تجمع رياضيات مجتازات قياس (متوسط وثانوي)

[لووورين]

المشاركة الأصلية كتبت بواسطة متراجحة

هههههه والله شكلي لمن كتبت الرد كنت دايخه وحست الدنيا..ماننلام من اللخبطة القديمة ماصرنا نميز >مخرج14


المهم انا حسبت بالرابط وحطيت تاريخ انتهاء التقديم افترضت انو 30 شوال1437
مدري طريقتي صح او لا .. طلعلي 81

ماشاء الله طريقتك صح..

متراجحة 81
لووورين75
توبولجي 73
دموع الورد 73

[لووورين]

بنات عندي هاجس واحساس كبير ايا كان عدد الاحتياج الا ان فرص الرياضيات للمتوسط والثانوي قليلة جدا في حدود العشرات والسبب منطقي ..

اولا رغم الاعداد المهولة للنقل الخارجي الخاص بالمعلمات الا ان اقل نسبة نقل كانت في تخصص الرياضيات

ثانيا اعادة المفاظلة السنه الي فاتت للمتوسط والثانوي والاضافة كانت 200 % ندري ان النقص كبير لكن نتكلم عن حصة هالمادة ومثيلاتها كالاجتماعيات والفيزياء والكمياء دائما قليلة

ثالثا وهو الاهم ان التركيز في التوظيف السنوات الاخيرة على تخصصات التربية الخاصة واصبحت تمثل نصف الاحتياج وكل سنه تزيد عن الي قبلها والنصف الاخر موزع بين الدين والعربي والانقليزي ورياض الاطفال


هذا مو تشاؤم بس مجرد رأي وان شاء الله يخيب ظني ويكون احتياج الرياضيات لحالة فوق 500 مع انه صعب لكن ربي قادر يفرجها علينا خصوصا الخريجات القدامى تعبنا وملينا من الانتظار

[متراجحة]

كلامك يالورين يدور براسي من امس .. انا مثلك مابرفع سقف التوقعات واهبط على صدمة!
العام كنت متوقعه الترشح ثم خيبة امل كبيرة والحمدلله على كل حال
بس معلومة انه اقل تخصص بالنقل..هل اكيدة؟

[بلسم الجراح]

السلام عليكم ،،، يا رب طيبين
نقاطي لين ٣٠ شوال ٧٦
:
من مرشحات العام المرة الأولى ، ومن ٣٣ المستبعدات بعد المفاضلة الثانية ..
بنات الرياضيات آمنت بالله التنبيش والتدقيق أحيان ينفع وأحيان يضر ، قسم الفيزياء والكيمياء مروا بمسألة قياس العلوم نفس قصتنا العام لكن لأنهم ما انتبهوا مرت بسلام ، وعموما ما كان فيها ظلم أصلا ..
:
المهم السنة ذي اتوقع والعلم عند الله اقل تخصص احتياج لأن العام اجباري استحدثوا ١٤٤ وظيفة لحقون المتوسط كحالة استثناء ، فاتوقع السنة ذي إن كان في احتياج كبير عموما لكل التخصصات فبيكون الرياضيات متوسط ، وإن كان في شح في الاحتياج فراح يكون قليل جدا لنا.
والله كريم التعيين والرزق إن ربي كتبه لواحدة لنا يهيئ لها الظروف بحيث يجيها وهي ما تتوقع
كل سنة يجي نظام واستثناء مفصل لناس ما توقعوا ، فالحمدلله المعطي

[خريجة 1427]

السلام عليكم
كيفكم بنات انا شفت التجمع قلت بسأل وان شاء الله تفيدوني انا خريجة رياضيات من عام 1427 واختبرت قياس ابتدائي ماعديت في التخصص عديت في العام وبيني وبينكم جلست سنة ونص احبطت مااختبرت ولاعدت الاختبار والسنة اللي بعدها اختبرت قياس ابتدائي ومادريت الامنكم انه صاروا يفاضلون اعداد المعلمات وانه لازم نختبر متوسط وثانوي
سؤالي الحين اذا جيت بختبر سواء عام او تخصص وش تنصحوني في اسماء كتب للمذاكرة وكذا غيرها ابي نصائح منكم عشان اقدر اعدي في ذي الاختبارات اللي ابلشونا فيها
الحمدلله على كل حال وان شاء الله كل تأخيره وفيها خيره يارب

[sunshineee]

مجموع نقاطي 74.9

[لمسة أحساس]

الله يا زمن و رجعنا ثاني ..+_+
بالتوفيق للجميع يا رب كنت هنا العام و استفدنا من بعض كثير و كان تجمع مبارك ..

الحمد لله تعيت السنة اللي فاتت بعد لخبطة و حوسة و نقلت ها السنة اي استفسار انا حاضرة معاكم .. موفقات

[المبرمجة]

ماشاءالله
وكم كانت نقاطك أختي العام الماضي وقت تعيينك؟؟

[لمسة أحساس]

المشاركة الأصلية كتبت بواسطة المبرمجة

ماشاءالله
وكم كانت نقاطك أختي العام الماضي وقت تعيينك؟؟

82 و نص تقريبا .. أنا برأي اللي فوق ال 80 نقطة أن شاء الله شبة مضمون يتعينوا لو اختارت جميع المناطق..و كمان حسب الاحتياج .. قطاع الجنوب اللي كنت فيه جميع المدارس كل معلمات الرياضيات نقلوا..احتياج الجنوب عموما هو الاقوى لأنة غير مرغوب بالغالب..لكنها سنة و بتعدي بالطول و لا بالعرض و السنة هذه الحمد دخلت الغربية مع حركة النقل و لله الحمد.. و الله ييسرها لكم

[خريجة 1427]

طيب احد يرد على كلامي فوق ترى مادخلت الا انني محتاجه احد يساعدني في اجتياز قياس وكذا والعام سبق نزلت موضوعي وش كثرها المشاهدات ومحد رد لكن ماعاد بسأل احد ولااني منزله مواضيع استفسر فيها