ادخل وعطني رأيك ياأهل الخبرة عسى اللي جابك بالجنة ولا انت خسران

[عبدالله بن ماجد]

[align=center]
بإختصار شديد
أنا رجل موظف ولكن لعبت بي الديون
وخصوصا بعد الزواج والراتب ماعاد يقعد
ومتوفر لدي الان مبلغ بحدود 30 ألف
ولا ادري وش اتصرف بمشروع يساعدني بظروفي وبيتي
فياليت تنصحوني طبعا أهل الخبرة تكفووووووووووووووووووووووووووون
طبعا أنا ببالي مشروعين الان فياليت تشورون علي
الآول تاكسي وبالإيجار طبعا لاني عسكري
والثاني تربية أغنام
ومحتااااااار ولا ادري وربي فزعتكم يالغوالي بالمشورة المباركة
طبعا انا بالرياض
[/align]

[رجل أعمال مستقبل]

اخي العزيز كلنا مثلك علينا ديون
التاكسي جيد ودهله ممتاز ولكن يبي له صبر حيث انك عسكري فاكيد يوم تكون مستلم ويوم تكون تعبان لكن لو وضعت لك جدول تخرج فيه ولا ترجع حتي تستوفي مبلغا طيبا اقله 80 ريالا
اليوم الذي لاتعمل فيه تعوضه في اليوم الاخر وهكذا




تريية الاغنام حلوه ومربحه ومتعبه في نفس الوقت
فهي جيده
اذا لديك خبره في الاغنام ولديك مكان تضعها فيه فهو طيب

[جنوب الرياض]

روح للمطار وتكس بس راع المسافرين
و الأغغنام مشروع حلو بس يبي المام به حيث انك تعرف السليمه من المريضه و الشابه من العجوز
و بالنسبه لل 30 الف ابحث لك عن احد يبحث عن شريك ودرس مشروعه

[عبدالله بن ماجد]

مشاهدات ٨٠ والردود ٢
اسأل الله ان يسعد ويوفق كل من شار علي
أخوكم عبدالله ماجد المطيري

[عبدالله بن ماجد]

وينكم يا اهل المشورة لاحد يبلغ علينا بمشوره

[ناوي على]

والله حالي نفس حالك ونويت ابيع سيارتي معي لاندكروزر ببيعه واسدد قروضي واخذ لموزين اترزق فيه وراتبي يبقى لي

[بقايا راحل]

بسم الله الرحمن الرحيم

السلام عليكم ورحمة الله وبركاته

الاخوان فادوك بخصوص التاكسي والاغنام

عندي لك فكره وهي

قبل كل شيء روح المكاتب عندكم الي تاخذ سيارة دينا او دباب ( حمار الحلقه ) ياخذوها ايجار شوف كم الايجار عندهم

خذ لك سياره دينا او دباب واجره عليهم

ثم افتح لك حساب وحط المبلغ الي يجيك من السياره في الحساب لمدة سنه

لو قلنا كل شهر 1000 ريال بيكون اخر السنه 12000 ريال

بعد كذا افتح بها محل صغير قول محل تبريد بيدخل لك نفرض 500 الى 1000 ريال

صار دخلك اما 1500 او 2000 ريال مع السياره

طبعا المسئله يبغا لها صبر اقل شيء 4 سنوات
تكون تاجر صغيرون
وهكذا تكون تاجر كبير

والله يوفق الجميع

[بيتيفول]

ان شالله يفيدونك الشباب والتكاسي حلو بس لوحده ماينفع لو مثلا عندك محل خضره وعندك تاكسي بعد زين حلو والله يوفقنا وياكم

[صويلح الحربي]

وعليكم السلام المشروع بسيط دور منطقة يوجد بها بحر خالية من السفن والدبات البحرية وانت وطريقتك روح منا ولا منا الين ما يعطونك تسؤيح من البلدية وقسم بالله ذهب

[أبونايف2010]

بما انك طرحت لنا مشروعين نختار منهم

انا اشوفها جميعها مناسبه وفيها خير وان كنت اميل للبيع والشراء بالاغنام

والمشاريع كثيره بس شوف الشي الي تفهم فيه وتوكل على ربك