ساعدون تكفون مشكله بحالة االقبول!!

[طموح عسكرية]

.

.

سلام عليكم صباح الخير ياعيال ..

تكفون ساعدون اللي يذكر قبل فتره سويت موضوع عن البحريه بنفس ذا القسم

والحمد لله تم قبولي مبدئيا , سجلت يوم الأثنين والثلاثاء تم قبولي وقالولي تجي يوم الأربعاء
وصراحه ماكنت جاهز وانا مو من سكان الرياص . ف دقيت عليهم ولا احد رد ..
وقلت مالي الا يوم الأحد اصبح عندهم , الوكاد قبل شوي قلت بضبظ الأوراق مثل صورة الشهادة والهويه والخ...
قلت بشيك ع حالة الطلب عشان ل قمت اليوم رحت للمكتبه وطبعها المههم يوم خشيت لقيت كاتبين / حالة التسجيل عدم قبول الطلب !!!!!!!!!!!!!!!!!!!111

يمين بلله ضاق صدري , ليكون سحبوا اسمي ؟؟؟ الله يرحم لي والديكم شوفو لي حل ..
ولو اروح الأحد بكرشوني؟ علما انهم كاتبين قبل حالة القبول : تم القبول مبدئياً
الله يرحم والديكم , وش السوات ؟

[حمايه جهازك]

اخوي عسى الله يرزقك يارب ... اذا جتك رساله قبول بالجوال تصير حجه لك عليهم .. يعني ان شاء الله مقبول
ما عليك من الموقع .. مدام جتك رساله قبول .. الافضل تتصل عليهم او تروح لهم وعسى ربي يسهلها لك ..

[عبدالرحمن بن عيس]

الله يوفقنا وياك يالغالي
رح لمهم واسال او اتصل ابد مثل ماقال الاخ
وبالتوفيق

[فحم بارد]

نعم روحلهم لعل الله يفكها بوجهك وحاول تقدملهم اي اعذار تكون مناسبه ومنطقيه ابد لاترتبك ربي يسهل دربك ويوفقك ويوفقنا

[طموح عسكرية]

.

.

الله يسعدكم يارب , ورب الكعبه اني ارتحت شوي ..
بس هم كاتبين اذا جاك قبول مبدئي لازم تطبع نموذج الطلب ونموذج عندي مكتوب عدم قبول الطلب والرساله تقول تم قبولك مبدئيا ..

[طموح عسكرية]

يخوان رحت قبل شوي للمكتبه وطبعت النموذج ويوم طبعه طلع النموذج اسمي واسم الأهل والوالد والطول والوزن والمؤهل هذا اللي يبونه؟

لأني رحت ل موقع ادارة التجنيد ورحت لم متابعة الطلب وحطيت الهويه ورقم الطلب وطلع لي صندوق مربع فوق مكتوب عدم قبول الطلب وتحت اسمي والدوره الملتحق بها , المهم طبعتها وطلع لي اسمي والمؤهل .. صح علي طربقة الطباعه ولا لازم يكون فيه حالة القبول؟
زي مانتم عارفين هم راسلين لي قبول مبدئي ع جوالي بس بالموقع عدم القبول

ان شاء الله مابقولون شي لو اروح لهم؟

[سبايدر مان]

يارجال انا مثلك بس بالحرس الوطني اليوم جتني رساله منهم وبنفس الرساله مكتوب
تاريخ المرجعه 10 / 7 / 1436 واستعلمت بنفس الوقت على موقعهم عشان اشوف الطلبات طلع مكتوب لم يتم قبولك ههههههههههههههههههههههههه كيف ما ادري ، لاكني براجعهم واشوف ايش الوضع

ع العموم انت روح لهم باذن الله تمشي وما يقولون لك شي انا اعرف ناس قدموا في حرس الحدود وراجعو بعد موعدهم محد قال لهم شي ابد ومشت امورهم .. ارجو من الله للجميع التوفيق

[ممحمد الحربيي]

تساهيل يارجال وكل امرك لله ان كانت من نصيبك فبتاخذها وان كان لا الله يعوضك بالي احسن منها

الاستغفار منجاة لكل الامور

[طموح عسكرية]

الله يسعدكم يارب انا اليوم طالع المغرب للرياض باذن لله وبصبح عندهم
بس ماقلتو لي الحين ظباعة النموذج هو. اسمي وبياناتي؟ ولا حالة القبول

[الدهمري]

دام جاك مسج انتهى الموضوع

هذي اخطاء برمجيه بالموقع