رآيك ،يهمني،شاركني لو سمحت.. الحرس الملكي او الاستخبارات ؟

[ربك كرييم]

السلام عليكم ورحمة الله وبركاته


اسعد الله يومكم بكل خير ،

اخواني الكرام ،هنا اليوم اقف امآمكم،اريد ان استفسر منكم في استفسار كما هو موضح ب العنوآن ،

لو ربي وفقك وفتحت امامك الابواب ، لـ تكون ضابط "ملازم " ب الاستخبارات او الحرس الملكي ..
فـ ايهما سـ تختار ، مع ذكر الاسباب لو سمحت لسبب اختيارك
والسلبيات والايجابيات لـ كل قطاع ..

اتمنى من عنده خبره كبيره يفيدني ياخواني في موضوعي فقط،
والردود الي مالها داعي امنعونا منهآ ..

ولله يوفق الجميع فيما يحب يرضى

[غابطن]

ياخوي اكيد الاستخبارات هيبه اصلن الاستخبارات هيبه لو انك جندي فما بالك ب ملازم وراتب كفو وراحه وكل حاجه حلوه وبالتوفيق لك اخوي

[بدر احمد ص]

يا رجال اخوي في واحد من القطاعين المذكوره و ينصحك في الملكي اول شي رواتب و انتدابات و شرهات و تحسين اوضاع و راحه بس الاستخبارات دورات حتميه تاخذ الصاعقه و لك ثلاث محاولات اذا ما عديت يحولونك ع اي قطاع ابجيش او الجوازات او اي قطاع و فيها دوره انقلش في الخارج ثلاث سنوات يعني ريح راسك و الملكي طيب

[الصاععقة]

اكيد الاستخبارات فيها بدلات وراحة وراتب بس عندك دورات كثيرة حتمية لازم تاخذها الله يوفقك

[كونفشيوس]

الحرس الملكي وانت مغمض الي يقول هيبه الوظيفه تعيشك مو تستخدم كهيبه او للتسلط على العلم ، تمنياتي لك بالتوفيق

[مآبه دبره]

[align=right]"




ماشاء الله تبارك الله

افا وانا اخوك جاي تشاورنا في مثل هالأمر
شفت وانت مغمض رح الاستخبارات
وعز الله ان رحت للحرس ان مامعك عقل
اذا حضر الماء بطل التيمم
وبالتوفيق يارب[/align]

[تعبت أسكت]

شوف يا اخوي اذا انت فيك حيل للصاعقه والمظلات ادخل الاستخبارات هيبه وراتب بس ما ادري كم رواتبها
واذا تبغى الراحه والرواتب روح الحرس الملكي
وبنسبه لي انا شخصين لو خيروني بين الاستخبارات والحرس الملكي راح اختار الحرس الملكي
تدري ليش ؟
لأن اول شي الاستخبارات فيها صاعقه ومظلات ثاني شي عملها حساس وتتعمق في السياسه بقوه يعني بيشيب راسي وانا باقي شباب من الهم لأن اي شي لازم تكون متأكد منه ومسؤلية
فلذلك راح اختار الحرس الملكي لأجل الاستقرار والراتب والراحه
لأني انا من النوع الي اشتري راحتي حتى لو بالراتب القليل
والراتب في بركته مو في كثرته
وفي النهايه استخير قبل كل شي

[غابطن]

ياشاب بالله مين قالكم ان الاستخبارات ضروري فيها الصاعقة سلامااات لي اقارب كثير في الاستخبارات اخرهم ولد عمتي دورة 1434 والله مافيه انا متأكد ميه بالميه لحد يضحك عليكم ويقول انها غصب

[ربك كرييم]

االله يعطيكم الف عافيه ي اخوآني،سلمت اناملكم يارب ،افدوتوني الله يسلمكم يارب
وبخصوص اخر رد ، صحيح الاستخبارات فيها اجباري اظن دورتين من الي بذكرها
الصاعقه والمظلات والضفادع البشرية ان ماخاب ظني ،لاكن عموما فيها دورات اجبارية ..وبخصصوص الدورات تهون ،توكل على الله وداقش مع الرجاجيل وامورك بتزين،واشكركم وفالكم التوفيق يارب

[فريق اوول]

الاستخبارات العامة وانت مغمض عيونك وصدق اخوي مابه دبره حينما قال :اذ حضر الماء بطل التيمم