لمن يريد فكره ناجحه واربحاها 100% يدخل

[شموخ الوطن]

فالك التوفيق

[خدمة شي]

موضوعك ذكرني بموضوع عضو اسمه المشروع المبارك أتوقع تلقاه بمفضلة المواضيع المثبتة !!

كذا معرفه حسب ما أذكر وتكلم عن الشقق المفروشة ومشاريع التسكين

أتمنى تواجدك بتفيد الأعضاء بالإجابة على أسئلة كثيرة !!

والله يوفقك

[همآإم]

بالله أشرح لنا موضوع إستثمارك ..

أنا في الجنوب .. أبغى أخذ فككره ..

[آسستغفر الله]

بالبدايه مدري الي راسلوني خاص وصلتكم رسالتي ولالا ؟؟؟؟


طريقه العمل ب اختصار للي مافهم //

نقوم بااستأجار عماره وتقريبا يكون سعرها 400000 ريال ياتزيد ياتنقص بس قلت لكم السعر الوسط

بعض العماير الي نستاجرها تكون من ثلاث غرف ف نقوم بتقسيمها نخلي الثلاث غرف ثلاث شقق

وتصير الشقه كذا / غرفه نوم + حمام ومطبخ صغير وي غرفه نوم + صاله + حمام + مطبخ

طبعا الوحده تتاجر بالشهر ب 2500 ي 3000 ريال

واحسبو الارباح لو عندك 40 شقه اضربها ب 2500 ريال ===100000 ريال شهريا يعني بالسنه 1200000 ريال

يعني بالسنه مليون وميتين الف وانت مستاجرها ب 400000 ريال

وفيه عندي عماير فيها اكثر من خمسين شقه


الي عليك تستساجرها وبمساعدتي نقسمها وانا اديرها لك واجيبلك زباين

انت عليك راس المال وانا علي الاداره



واي استفسار انا حااااضر اكتبوه هنا عشان الكل يستفيد

[ابن سعودي]

اخوي عندي استفسارات

هل الشقة تتأجر بالشهر لشخص بـ 2500 او قصدك مدخولها الشهري 2500

فيه فترات مواسم مع الإجازات .. وفيه فترات يكون السوق نايم
ليش انت حسبتها انها كلها مواسم ( 12 شهر ) وبتكون كلها مشغولة !!

الشغلة الثالثة بالنسبة للتصاريح
هل مسموح لك تقسم الشقة بالطريقة هذي ؟

[آسستغفر الله]

لا لشخص

والله اذا موقعها كويس وماخليت اي زبون يروح عليك بتكون مشغوله طول السنه يعني نراعي الزبائن

نأخذ تصريح ان بنسويها شقق مفروشة

[سينسا]

انت حسبت الدخل الشهري 100 الف ل 40 شقة على افتراض ان 40 شقة فل طول السنه وهذي يمكن صعبه شوي ز
انت تقول شقق مفروشه لم تحسب المصاريف يعني 100 كلها سويتها ارباح وين المصاريف .الكهرباء الماء العمال؟
النقطة الاخيره والمهه اذا كانت شقق مفروشة .الدش والتلفزيون وتوفره .القنوات الفضائيه مشكلة ولا تبي تاخذ اثام الناس ويتوفر لهم القنوات . انا اعرف صاحب شقق يقول لم تشتغل شققه المفروشة الا بعد ان وفر جميع القنوات الفضائيه . وفي الاخير باعها يقول ما يبى اثام وذنوب المستاجرين .

[لقانا]

طيب ال100 الف شهريا او 1200000 المليون والميتين سنويا انت تقول ارباح ؟؟ كلامك صحيح بس ماهي صافيه لي,,
وين الكهرباء والماء ومصاريف عمال النظافه وغسيل البطانيات والمفارش ومصارسف ادوات التنظيف حقت السيراميك ودورات المياه وغيرها وغيرها .....السؤال كم بيصفالي شهريا..؟؟؟
اتوقع ماراح يصفالي الا شي بسيطط جدا مايستاهل التعب ذا كله ..لااني راح ادفع ال400الف حقت صاحب العماره والكهرب كم شهريا؟ هذا 40 شقه او اكثر مو بسيطه يعني كهربا غالي مرره شهري والماء وغيره ؟؟؟؟
اتوقع مافي فائده تذكر.. المستفيد الوحيد هو صاحب العماره الاصلي اللي اجرها ب400الف وهو نايم لاكهرب ولا مصاريف ولا شي.... لو فيها فائده مااجرها ونامم . لاان عارف وراه كهرب وماءء وعمال وغسيل بطانيات بشكل شبه يومي كل ماطلع الززبون وغيره وغيره