشرت ) ممكن أي طابعة تطبعوا فيها المستندات العادية بالبيت تسوي هذي الأشياء ولكن احسن طابعة بنظري ف هالمجال هيا ابسون l800.
الطابعات الليزر ؛
هذي انا مالي خبرة فيها كثير ولكن هيا بتطبع نفس الاعمال اللي ذكرتها فوق + الأكواب ولكن ع حد علمي انو طباعتها للأكواب ماهي قد كذا
وع حد علمي انها في طباعة التيشرتات مررة كويسة وكثير يمدحوا طابعة كانون الليزرية وال oki في هذا المجال
الطابعات السبليميشن :
هذي تقدروا تعملوا فيها هذي الاعمال ( كڤرات جوال ، اكواب سيراميك ، تعليقات ، ميداليات ، شنط ، محافظ ، أي حاجة تخص منتجات السبليميشن )
لكن ما تقدروا تعملوا فيها اعمال القرطاسية والمق الحافظ للحرارة الي ذكرتها فوق الانكجت والليزر بس بيعملوها
بالنسبة للتيشرتات في طابعات السبليميشن :
اذا كان التيشرت بوليستر تقدروا تطبعوا فيه بالسبليمشن بنفس الورق والحبر تبع الكفرات والأكواب والخ
و أفضل طابعة بهذا المجال بلا منازع هيا الريكو السبليميشن
صحيح انها غالية ولكن تقدم جودة عالية تقدر من خلالها تنجح في مشروعك نجاح ممتاز وأخبارها ماهي غالية مرة و كمان ما تخلص بسرعة ع حسب استخدامك
بالنسبة للريكو تقدروا تطبعوا فيها ع تيشرتات قطن لكن لازم تستبدلوا حبرها بحبر الكروما موجودة عند بادعام
جودة ف الطباعة والثبات وألوان وصورة مرررا حلوة وكمان ملمس الورق ما ينحس في التيشرت .
----------------
وهذي نصيحة
اذا كنتوا ناس فنانين ف التصاميم في أي بداية راح تبدئوا فيها ولو كانت بتكاليف بسيطة راح تنجحوا فيها بس لازم إصرار وصبر .. الناس تنجذب للتصاميم المميزة والمبتكرة
ممكن تبدئوا بطباعة الشوكلاتات والمقات الحافظة للحرارة مثلاً ، وتشتروا الأوراق المخصصة وتطبعوا تصاميمكم في أي مكتبة عادية
اذا كان تركيزك فقط تيشرتات إبدء فيه هواً لحاله وأبدع فيه
لاحظت كثير ناس تدور مكبس وطابعة تأدي كل المهمات او عالاقل تأدي أغلبها
النجاح مو بالكثرة لكن بالقلة المتميزة
ممكن بعدين شوي شوي تضيف طابعة ثانية تخدمك في شي معين !
هذا كلامي للناس الي ماعندهم ميزانية وعندهم موهبة حلوة ف التصاميم فيه مليون طريقة تظهروا موهبتكم بدون تكاليف وآلاف مألفة
ان شالله اني كتبت كل حاجة اعرفها ومعلومات صحيحة وأنك غلطانة صححوا لي 💘
|
العرض العادي
